Friday, February 02, 2007

الواوا اح






انا قلت بقي بما اننا اصحاب والمفروض نتشارك في كل حاجة,فقلت يا واد اشمعني انت دمك يتحرق واصحابك المدونين لا,والمشاركة واجبة ولا ايه
المهم ماطولش عليكو قولو طول,السبكي عامل فيلم لهيفاء ماشي هانبعلها لكن يقول عليها فنانة ذكية وخطواتها محسوبة,
ايه اللي فننها ياعم الحاج الواوا اح ولا رجب حوش صاحبك
اصل كلام في سركم صاحبه ده كانت نيته مش كويسة
وكان بيبص لهيفاء نظرات مش بريئة مع انها حشمة والنبي حشمة
المهم بقي المعلم السبكي في لقاء مع سعادته في البيت بيتك مع المذيع -اللي كان متغاظ زيي بالظبط كده-محمود سعد
يوم الاربعاء31 يناير
محمود سعد ساله طب الفيلم قصته ايه يا سبكي ولا نوعه يعني استعراضي ولا ايه
قاله دي اسرار -اصلها هيفاء يورانيوم-ممكن اعمل فيلم استعراضي او تاريخي او ديني
خبر الموسم
هيفاء تعمل فيلم ديني
بس تصدقوا ممكن والله
اه
تعمل رباعة العدوية بس في نصها الاول
ايام الرقص والذي منه
ده اخرها


قال وايه
هيفاء تستاهل اكتر من اتنين مليون دولار
لييييييييييييييييييييييه
رونالدينهو
بس لا يا فالح هي احسن
رونالدينهو بيرقص 11 لاعب
دي بترقص الشعب
ولا عزاء لانغام واصالة وسميرة سعيد
مهم لله خلوني رحت تاني لدكتور المرارة

47 Comments:

At Feb 2, 2007, 7:56:00 PM, Blogger كلام لوجيك said...

سلامتك من المرارة يا مان
احنا ما صدقنا انك اتعالجت منها

هذا النوع من الاخبار يندرج تحت بند ادينى في الهايف وانا احبك يا فننس

والمنتج الفذ يندرج تحت بند
ويخلق ما يغيظ
انا مش عارف هنلاقيها منين ولا منين
العالم دي فقدت بوصلة اتجاها وبيعملوا حاجات غريبة وعقيمة
اول مرة اعرف ان الست هيفاء اصبحت قيمة فنية كبيرة

انا شكلى هركب مرارة حديد عشان عشان اتفقعت خلاص

ومازال مسلسل التفاخة والسطحية مستمرا

سلام يا جيفارا

 
At Feb 2, 2007, 7:59:00 PM, Blogger esraa said...

يابني صحتك بالدنيا, وحرام عليك مرارتك كده, مش كل يومين, ده الدكتور اشتكالي , وقال لازم ناخد بالنا منك.
بالنسبه لهيفا, طبعا دي ست مهمه جدا وعيب عليك أوي لما تعيب في رجب وصاحبه, وفيها ايه يعني لما تمثل فيلم ديني, طب ده أنا والله شوفتلها تصريح قبل كده بتقول فيه انها مسلمه وانها بتتبع تعاليم دينها الحنيف, أه والله قالت كده يعني هو أنا هفتري عليها؟
ربنا معاك يابني, وابعد عم الحاجات اللي بتحرق دمك دي, وبعدين الصداقه أخده معاك حدها عشان تشاركنا يعني؟
علي العموم متشكرين.

 
At Feb 2, 2007, 10:36:00 PM, Blogger micheal mohsen said...

ألف سلامة يا عمورا عليك..أمال تعمل اية لو عرفت أنها بتعمل البوم كامل للاطفال بما أن الاطفال كلها بتموت في الواوا و معتبرينها الذ اغنية أطفال اتعملت

 
At Feb 3, 2007, 1:36:00 AM, Blogger عاشقة الوطن said...

