Tuesday, November 14, 2006

يالهووووووووووووووووووووووووي

بصراحة هو ده رد الفعل الطبيعي للي حصل ليا لما دخلت علي مدونة(تخاريفي)بتاعت جيمي هوود ولقيت تدوينة عن حركة مصر الحرة -متعاونون ....حركة مؤيدة للحكم المباركي.انا بصراحة مش عارف اعبر ازاي عن الموقف دلوقتي علشان انا دلوقتي مستفز لاقصي درجة ,طب علي خيبة ايه ,انا بس في حاجة محيراني ونفسي اعرفها هل الناس اللي بتأيد دي منافقين بس؟ولا داهية يكون فيه ناس بتتكلم جد وشايفة الحياة بمبي واللحمة بسبعة جنيه ومفيش اعتقال ولا ضرب ولا سحل ,قال وايه الريس مش عاوز يحكم ونفسه يستريح ولو قال انه هايسيب الحكم البلد هاتقوم فيها مظاهرات وتكسر الدنيا وتخربها-واضح ان الريس عنده فكرة غلط خالص-بس فيه سؤال لو الناس عملت فعلا مظاهرات لو الريس -بعد الشر بعد الشر-قرر انه يسيب الرئاسة هل-خد بالك معايا-الامن المركزي هايجي ويضرب والناس اللي لابسة مدني وبيسحلوا بتوع كفاية هايعملوا كده في بتوع (مش كفاية)وهايتخدوا علي امن الدولة؟؟؟؟؟؟؟؟؟والله بتكلم جد تخيل كده مظاهرة تاييد للريس هل سيتم سحلها بحجة انهم بيعطلوا المرور ؟؟؟؟؟؟؟؟؟؟؟؟؟؟؟؟؟؟حد يرد عليا حرااااااااااام بقي
اذا كنت من اصحاب الضغط اللي بيعلا بسرعة وانفعالك شديد زيي كده يبقي ياريت ماتدخلش علي الموقع بتاع الحركة ,اما واذا كنت-وده كلنا طبعا من انصار حكم الرئيس مبارك اطال الله عمره- يبقي ادخل وانضم فورا للحركة المباركة .......خلاص

http://www.freeegypt.org/

7 Comments:

At Dec 5, 2006, 1:19:00 PM, Blogger nadine said...

ايه ده
لهو فيه حركة مؤيدة لمبارك؟
مش إحنا عيشتنا كلها تأييد لمبارك؟
ده العيل يتولد بدل ما يوأوأ يقول مبارك مبارك
فى أكتر من كده مظاهر تأييد؟

ربنا يرحمنا فى زمن العجايب اللى إحنا عايشينه ده

(بس ياريت تقوللى أسم السايت بتاع الحركة, الواحد محتاج يعرف مواعيد المظاهرات المؤيدة, يمكن يطلعله بقرشين و لا حاجة, و اهو كله بثوابه)

 
At Dec 5, 2006, 2:39:00 PM, Blogger Amr Ahmed said...

نادين

هاي ازيك

اه شفتي بقي فيه حركة مؤيدة لمبارك والله موجودة

هانعمل ايه ماهو ده اللي ناقص



بس انا هاديكي عنوان الموقع بس اي مصلحة هانقسمها بالنص


ولا ايه


وادي الرابط

http://www.freeegypt.org/

اي خدمة يا نادو

 
At Dec 5, 2006, 3:16:00 PM, Blogger nadine said...

يا لهويييييييييييييييييييييييى
دى الحكاية طلعت بجد يا عمر
ما كانش يومك يا بلدددددددددد

بجد كان هيغمى علي و انا يتصفح الموقع
فى ناس بتفكر كده؟
اقتبس من كلام خالد الغزالى جملتين قالهم فى الموقع
" شارك معنا ولا تكن سلبي ، معنا أنت اكثر حرية ، ولا تكن عروسة يتلاعب بها المغامرون بمسرح العرائس المتهالك ، ماذا تنتظر ؟ الوطن يتربص به المتآمرون من أبناءه الغير أوفياء ، فلنقف صفاً واحداً أمام تلك الحركات العشوائية "

اهه بعضمت لسانة قالها
"معنا انت اكثر حرية"

يعنى اللى يمشى تبعه..آمن بإذن الله
و اللى يخالفه... يا ويله و سواد ليله

بس على فكرة
انا طول الصفحات مالقيتش غير إسم خالد الغزالى واضح ان هو المؤسس و هو الأعضاء و هو الكل فى الكل

السايت ده عايز قعدة تانية على رواقة
هقوم بقى عشان ورايا مذاكرة
باى

 
At Dec 5, 2006, 6:34:00 PM, Blogger Amr Ahmed said...

نادين

ايه يا بنتي بلاش الموقع ده

خليه بعد الامتحانات ,انا اخاف عليكي من الضغط العالي

خليكي في الامتحانت احسن

وبعد ماتخلصي ابقي شوفي بقي الحاج خالد الغزالي
بتاع الحركة المباركية

وربنا يستر علي بلدناااااااا

 
At Jan 1, 2007, 6:17:00 PM, Anonymous maha said...

انا نفسي اعرف انت ليه حقود كده ؟؟؟؟ مش ممكن كمية الحقد دي ليه كده بس يا عمرو؟؟؟بابا مبارك و ليه مؤيدين مش يمكن فيه مصر تانية و احنا مش عارفين ؟؟؟؟
كلمات من اثر تخاريف قراءة الموضوع و ربنا يستر علينا

 
At Jan 1, 2007, 6:24:00 PM, Blogger Amr Ahmed said...

اه والله داحنا شعب حقودي

اللهم اكرم الرئيس القائد

ده في مصر رابعة مش تانية

 
At Mar 7, 2009, 3:04:00 AM, Anonymous Anonymous said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

 

Post a Comment

<< Home