التاج بس مش الملكي
وصل الي سيادتنا نحن عمرو احمد تاج من المدونة العزيزةعاشقة الوطن ومطلوب الاجابة عليه
اية اللي حيحصل لايميلك لما تموت ؟
من اولها كده موت,اكيد هايموت معايا , والناس بقي هاتفضل تبعت ايميلات واوفلاين وفاكريني منفضلهم والنبي حد يبقي يبلغهم
اديت الباس وورد لحد قبل كده؟
لا طبعا, بس الواد محمد اخويا بيحاول يشوفه بس ماعرفش لغاية دلوقتي, يعني لا
لو اه كانت طبيعة علاقتك بيه اية؟
علاقة غير موجودة اساسا
اسمك؟
عمرو احمد
اسم الدلع المشهور وسط اصحابك؟
يعني ممكن ميرو
عمرك؟
19 سنة و3 شهور و27 يوم
برجك؟
برج العظماء الميزان وهما سموه برج العظماء علشان انا اتولدت فيه(ماحدش يضرب)
مجال دراستك؟
كلية تربية قسم انجليزي عام -جامعة عين شمس
شخصيتك نوعها ايه؟
ستة سلندر,يعني ممكن نقول دماغي ناشفة شويتين, وبحب التحدي, وواثق في نفسي(بعد ربنا طبعا
السفر بالنسبة لك؟
حاجة زي الفل, متعة طبعا بحبه جدا
المود بتاعك؟
اكيد ماليش مود ثابت يعني حسب الاحداث,بس في الغالب الدنيا زي الفل
وقت فراغك بتعمل فيه ايه؟
القراءة والنت واصحابي طبعا
الاكلة المفضلة؟
ممكن نقول اكتر حاجة ورقع العنب والمكرونة بالباشميل وصينية الرقاق
الصفات اللي خدتها من بابا؟
يعني العصبية,عزة النفس
الصفات اللي خدتها من ماما؟
اصل هي برضو عصبية ,ممكن نقول بعد النظر والتمهل
اكتر 6 حاجات بتكرهها؟
النظام الحاكم
النفاق
الخيانة
التناكة
جورج بوش
الغبااااااااء الغباااااااااااااااء
اكتر 6 حاجات بتحبها؟
اكيد ربنا والنبي
ماما وبابا ومحمد اخويا
اصحابي
القراءة
كرة القدم والاهلي
القراءة وانيس منصور وكاظم الساهر ونزار قباني
الشغل بالنسة لك؟
حاليا وقت فراغ في الاجازة واكتساب خبرات,لكن مستقبلا دوامة الواحد بيتطحن فيها علشان يكون نفسه ويجيب عيال يصرف عليها
ايه الكمبيوتر والانترنت بالنسبة لك؟
عالم تاني ناس تانية,متنفس الواحد بيقول اللي هو عاوزه,وحاجة بتاكل الوقت,وبلاقي عليه كل اللي انا عاوزه
وامرر التاج ده لكل من:اسلام (خطوة عزيزة)
نادين(نادو)
بين الامل واليأس
انسانة
الكلام نوعان
يا مراكبي
mony the angel
michael
غربة وطن (مها).