ايه ياعمرو مالك ومال هيفاء
هى هيفاء تقوم
تتعب عشان واحد هيفاء

وبعدين معلش اصل السبكى فلوسه كتيييييير ومش عارف يوديها فين

وخلى بالك من مرارتك

 
At Feb 3, 2007, 2:58:00 AM, Blogger koukawy said...

انا رأي يا عمرو انت تتكل علي الله و تشتغا رقاصه و لا ما جابش همه ابقي اشتغل اللي هيفاء و امثالها بيشتغلوه
lol
انا صدقني لسه كاتبه لحد في البوست بتاعه ان السبكيه و امثالهم لازم يتقاطعوا زيّ الدانمارك بظبط
السبكيه و بئس المصير اله يكحمهم مطرح ما هم متلقحين لامؤاخذه
و اهو من الحنطور لهيفاء يا قلبي لا تحزن

 
At Feb 3, 2007, 3:25:00 AM, Anonymous maha said...

سلام عليك يا احمد
لالالالا انا مكنتش فاكرة انك كده ابدا
اولا ليه تحقد علي الفنانة هيفاء وهبي "دي واحدة عندها رسالة و بتأديها علي اكمل وجه
دايما كده حقود علي خلق الله
و بعدين انت لو متضايق فعلا قدم كممثل و شاركها البطولة ...:)
بس لو سمحت حافظ علي صحتك انا مش عارفة زياراتك للدكاترة كترت ضغط و مرارة حرام عليك نفسك هنلاحقها من الكورة و لا مجلس الشعب و لا مؤخرا هيفا؟؟؟؟
سلام
مها

 
At Feb 3, 2007, 3:36:00 AM, Blogger صياد said...

الف مليون سلامه عليك
مفيش حاجه تستاهل يا بنى انك تتهب وتروح للدكتور عشنها
هى خربااااااااااااانه
خرباااااااااااااااااانه
وبعدين انت مسمعتش لن سعر الدوا غلى

 
At Feb 3, 2007, 2:41:00 PM, Blogger Amr Ahmed said...

ساكاماكا نيوز
الله يسلمك يا استاذ اسامة

ايوه يا فننس بالظبط كده

منتج ايه ده جزار

يخليه في اللحمة احسن

ابقي شوفلي معاك مرارة حديد انا كمان

سلام يا باشا
نورت المدونة
________________________________
esraa
طب قوليل انتي يا اسراء حاجة تتعب ولا لا
قوللي للدكتور معلش بقي
ايوه احنا اصدقاء لازم نتشارك في الوحش والوحش

نورتيني يا جميل
___________________________________
micheal mohsen
يا بخت الاطفال

هههههههههههه
هيفاء هاتدلعهم

هيفاء وهي هايفة
نورت يا جميل
________________________________
عاشقة الوطن
اه صح وانا مالي
والسبكي فلوسه كتير صحيح

انا مالي

يا عم كبر

ماشي يا ستي

خلينا مستحملين كده علطول

نورتيني

_______________________________
koukawy
كده برضو
اخرتها رقاصة
اوبا كده عيب علي فكرة

اشتغل هيفاء

عييييييييييييييب

ليه وانا دكتور اسنان ولا فاكراني سوسن
طب تيجي نعملها دعوة
انا معاكي

نورتيني بزيارتك
_____________________________
maha
وعليكي السلام

هيفاء عندها رسالة

يبقي احنا اللي بوظنا اخلاق الناس


اه اشاركه البطولة ماشي
تبقي كده فنانة وزي الفل

والله الفروض دانا كده هاعجز بدري

يللا
خليها علي الله

نورتيني
__________________________________
صياد
الله يسلمك يا باشا

علي رايك مادامت خربانة

يبقي نوفر فلوس الدوا احسن
سعيد بزيارتك الاولي
نورتني

 
At Feb 3, 2007, 4:48:00 PM, Blogger أخف دم said...

