Thursday, December 14, 2006

ولم يمهلهما القدر



كان هذا اول لقاء لهما بمفردهما
فهذه اول مرة تسمح له بالخروج معها
تقابلا,قررا التنزه سويا
ذهبا الي مقصد العشاق
توجها النيل
لم يخل الطريق من كلمات الحب
ونظرات تنم عن عشق متبادل
جلسا سويا
كان الحديث عن المستقبل
عن حلم كل منهما بأن يكونا معا
وتوادعهما بان يكونا لبعض
رغما عن اي ظروف
كانت تغمرهما فرحة اللقاء ونشوة الحب
حاول ان يمسك يدها
ولكنها كانت تسحبها في حياء
ثم تدير وجهها خجلا
تعلم كم يحبها
ويعلم هو ايضا مقداره في قلبها
..............
مضي الوقت سريعا وحان وقت العودة
استعدوا لعبور الطريق
سمحت له لاول ان يمسك يدها
احس بانه سوف يطير من الفرح
واحست هي بامان لم يسبق له مثيل
كانت تلك اسعد لحظة في حياتهما
ولكن.....................سيارة ذلك الرجل
كان لها رأي اخر

فقد صدمتهما سويا


سقطا معا
.......................
وعلي وجه كل منهما ابتسامة
خرجت روحيهما في نفس اللحظة
تتعانقــــــــــــــــــــــــــــــــان
لقد قررا ان يكونا لبعض
وقد وفيا بالعهد
قصتهما كانت قصة حب
حاولا ان يتماها
ولكن
!!!!!!!!!!!!!!!!!!!!!!!!!!!!!!!!!
لم يمهلهما القدر

41 Comments:

At Dec 14, 2006, 6:34:00 PM, Anonymous semsema said...

فعلا لم يمهلهما القدر....اسم جميل وليه معاني جميله اوي ..فعلا القدر كتير مبيمهلناش وقت نكمل ال عايزينه ...مش شرط موت الله اعلم حبهم كان هيكمل ولا لا.....القدر بردو كان ممكن عاند معاهم ..بس يابختها ماتت وهي متاكده انه بيحبها وهو كمان .................القدر .
بس بجد كلامك جميل اوي بيمس القلب ((((((الجريح)))))))

 
At Dec 14, 2006, 9:50:00 PM, Blogger islamz said...

جمييل كلامك يا عموور .. القدر ممكن يكون سبب لحاجة من اتنين يا اما سعادة يا اما حزن .. والسعادة والحزن شيء نسبي يعنى بيختلفوا باختلاف الشخصية .. اهم حاجة نؤمن بالقدر خيره وشره .. هترتاح وتريح بالك .. كلامك جميل بجد يا عمرو .. ورقيقة تعبيراتك ..

سلام يا صاحبي ... :]

 
At Dec 14, 2006, 10:32:00 PM, Blogger Amr Ahmed said...

semsema

شكرا علي تعليقك

وشكرا علي المجاملة الرقيقة

islam

يا باشا انتي منورني


وشكرا علي كلامك الجميل ده

والقدر ده من ربنا

زي مابيقولوا نصيب ومكتوب

والحمد لله علي الخير والشر


نورت المدونة يا باشا

 
At Dec 16, 2006, 11:28:00 AM, Blogger The_Survivor said...

عنوان جميل جدا جدا
وفغلا القدر ممكن يكون عائق قدام تحقيق حاجات كتير
بس منقدرش نعترض لأنة زي ما انت قولت داة قدر
بس ممكن بردوا يساعد في حاجات كتير







عمروا انا عندي ملاحظة كدة بس ياريت ماتتضايقش منها
انت المدونة بتاعتك بقيت كلها حزن كدة لية انا عارف ان دية الحاجة الوحيدة الحقيقية في حياتنا بس بردوا يعني نحاول نفرح نفسنا ونبتسم شوية

وانت عارف يا عمرو انا زي اخوك
وانت طبعا متقدرش تزعل من كلامي ولا اية

 
At Dec 16, 2006, 12:18:00 PM, Blogger Amr Ahmed said...

the survivor

اولا انت ايه اللي دخلك

انت سايب المذاكرة ليه

حسابك معايا بعدين

بس انت نورتني يا ياباشا


والله حكاية الحزن ماتعرفش ليه

يمكن علاشن موود الامتحانات

او يمكن حالة نفسية

ويمكن تغيير


وبعدين انا كاقدرش ازعل من اي نقد

انا بافرح جدا من اي نقد محترم

واتمني اني احاول التغيير

نورتني يا جميل

 
At Dec 16, 2006, 12:53:00 PM, Anonymous كلبوزة لكن سمباتيك said...