توتا u make me feel
posted by Amr Ahmed @ 4:14 PM
25 comments
25 Comments:
فائدة هذه الانواع من التيجان انها تساعدنا فى التعرف اكثر على الشخص المختار
انها تعطينا نظرة عن قرب ومدخل الى تركيبة شخصية الشخص المستهدف
وهذا ما يجعلنا مهتمين جدا بهذا النوع من التيجان
يسعدنى زيارة مدونتك واستمتعت بمواضيعها كثيرا
خالص تحياتى ودمتم بخير
اسامة سامى
جمیلة أوي إجاباتك يا عمرو
و المدونة كمان حلوة أوي
نرجو تشريفنا
www.blogs4arab.com
وماله مش عيب
اكتر حاجة عجبتني بجد .. الحاجات اللي بتكرها:)
ماشي ياعم متشكرين عالتاج .. تاج الجزيرة
بقى سموة برج العظماء عشان سيادتك أتولدت فية
اية الثقة أنت فاكر نفسك مين فيفى عبدة (على أساس أنها أعظم راقصة يعنى)
شخصيتك فيها كتير منى خاصتا فى الدماغ الجزمة والحاجات اللى بتكرهها
سلام
ساكاماكا نيوز
اه عندك حق
انا سعيد بزيارتك
وشكرا علي تعليقك
نورتني
________________________________
مصرى
ربنا يخليك
متشكر
انت نورت المدونة
سعيد بتشريفك
_______________________________
LAMIA MAHMOUD
اشمعني يعني يا لمياء
ايه اللي عجبك في الحاجت اللي بكرهها
يللا براحتك بقي
نورت يا قمر
________________________________
يا مراكبي
لا شكر علي واجب
_________________________________
الأباصيرى
ايه ياعم اباصيري
ماتفوت
بقي
يعني هي جت عليا
هههههههههه
كده برضو
انا فيفي عبده
ماشي ياعم مقبولة منك
هاعديها علشان دي اول زيارة ليك
انت نورت يا جميل
بتحب نزار وانيس منصور
احييك على حبك ليهم
واحييك على جيفارا
واختيارك لإسم المدونه
ممكن اعرف سبب اختيار الإسم ؟
باتخيل ان اللى اوحالك بيه هو شعر نزار
تخيلى فى محله ولا لا
ازيك عامل اية
اجازة سعيدة ان شاء الله
يا نهار ابيض يا جماعة مش كدة
دى رااااااابع مرة التاج يجيلى
هو عليا ندر ولا ايه؟
والله حليته يوم الاربع اللى فات
تحت عنوان
ايه الرغى ده كله
http://2insana.blogspot.com/2007/01/blog-post_24.html
وبيتهيألى انت كتبت اول تعليق وقلت انا مقرتش بس كنت بحجز مكان
المهم بقا إجاباتك مختصرة جدااااا بس فى جون احسن من الرغى اللى انا رغيته ده كله
eh dh eh dh wa ana 3smy mesh mawgod leh ba2a,y3ni nas tglha arb3 marat wa ana wala mara dh zolm dh:D
NB:i like ur way when reply for all come in ur blog to comment,i feel that thia blog ur home and u welcome to every body come.GOD bless u.
حبيبها أنا
اه بحبهم جدا
هو فعلا اسم المدونة
هو اسم قصيدة للرائع نزار قباني
في محله يا باشا
انت نورتني والله
________________________________
sampateek
كلبوزة الجميلة
نورتيني
الحمد لله تمام
شكرا علي الزيارة
__________________________________
إنـســانة
وانتي زعلانة ليه كده
هو انتي يعني بتفعي فلوس علي التاج
انا غلطان يا ستي
اه افتكرت حصل خير
نورت يا جميل
________________________________
مصطفيتش ابن حفصوتشا
متشكر يا جميل
يا عم وايه يعني
سرطان سرطان
انت تأمر
نورتني
وشكرا علي الزيارة
_____________________________
tota
بس كده يا جميل
انتي تامري
يجيلك حالا يا فندم
ربنا يخليكي
بس انا بحس ان ده واجب
وزي مانتي قلتي بالضبط
انا بحس ان ده واحد ضيف في بيتي
وهو كلف نفسه واهتم بيا وكتب رد
وانا اقل واجب لازم ارد عليه
لان ده حقه
وشكرا علي الكلام الحلو ده
وعلي تشريفك
ازيك يا عمرو
يا عم ربنا يديلك طولت العمر والصحه
بس على فكره حلوة اوى حكايه التاج دى انا كنت عايز اجربها
وعلى فكره انا برضه من مواليد شهر اكتوبر
يا صاحبى
سلام عليك يا عمرو
ميرسي علي التاج
انا مكنتش اعرف ان اسمه كده ؟؟؟؟
و ان شاء الله في اقرب وقت اعمل له بوست عندي
سلام
مها
يا ما نفسي يا ريس حد يبغتلي تاج
عاوز اخد فرصه بقي بس هي تيجي
تحياتي
الدبور
عمرو
ايه ده يابنى احنا متفقين فى كذا حاجة والله كويس
اول حاجة الانجليزى ومشتركين فيه
وكمان البشامل بس برده انا بحبة اكتر
وكمان عندى الظاهر ان جيلنا كله عندى ودماغه ناشفة برده
بس بنختلف فى فريق الكرة انت من اعدائي
يالا ربنا يسمحك بقى
وبعدين اخوك بيشوف الباسورد بتاعك وانت ساكت لألألأ ماتسكتش(بهدى النفوس بس مش أكتر)
بس حلو اووووى ياعمرو الاجابات اهه كده نعرف شخصية سموك
تحياااااااااتى
:| :| :|
eh da eh da
hwa ento mawarakoosh 3'eery walla eh al7ekaya :(
dana metdabesa f wa7ed lsa mn yomeen..