حرام عليكو بقى.. انتوا هتفضلوا ظالمين الناس كده؟البنت قمة الأدب والذوق وانتوا نازلين فيها شتايم.
هتلاقوا أدب فين بعد كده؟ البنت بتقول رجب حوش صاحبك عنى..تسيب نفسها لرجب يعنى؟ وبتقول الواوا أح ..ايه المشكلة يعنى؟ مش أحيانا المية بتبقى ساقعة بتقول أح عادى يعنى..
وإيه اتنين مليون جنيه يعنى؟ يا باشا كيلو البصل بخمسة جنيه .. يعنى المليون جنيه ده معدش يجيب كام كيلو بصل.
بطلوا افترا بقى.

 
At Feb 3, 2007, 5:03:00 PM, Blogger أحمد المصري said...

بوست جميل وحلو بس مش حاسس إن فيه تناقض مابين نقدك لهيفا والصورة الهشك بشك اللي انت حاططها ولا إيه ؟
عموما سبكي مش سبكي كلهم في مزبلة التاريخ والفن ..
مع تحياتي 00
والسلام عليكم0

 
At Feb 3, 2007, 7:55:00 PM, Blogger smraa alnil said...

طب عايزني اقولك ايه
وانت بتتجني علي البت الغلبانة دي
اللي دايرة بالواد الصغر ومش لاقياله اب يصرف عليه
بطلوا بقي الحقد الطبقي دة

جري ايه يا عموووور انت جاي علي دي
والنبي خليني ساكتة احسن

 
At Feb 3, 2007, 10:02:00 PM, Blogger يا مراكبي said...

أنا مش هأقدر أعلق عن الموضوع ده علشان لسه حاصللي موقف مش ولا بد بسبب هيفاء .. كان آخر بوست كتبته

 
At Feb 3, 2007, 10:18:00 PM, Blogger Mony The Angel said...

salamet marartak ya seedy
la2 emsek a3sabak se7etak beldenia bardo lol
ana marartelak taag tany :D
eb2a ed7'ol 3ndy shoofo w rod 3aleeh ;)

 
At Feb 3, 2007, 11:25:00 PM, Blogger zordeak said...

رونالدينهو بيرقص 11 لاعب
دي بترقص الشعب



ههههههههههههههههه


حلوة


سلاامة مرارتك يا عم


مرارتنا كلنا اتفقعت


من السبكى وامثاله


ومن الهيفا وأمثالها


وبعدين مش المرارة بس اللى اتفقعت

فيه حاجات تانية كمان اتفقعت ودى بقى مشكلة كبيرة

صعب تتعوض


تحياتى يا عموور

 
At Feb 4, 2007, 1:41:00 AM, Blogger Amr Ahmed said...

أخف دم
جري ايه ياعم اشرف

انت معاها ولا معانا

اه صح اصل صاحب رجب كان مش تمام

اتنين مليون دولار مش جنيه

يعني ميزانية

يعني يعالجوا كام بني ادم دول

ياكش تولع

نورت يا معلم

دايما كده مشرفني
_________________________________
د/أحمد المصري
يا سيدي الفاضل اولا انا تعبت علي ما لقيت صورة اكثر احترما لهيفاء

ثانيا هو انا حاططها في الفيفورتس يعني

ويعدين ماظنش ان لو صحفي كتب خبر عن اسرائيل ونشر صورة اولمرت

يبقي بيبحه
انا بس حبيت بين ان دي قال ايه فنانة

واهو فنها باين

فهمتني ولا لسه

ربنا مايجيب تناقض

______________________________
smraa alnil
سمورة الجميلة

كده برضو
هاتبيعيني علشان هيفاء

بصراحة انا لو منك اقول اه طبعا

ايه ياعيني علي الولد

ياعيني يا عيني ياعيني علي الولا

ماشي يا جميل
بس مش عاوزك تسكتي عاوزة تخرجي اللي جواكي

دايما كده منوراني

______________________________
يا مراكبي
هههههههههههههههههه
قريته يا باشا وعندك حق

نورتني
وخلي بالك من الواوا
قصدي من هيفاء

تحياتي
___________________________________
Mony The Angel
الله يسلمك يا قمر
ربنا يخليكي

مانا قلتك علي اللي فيها بقي

الرد عندك اوك
نورتيني
يا جميل
__________________________________
zordeak
ايه يابو حميد

منورني يا جميل
اوببببببببببا
كات

هتودينا في داهية ياحمد

ههههههههههههههههههههه
ماشي يامعلم

بس بعدين نبقي نبحث المشكلة دي

شكرا علي التعليق يا مان

ونورتني

 
At Feb 4, 2007, 6:59:00 AM, Blogger copa said...