مش كنتي سبتيه يمسكها يا فوزية


يا عم كنت غيرت النهاية و راح عزمها على كوزين ذرة و لا حاجة ساقعة

ليه الغم ليه


دعوة للتفاؤل
يسترك المرة الجاية وديهم القناطر بس اوعى تموتهم غرقانين حاكم انا عرفاك
هههههههههه
سلامز

 
At Dec 16, 2006, 1:31:00 PM, Blogger Amr Ahmed said...

kalbooza

شكرا علي تعليقك

وان شاء الله المرة جاية

هاخليهم مش يروحوا القناطر

يروحوا سلانترو

اي خدعة

ومش هاخليهم يعدوا الشارع

هاخليهم علي الرصيف

بس ربنا يستر وماحدش يرمي عليهم حاجة

من فوق

انا ماليش دعوة بقي

نورتيني

 
At Dec 16, 2006, 2:28:00 PM, Blogger tazart said...

رائع

 
At Dec 16, 2006, 2:50:00 PM, Blogger smraa alnil said...

لاااااااااااااااا
لا بق انت ناوين تخلصوا عليا النهاردة
انا كل ما ادخل بلوج اقراه واقعد اعيط
والله انا مش بقيت مستحملة
ليا سؤال
ليه احلامنا مش بتكمل وليه امانينا مش بنلاقيها
وامنياتنا مش بتتحقق
ليا دايما حزننا جوانا وبيعشش فينا زي كهف اسود رافض النور
بص بقي انت اللي جبته لنفسك

 
At Dec 16, 2006, 3:05:00 PM, Blogger Amr Ahmed said...

tazart

شكرا علي تعليقك ونورت

 
At Dec 16, 2006, 3:07:00 PM, Blogger Amr Ahmed said...

smraa elnil

ايه بس اللي مزعلك

هي يمكن مسحة حزن جماعية

بس مش مقصودة والله

وبعدين لاحظي اننا في ايام امتحانات


وبعدين ايه الكلام الكبير ده


ايييييييييه انت بتقول ايه

بس ولا يهمك

انت نورتيني

 
At Dec 16, 2006, 3:11:00 PM, Blogger The_Survivor said...

"انا كاقدرش ازعل "

انت شكل الإمتحانات مأثرة معاك خالص


وانا بقترح نهاية جامد
هما هيعدوا الشارع ويأخدوا تاكسي ويروحوا دريم بارك بس المشكلة ان المراجيح هناك خطر بس هيركبوا مراجيح و.........





















هينزلوا سلام وهيقعدوا شوية في الكافيتريا وبعدبن هيروحوا يركبوا الأتوبيس والأتوبيس يطلع كوبري ستة اكتوبر وبعدين ......................






















الأتوبيس يوصلهم وهما ماشيين
يروحوا وهما قدام بيتها ينقط عليهم الغسيل وطبعا الغسيل مش نضيف وتحصل مشكلة
والمسكلة تبقى حرب طائفية



خلاص كفاية كدة
اهي تبقى نهاية مش متوقعة

 
At Dec 17, 2006, 11:31:00 AM, Blogger nahrelhob said...

im so sorry there is no arabic in this keyboard
im so sad that you are sad
elkadar.....be3mel 7agat keter we lazem elinsan yerda beha but when they died together every one know that the other love him if they do not die fate may make oaother things
im so happy only that you visit me but i will go for along tome due to exams not forget me

 
At Dec 17, 2006, 12:13:00 PM, Blogger LAMIA MAHMOUD said...

طيب كده انت حيرتنا نزعل ولا نفرح .. اعتقد ان القرار في الحالة دي مش بتاعنا خالص

بس اللي اكيد ان اسلوبك روعة

 
At Dec 17, 2006, 12:38:00 PM, Blogger Amr Ahmed said...

nahrelhob

thnks for you visit

el 2adar beta3 rabena

we cant do any thing with it

only we can thanks god for every
thing

god help in your exams

rabena ma3aky

nawarty el blog

ana ma2darsh ansaky

thnks very much

 
At Dec 17, 2006, 12:42:00 PM, Blogger Amr Ahmed said...

LAMIA MAHMOUD

لمياء شكرا علي زيارتك للمدونة

نورتيني

بس والله موضوع الحيرة

يعني مش عارف


بس اهم ماتوا مع بعض

يمكن هما يكونوا سعدا لانهم مع بعض

اعتقد لو ان واحد بس مات كانت بقي اصعب

علي الطرف الاخر

المهم انك نورتي المدونة المتواضعة

عاوز اشوفك كتير

 
At Dec 17, 2006, 7:05:00 PM, Blogger mariam said...