mashy ya 3amr, hadabesak feltaany b2a wait 3lia bas lama alaa2y egabat :D
ana aslan kont da7'la hna le3'rad a7'ar 7'ales..
eh ally borg almezaan borg almezaan borg al3ozamaa2 de, enta hat7awar fel abraag walla eh ;)
borgy ana ally borg al3ozamaa2 bel adella welbaraheen kaman..
bas msh ha2olo hna, 3shan ala2y haga a2olha lama agy agaweb lol
yalla salamz b2a
أنا عملت التاج عندي و جاوبت علي كل الاسئلة...تمام يا فندم
raspoutine
ربنل يخليك يا معلم
هو فعلا حكاية التاج مفيدة بتعرفنا علي بعض اكتر
ده شئ يشرفني يا باشا انت نورتني
___________________________________
maha
وعليك السلام
لا شكر علي واجب
اي خدعةيللا بقي جاوبي عليه
سلام
__________________________________
الدبور
بس كده
ماهو عندك يا عم الدبور جاوب عليه
دي حاجة سهلة جوي جوي
بروك علي المدونة
ونورت يا باشا
___________________________________
عاشقة الوطن
انا ليا الشرف طبعا
لا بقي انا بحبه اكتر
هه
اوبا انتي زملكاوية
يلللا بقي لازم يكون عندنا حرية رأي
ربنا يخليك يا جميل
نورتيني
_______________________________
Mony The Angel
احسن
هههههههههه
ياستي زيادة الخير خيرين
لا لا يا موني
كده برضو مافيناش من تدبيس
اهون عليكي
ايوه برج الميزان برج العظماء طبعا
فيه اعتراض
هو انتي برج الاطباء وللا ايه
ماشي ياستي جاوبي وهانشوف
نورتيني
________________________________
micheal mohsen
تمام يا عسكري مايكل
عندك يومين
وكمان هارقيك شاويش
انصراف
هههههههه
نورت يا جميل
جميل أوي الكوستتشنير ده
حستأذنك أخده (حمسح اجاباتك طبعاً)..موافق؟ انا برضه قلت انت مش حتقول لأه.زميرسي اوي على زوقك
بي أس: اجاباتك كلنت اجمل من الكوستشنير طبعا
.
.
ممكن اخدها؟
ليه يا عمور بتقول انك بتكره النظام
اصلا النظام مش مجال للحب او الكراهية ..النظام موجود عشان نقتله
وبعدين انت ليه مكنتش صريح مع اللى سالك عن اسم المدونة..ليه مقلتلوش انك حبيت واحدة وطلعت دكر..يا جدع خليك صريح
على فكرة بقى يا عم عمرو البرج بيبقى اسمه برج العظماء من الناس اللى فيه ..ولو طبقنا هذا المثل يبقى بحمد الله برج الجدى هوه برج العظماء بجد..
يكفيه إن انا منه..
والبوست زى العسل.
ياسلام ياخويا
كل واحد شايف ان برجه هو برج العظماء
يعنى كنتوا ف برج التجاره العالمى ولا ايه؟
تلاقيكوا كنتوا فيه
ومن كتر فرحته بيكو وقع
حلوه اجاباتك
بسيطه ومعبره عنك
ايوة أزعل
مش التاج ده يعنى مذاكرة ودروس وإمتحانات وهيصة كدة عشان الواحد يجيب مجموع؟؟؟
ولا هى سبهللة كدة
وقال على رأى المثل
التيجان لا تكيل بالبتنجان
أميرة البلطجية
يا فندم اتفضلي
ربنا يخليكي
وسعيد بزيارتك الاولي
نورتيني
________________________________
mariam
ماشي يا مريوة
كده برضو
طلعت دكر
يا فالحة ده اسم قصيدة لنزار
نورتيني
________________________________
أخف دم
طبعا ياعم اشرف
كل واحد شايف برجه برج العظماء
ولكن يظل الميزان هو برج العظماء
هههههههههه
نورتني يا جميل
________________________________
وينكى
وينكي الجميلة واول زيارة ليا معترضة
وسيادتك برج ايه
برج الاطباء؟
ماشي يا وينكي
المهم انك
نورتيني
واوعي تكون اخر مرة
__________________________________
إنـســانة
دانتي هاتخليني اعيط جنبك
كل ده علشان التاج
خلاص ياستي حقك عليا
يتنجان اه
ماشي
نورتي
Post a Comment
<< Home