ايه ده انا اول مره اعرف انها الواوا اح انا كل ده فكرها بتقول البابا بح ههههههههههههههههههههههههه هههههههههههههههههههههههه ده انا فاشل جدااااااااا
المهم الاول انت اسمك علي اسم اخو صحبي بالظبط و نفس سنه بالظبط و الله افتكرتك هو في الاول مدونة جميله و يابني مش تزعل من عمايل هيفا مسيرها هتتموت و نخلص

 
At Feb 4, 2007, 12:05:00 PM, Anonymous Anonymous said...

hi amr
مش بيقولوا فى المثل اللى معاه فلوس تحيره يجيب حمام ويطيرة
هيفاء مطيرة حمام السبكى هاهاهاهاهاهاها

 
At Feb 4, 2007, 1:52:00 PM, Blogger إنـســانة said...

حرام عليك ليك تحرق دمى اكتر ماهو شايط من الغيظ

أصوت والم عليكوا الناس؟

حسبى الله ونعم الوكيل

وبعدين معتقدش إن رابعة العدوية وصلت لمرحلة الواوا يا بشمهندس

ولا اقولك
نتعب نفسنا ليه
إيكش تولع
هى كانت بلد أبونا
واحد منتج فرحان بفلوسه
ربنا هيحاسبه بقا إحنا مالنا

حسبىىى الله ونعم الوكيييل

اه صحيح ابقى قولى دكتور المرارة بتاعك ده فين
باين عليا هغير الدكتور بتاعى

 
At Feb 4, 2007, 5:44:00 PM, Blogger ست البنات said...

ها المنتج مو يهمة سوى المال وبس وهو بيشوف انها راح تجلب كنز لية احنا الجمهور بقى نعطية بمبة ومو ندخل الفيلم وبعد هيك هيقول كنت غلطان وهيشتم فى الهيفاء

 
At Feb 4, 2007, 8:32:00 PM, Blogger الملاح التائه said...

ايه يا عمرو مستكتر على هيفا المبلغ الهايف ده
لا يا راجل حرام عليك
دي بتتعب وبتحرق فى دمها وتستاهل اكتر من كده كمان
بزمتك
وانا راضى زمتك
شكل الراجل اللى انت حاطت صورته ده
مش بيفكرك بحد
....
ايوه اللى كنت بتشوفه فى حلقة السمك
مش كده برضه

 
At Feb 4, 2007, 8:46:00 PM, Blogger Amr Ahmed said...

copa

يا واد يا كوبا
بقي انت متعرفش انها واوا اح

دانتي تبقي نيلة اوي

متشكر يا معلم علي الكلام الحلو ده

وسعيد بزيارتك

نورتني

_________________________________
Anonymous
عندك حق

نورتني
____________________________
إنـســانة
لا انتي هاتفضحينا

ماتصوتيش
اصوت انا
اه والله علي رايك
مرحلة الواوا دي صعبة اوي

لا الدكتور ده خصوصي

فاتح عياته علشاني انا بس

بس عموما اسمه دكتور خشبة
نورتيني يا قمر
_________________________________
بنت البدو
انا معاكي تماما
ومستعد لحملة مقاطعة للافلام التافهة

بجد والله ياريت تتنفذ

شكرا علي زيارتك ونورتيني
________________________

حبيبها أنا
انت جاي تغيظني ولا ايه

اما اتنين مليون دولار مبلغ هايف
امال ايه اللي مليان
علي رايك
هو اخره سماك

نورتني يا معلم

 
At Feb 4, 2007, 9:24:00 PM, Anonymous Anonymous said...