هوه فى اكتمال اكتر من كده
من ميتمناش تكون دى نهايته مع حبيبه
الاتنين دول محظوظين جدا
على فكرة القدر مبيظلمش حد دى نظرتنا القاصرة بتهيا لنا كده

 
At Dec 17, 2006, 11:01:00 PM, Blogger Amr Ahmed said...

mariam

شكرا علي تعليقك

هو يمكن الكتمال موجود لانهم ماتوا سويا

لكن انا شخصيا افضل اننا اعيش مع حببيتي

يعني مانموتش من اول مرة كده

طب حتي اقابلها مرتين تلاتة كمان

ولا ايه

بس هانعمل ايه المخرج عاوز كده

انتي نورتي البلوج

وعاوز اشوفك تاني

 
At Dec 18, 2006, 2:52:00 AM, Blogger sara86 said...

اغرق معك فى بحار الاحلام
اهوى الى الاعماق
بدونك لا حياه
اريدك معى ولو بداخل تابوت مغلق
اريدك معى ولو لفظتنا الدنيا

جميله ياعمر
ماهو مفيش حاجه بتكمل كفياهم الحبه اللى عشوهم
ههههههههههه
تحياتى عمرو

تشرفنى زيارتك
http://www.7aagat.blogspot.com/

 
At Dec 18, 2006, 1:46:00 PM, Blogger Amr Ahmed said...

sara86

شكرا علي تعليقك

يمكن فعلا كفاية عليهم الحبة اللي عاشوهم

بس انا عن نفسي كنت اتمني اكتر

لكن قضاء الله

انتي نورتي المدونة

وانا يشرفني اني ازور مدونتك

 
At Dec 19, 2006, 2:07:00 PM, Blogger nadine said...

حلوة قوى يا عمر
و احلى حاجة فيها
انهم جالهم وقت وحسوا بالحب بجد
فى ناس كتير بتعيش بال70 و 80 سنة و ما بيحسوش بالحب خالص

بس دول برغم عمرهم القصير مع بعض
بس عاشوا حاجة كبيرة قوى مع بعض

عجبتنى النهاية قوى
اصل انا بحب الدراما و الحاجات اللى فيها شجن
فقرية بقى :)

اتمنى تكون احسن دلوقت
و ذاكر كويس
سلام يا باشا

 
At Dec 19, 2006, 7:11:00 PM, Blogger Amr Ahmed said...

نااااااااادين

ايه الاخبار

عاملة ايه

شكرا علي المجاملة الرقيقة دي

وطبعا الدراما دي حاجة تحفة

اصل احنا بندرسها في الكلية بالانجليش

وبيدرسها ناس جامدة جدا

وهي مادة جامدة

المهم بقي انتي نورتيني

 
At Dec 20, 2006, 11:08:00 PM, Blogger Shadi said...

عاوز/ة كل الناس تعرف مدونتك
اشترك في مشروع الغريب لارشيف المدونات
http://elgharep.blogspot.com/2006/12/blog-post_15.html
............
المدونات العربية
http://arabblogs.blogspot.com/
........
بدل لما تحط لستة طويلة باسماء المدونات
عندك في مدونتك
حط اسم مدونة واحدة تحتوي على اسماء كل المدونات
........
عاوز اسمك يضاف الى قائمة المدونات
ارسل لنا اسم مدونتك وعنوانها و اسمك
على
za_shady@yahoo.com
...........
لو عجبك المشروع أخبر به كل اصدقائك لكي ينجح


امضاء
أعضاء مشروع الغريب لارشيف المدونات

 
At Dec 22, 2006, 4:39:00 PM, Blogger بيسوو said...

صحيح القدر فعلا مش على طول بيمهلنا
علشان كدة الانسان لازم دايما يغتنم الفرصة الي قدامه لانه ميعرفش اذا كانت هتيجي تاني ولا لأ
سلام ياعمرو

 
At Dec 22, 2006, 6:31:00 PM, Blogger Amr Ahmed said...

بيسوو

شكرا علي تعليقك

انتي نورتي المدونة

وعاوز اشوفك كتير

 
At Dec 23, 2006, 2:51:00 PM, Blogger hebaz said...