الله
هيفا بالالوان
و متحركة
قايمة نايمة واكلة شربا ساعتين يا معلم علي شاشة السيما
والعيال تريييييل عليها

يا رب ارحمنا

اديني نمرة دكتور المرارة بتاعتك

 
At Feb 4, 2007, 9:49:00 PM, Blogger mano said...

تستاهل اكتر من اتنين مليون دولار
ليييييييه
طيب لو كانت بتغنى حاجه عايها القيمه كانت تاخد كام
بالمناسبه
احجزلى معاك عند الدكتور

 
At Feb 4, 2007, 10:44:00 PM, Anonymous Anonymous said...

لو كنت كاتب البوست ده نكاية فينا وفقعا لمرارتنا
فانت نجحت بنسبة1234234%يامان
ربنا يرحمنا من الهايفه وتوابعها
واللى يتشددلها قولوا امين
مش فاهمه انا والله
بس نقول ايه؟..السبكى عاوز ملايينه تزيد وتزيد,ومش خساره مليونين دولار فى المزه اللى هاتجيبله عشروميت مليون دولار

 
At Feb 4, 2007, 10:45:00 PM, Blogger واحـــد مـــــن الـنـــاس said...

الناس الحاقدين المنبثقين عن القلة المندسة اعداء النجاح اللي مستخسرين في سيدة الغناء العربي هيفا وهبي مبلغ الاتنين مليون دولار
بقولهم موتو بغيظكم وكمدكم يا حاقدين يا طبقيين
هيفا بتبذل مجهود خارق في شخلعة الشعب وترقيصه على الواحدة ونص
ولازم تاخد حقها وفوقيه بوسة
لا
الف الف بوسة كمان
تحيا هيفا وهبي
ويحيا الشعب
وهز يا وز

 
At Feb 5, 2007, 4:42:00 AM, Blogger albida said...

معلش يا بنى متعملش فى نفسك كده!! صحتك بالدنيا برضه
هههههههههه

وثانيا أنت معترض ليه أن طنط هيفاء تعمل فى فيلم؟ دى حته فى قمة الأدب والاحتشام!! ياريت بنات مصر كلهم يتبعوا الأخلاق الحميدة بتاعت هيفاء
:) :)

أنت عارفة الفيلم الدينى (الشيماء)؟ هى بقى هتعمل الجزء التانى: الهيفاء
هههههههههه

manal

 
At Feb 5, 2007, 10:29:00 PM, Blogger malak said...

سلامتك
ده هيفا ياعينى بتتعب وتقوم بدورها على اكمل وجه
يعنى انت تفتكر ان هيا مش هتعرف تعمل فيلم دينى
وبعدين مستغرب ليه من كلام السبكى مش جديده عليه

 
At Feb 6, 2007, 1:45:00 PM, Blogger farida said...

يعني انت ملقيتش غير السبكي اللي تضيع وقتك في الفرجه عليه؟؟؟

انا مش بطيق الراجل ده على فكره

و بعدين الاخت هايفه مزعلاك في ايه.

بكره فيلمها يصنف من اهم 100 فيلم في السينما الجنسيه قصدي المصريه

بلاش حقد يا راجل
2 مليون دي حاجه بسيطه
انت عارف هي بتنفخ و تظبط رفرف و زوايا اتزان بكام؟

دي مرارتك اللي مزعلاك دي ماتتكلفش نص عمليه واحده من اللي بتعملها عشان خاطر تمتع عيون جمهورها الحبيب

بلاش تتفرج على تلفزيون اليومين دول سواء اخبار فنيه او محليه
و ممنوع قراءة المجلات
و اوعى تمسك جريده قوميه
مرارتك حتستريح شويه
و ربنا يعافيك
لغاية ما الفيلم ينزل و تشوف ايرادته
ترجع المراره تهيج عليك

 
At Feb 6, 2007, 7:53:00 PM, Blogger Carmen said...

ايه يا عمرو

فى ايه

عادى جدا

دى الفنانة العالمية هيفا ....


وكمان دى توماتيكى

تدوس تاريخى معاك
.. دينى معاك ..وانت بنفسك قلت انها حشمة خالص خالص يعنى
استعراضى موجود بالثلث...هى من غير حاجة بتستعرض كل حاجة ..


وايه يعنى 2 مليون دولار

ولا حاجة

سوف هيا مدفوع فيها كام اصلا فى العمرة ...

سلامة مرارتك


عادى

ولا يهزك

ماهو ده المتوقع من شخص زى السبكى

 
At Feb 6, 2007, 8:06:00 PM, Blogger Amr Ahmed said...

Epitaph

واي ترييل

ده الفيلم هيحقق ايرادات خيالية

دي هيفاء يا ناس

نمرة الدكتور
111111111111111111111.5

ونص

نورتيني يا قمر

___________________________________
mano
قوليلهم والنبي يا ستي

ده الدكتور كده هيحقق ايراد ايه

انا بفكر اقسم معاه بالنص

نورتيني وشكرا علي زيارتك

________________________________
وينكى
هههههههههه
حلوة نكاية فينا دي

انا قلت نتشارك كلنا اصحاب مع بعض

صح ولا لا
علي رايك هو هايلم الملايين دي مرتين تلاتة

نورتيني يا جميل

وشكرا علي الزيارة

__________________________________
واحـــد مـــــن الـنـــاس
ايوه ياعم علي
انا من القلة المندسة دي

فيه اعتراض

هاسلطهم عليك

واقول عليك جاسوس هيفاء

نياهههههههههههها
شر

منورني دايما يا علوة
________________________________
albida
اهئ اهئ اهئ

شوفتي يا منولة ايه اللي حصلي

دول مستقصديني

قوليلهم يرحموني بقي

انتي عاوزة بنات مصر كلاها زيهم

يبقي بالهنا والشفتشي

ايوه الهيفاء

نورتيني

شكرا علي تعليقك

_______________________________
malak
الله يسلمك

والله عندك حق

سعيد بزيارتك الاولي وياريت تتكرر

نورتيني
__________________________
farida
طب هاعمل ايه يافيري

هو انا لقيت حد عدل وماتفرجتش

هو مفيش حد بيحبه غيره تقريبا
لا معلش بقي
ايوه اهم ميت فيلم

في

يللا مش مهم

يا خبر النهادرة بفلوس

نورتيني

سعيد بزيارتك الاولي

ياريت تتكرر

 
At Feb 6, 2007, 8:09:00 PM, Blogger Amr Ahmed said...

ايه الاشتغالة دي يامروة

بعد مرديت لقيتك علقتي

ههههههههههههه

تاريخي ديني

وعلي كل لون يا باتسطا

اي خدعة


الله يسلمك يا قمر

والله نورتيني

وعاوز اشوفك كتير
تحياتي

 
At Feb 6, 2007, 10:58:00 PM, Blogger nadine said...

ده انت كمان فاتك حتت خبر
ياريت اللى قلبه خفيف مايقراش
قال ايه
ست الحسن و الجمال
هيفا هانم وهبى
قررت انها تعمل البوم للأطفال
الألبوم الجاى

و لا تعلييييييق

بين قوسين: لو الدكتور بتاعك ده كويس..ادينى عنوانه لو سمحت

 
At Feb 7, 2007, 12:05:00 PM, Blogger أُكتب بالرصاص said...

يا عم عمرو

كلامك حلو ..
وتعليقاتمك احلى

بس ....

وخاطري عندك

بلاش الصور اللي تثير همم الشباب دي
:)
الناس مش مستحملة الهدوم اللي عليها في البرد ده
:)

 
At Feb 7, 2007, 12:28:00 PM, Blogger ريما said...