عارف يمكن لو مكنش مقدرلهم هذة الحادثة مكناش أفتكرناهم او توقفنا عندهم
كان ممكن ميكملوش مع بعض أو ميخلصوش لبعض أو كانت تاخذههم دوامة و طاحونة الحياة و يتنسى الحب و المشاعر فى صراع الحياة المادية
او كان ممكن الروتين اليومى يموت الحب دة أو يتركن على الرف
ساعتها كنا عمرنا ما حنلتفتلهم لأنهم حيكونوا خلاص شىء عادى
لكن جمال القصة أن القدر توقف بهم عند لحظة من السعادة و الحب و الرقة و البراءة
معلش طولت:)

 
At Dec 23, 2006, 7:12:00 PM, Blogger Amr Ahmed said...

hebaz

عندك حق فعلا

لو كانو زي اي اتنين ماكناش اخدنا بالنا منهم

بس اختلافهم كان صعب شوية

اختلفوا عن الحبايب العاديين

لانهم راحوا مع بعض

شكرا علي تعليقك

وانتي تطولي براحتك

البيت بيتك(بس مش الرخم تامر امين)

انتي نورتي المدونة

 
At Dec 24, 2006, 8:21:00 PM, Blogger copa said...

باشا ايه التعقيد ايه الكلام العالي اوي اوي اوي ده ... كلمات في منتهي الجمال منتظر بقي بقيت بوستاتك و انضملك قارء جديد

 
At Dec 25, 2006, 1:22:00 AM, Blogger Amr Ahmed said...

copa

يا جميل انتا نورت المدونة


الف شكر علي كلامك الجميل

وانتا شرفتني

واحب اشوفك تاني

الف شكر

 
At Dec 25, 2006, 9:56:00 AM, Anonymous هلوسة said...

تفتكر يا عمرو لوكانوا عاشوا ... مكنوش هيفترقوا
القدر فرقهم هما .. بس صدقنى الحياة والفلوس والاهل والناس بتفرق نااااااااااااس كتير ... قصة حلوة ربنا يوفقك

 
At Dec 25, 2006, 4:06:00 PM, Blogger Amr Ahmed said...

هلوسة

شكرا علي تعليقك

حكاية انهم لو كانوا عاشوا كانوا هايتفرقوا دي في ايد ربنا

يعني دي حاجة ماحدش يعرفها


شكرا علي زيارتك

 
At Dec 25, 2006, 7:32:00 PM, Blogger Mony The Angel said...

b2a al2adar bardo ally lam yamhelhom wala 7'iaal 7adretak??
leeh kda bas tmawethom, makont tsebhom yrawa7o w homa mabsoteen, de hata awel mara tab kont estanna leltalta wala alrab3a wala haga..
haga t3'eez

 
At Dec 25, 2006, 8:13:00 PM, Blogger Amr Ahmed said...

Mony The Angel

bera7a 3alya shewaya

we ba3den law sebthom werawo7o

hayeba2 eih el geded

we ba3deeeeen maho 7'ayal 7adrety

mostamed men el2adar


3ala el3mom enty nawerty el blog

thnks for your comment

iam happy 4 your vivsit

 
At Jan 1, 2007, 6:28:00 PM, Blogger دينا فهمي said...

ليه الكآبة؟؟
ليه دايما لما نعوز نكتب حاجة حلوة.. دايما بتطلع حزينة؟

 
At Jan 1, 2007, 7:06:00 PM, Blogger Amr Ahmed said...

دينا فهمي

مش عارف يا يا دينا

هو يمكن للحزن احساس وجاذبية مختلفة

شرفتيني

 
At Jan 2, 2007, 8:35:00 AM, Blogger عاشقة الوطن said...

يااااه ياعمرو
ايه ده يابنى
القصه جميلة فعلا
ونهايتها فطيعة
سبحان الله
ماأجمل ان تحب وان تشترك
مع من تحب فى كل شئ
حتى فى الموت

جميلة جداا ياعمرو القصة
وربنا يوفقك

 
At Jan 4, 2007, 12:27:00 AM, Blogger Amr Ahmed said...

عاشقة الوطن

شكرا يا جميل علي التعليق

وشكراعلي كلامك الرقيق ده

يعني انا مش مستاهل كا الكلام الحلو ده

انتي نورتيني

 
At Jan 19, 2007, 2:33:00 PM, Blogger No Fear said...

السلام عليكم
ليه يا عم النكد ده بس عاوزين تفاؤل ربنا يكرمك
سلام

 
At Jan 28, 2007, 9:43:00 AM, Blogger الأباصيرى said...

جااااامدة

أينعم ماتوا... بس ماتوا فرحانين

تحياتى

 
At May 1, 2009, 4:46:00 PM, Anonymous Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

 
At Nov 15, 2013, 11:48:00 AM, Anonymous Anonymous said...

This is such a nice addition thanks!!!
عرب كول
شات صوتي شات
شات مغربي
دردشه صوتيه
شات صوتي
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه
مدونة بعثرة اقلام
بعثرة اقلام

 

Post a Comment

<< Home