معلش يا عمرو هي برده بتتعب ولازم تاخد على قد تعابها
:)
هي مش حانلوم عليها لانها لو ماكنش السبكي هو اللي كلمها وعرض عليها الفيلم ماكنش ده حصل
الست فاعدة في حالها بقالها يمكن 4 سنين ولاحاجة
هو بقى السيد سبكي مش عارف يودي فلوسه فين الله يكون في عونه:D

 
At Feb 7, 2007, 3:58:00 PM, Anonymous Anonymous said...

تشكل تجربة الرقابة العمالية في مصنع سانيطاريوس ماراكاي، فنزويلا، خطوة تاريخية هامة تخطوها الثورة إلى الأمام، ليس في فنزويلا وحدها بل في العالم بأسره، حيث تعطي الدليل على تفوق نظام الرقابة الديموقراطية العمالية على التسيير الرأسمالي وستشكل مثالا يحتذى من طرف العمال الآخرين في فنزويلا، أمريكا اللاتينية والعالم.

لكن معركتهم هذه لم تنتهي بعد، إذ لا يزالون يناضلون من أجل الاعتراف الرسمي، من طرف الحكومة البوليفارية، بشرعية النظام الذي أقاموه في المعمل وقيام الحكومة بمصادرته وتأميمه تحت رقابتهم. في هذا السياق يعتبر التضامن الأممي من طرف عمال العالم والمناضلين الثوريين والنقابيين والمنظمات اليسارية، مع نضال عمال سانيطاريوس ماراكاي، مسألة حيوية وضرورية ومحددة لحسم الصراع لصالحهم.

عاش التضامن الأممي بين العمال!
يا عمال العالم اتحدوا!

 
At Feb 7, 2007, 4:53:00 PM, Blogger chaos said...

سلامة مرارتك اب افقعها علي حاجة تستاهل
بس بيني و بينك إمكانيات هيفاء تستاهل .......
ال ٢ ميليون مش مرارتك هاهاهاهاها و اله حاجة تحَزِن الواحد علي روحه بيتفحت طول الشهر علي ١/١٠٠٠٠٠٠٠٠٠٠٠٠٠ من اللي بتاخدة الهايفة دي في فيلم واحد ..... أرزاق يا معلم

 
At Feb 7, 2007, 8:51:00 PM, Blogger tamer said...

سيب الرجل يقول ولو كلامة مش معقول عادى احنا فى زمن العجايب

وربنا يسطرها

تحياتى

 
At Feb 7, 2007, 9:09:00 PM, Anonymous Anonymous said...

[url=http://imageshack.us][img=http://img211.imageshack.us/img211/1481/untitled1copyeb3.jpg][/url]

ده بقى لزوم تبخر الدم خالص

 
At Feb 7, 2007, 9:21:00 PM, Anonymous Anonymous said...

أولا متبوظووش الفن
الواوا اح بتاعت دومينيك

هيفا بتاعت بوس الواوااا
معلش بقا
علشان حفظ التخصصات

ثم ان السبكى دة هو السبب ورا انتشار البلوة اللى اسمه سعد الصغير وبعرور
يعنى هى جات على هيفاا؟؟
ثم يعنى المززة ممشية حالها مع الكل
جات عالسبكى يعنى ويبقا هو ابن البطة السودا؟؟

ثم لازم هيفا تاخد اتنين مليون دلوقتى علشان كلها سنتين تلاتة وتعتزل اللعب
بعد ما تعدى الخمسين

هى دى النظرية

وعلى رأى ستى
اللى معاه مال ومحيره
يشترى حمام ويطيره

تحياتشى ومراراتشى

 
At Feb 8, 2007, 1:12:00 PM, Blogger الأباصيرى said...

السبكى بيدور على الفلوس حتى لو هيعمل فيلم جنسى

وهيفاء بتدور على الفلوس والشهرة حتى لو كانت بطلت الفيلم اللى فوق

والشعب بيدور على اللى ينسية همومة حتى لو كان هو المشاهد بتاع الفيلم اللى فوق

ياعم دماغك

عجبنى موضوع هيفاء يورانيوم - فى الجون

سلام ياباشا

 
At Feb 8, 2007, 4:57:00 PM, Blogger Amr Ahmed said...

nadine

انتوا كلكم عليا ولا ايه

ايه يا نادين

كده برضو

انتي شايفاني بعاني

تيجي تزوديها

ماشي يا ستي
نجاملك في الافراح

دايما كده منوراني

تحياتي
________________________________
أُكتب بالرصاص
الباشا الكبير

والله منورني

ربنا يخليك شكرا علي كلامك الجميل

والله دي اقل صورة لقيتها

اكثرهم احتراما

ههههههههههه

سعيد جدا بزيارتك

ياريت تتكرر
_______________________________
ريما
هي بتتعب والشعب بيتعب عليها

وحاجة مستشفي خالص

علي رايك هو السبكي منه لله

نورتيني
وشكرا علي الزيارة

ياريت تتكرر
________________________________
Anonymous

ياعم سانطياريس مين والنبي
ارحمني
احنا عارفين نتضامن مع نفسنا حتي
دانا بحسبها مركز ولا قرية
اتاريها في فنزويلا
وبعدين انت شيوعي ياد
________________________________
chaos
الله يسلمك يا مان

اصلها امكانيات يا مان
نورتني شكرا علي الزيارة
___________________________________
tamer
علي رايك يا تمور

زمن العجايب

تحياتي يا مان
نورتني
__________________________________
شهروزة
يا سلام علي الدقة الاكاديمية

محسساني انها حقوق نشر لبحث كيمياء

منهم لله بعرور والصغنن ده
اهي كلها بلاوي مالية البلد
نورتني يا شهروزة
______________________________
الأباصيرى
كلهم يطلعوا كسبانين
واحنا دمنا يتحرق

منورني دايما يا معلم

 
At Feb 9, 2007, 11:59:00 PM, Blogger سجين فى قلب الوطن said...

مالك يا عم انت ؟؟؟
فى ايه ؟؟؟؟
ما تسيب فوفه "دلع هيفاء المحبب على حسب تصريحاتها" تعمل الفيلم ...
خلى قوى الشعب العامل تستمتع بروعة التمثيل و الأنتاج و المونتاج كمان

يعنى روبى عملت فيلمين أو تلاته مش فاكر والله

يبقى فوفه أقل منها

سلامة مرارتك يا مان.....
تلاقيك بس كترت من أكل العسلية شويتين
هى بتعمل كدا فى المراره

يلا ما علينا
شعب حاقد

"انت متغاظ من السبكى علشان حيشوف فوفه كل يوم بقى"

سى يو لايترز

تشاااااااااااووووووووووززززززززز

 
At Feb 16, 2007, 8:42:00 PM, Blogger hebaz said...

سلامتك من المرارة
ما عاش ولا كان الى يعمل فييك كدة
بس كدة تغلط فى أختنا هايفة!
دة الأدب هايفة ده الأخلاق هايفة

 
At Mar 1, 2007, 10:21:00 PM, Blogger mado said...

متخفش خالص

هو عارف انه لو خلي هيفاء معاه في الفيلم هتجيبلوا 100 ضعف اللي هيدفعوه لان للأسف الشباب اياهم بتوع وسط البلد هيتفرجوا علي الفيلم و مش بعيد هيفاس تغانيلهم بوس الواوا مع الرقص في ميدان التحرير

و بدل ما هتبقي تحرش، هتبقي العملية عيني عينك

اللهم ارحمنا و لا تولي علينا السفهاء منا

 
At Mar 7, 2009, 2:55:00 AM, Anonymous Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

 
At May 1, 2009, 4:49:00 PM, Anonymous Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

 
At Nov 15, 2013, 11:50:00 AM, Anonymous Anonymous said...

This is such a nice addition thanks!!!
عرب كول
شات صوتي شات
شات مغربي
دردشه صوتيه
شات صوتي
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه
مدونة بعثرة اقلام
بعثرة اقلام

 

Post a Comment

<< Home