فضيلة ملك الجيل king of generation

ظاهرة سواء قبلنا ام رفضنا فقد تحول الي ظاهرة,واعتقد في رايي المتواضع انها عاوزة دراسة بجد ,مش عارف مين اللي مفروض اللي يقوم بيها بس هي لازم تتعمل ,نعرف ايه الاسباب؟
هل هو غياب القدوة؟ ام انحدار عام في المجتمع؟ ام غياب الوعي؟ ام عدم وجود هدف راقي يسعون من اجله؟ندرة الفن الحقيقي؟وتحوله الي مجرد شعر ونضارة شمس او اللي فستان عريان ونفخ وشفط؟مش عارف احدد بصراحة
بس الموضوع وسع جدا وغايظني انا شخصيا
منعا للملل الظاهرة هي king of generation ملك الجيل المغني تامر حسني
اي جيل هذا الذي اصبح تامر هو الملهم الروحي له ؟انا لا اعرف ؟ماهوبالبلدي كده يا اما انا اللي عجزت بدري ياما هما اللي فيهم حاجة غلط ,تامر حسني ظهر علي ما اعتقد من خمس سنين مثلا .
ازددادت شهرته مع قضية هروبه من الجيش وتزوير اوراق رسمية وظهر ما يسمي برابطة محبي تامر حسني,واللذين كانو يجمعون التوقيعات طلبا للافراج عنه وهو مالم يحدث مع ايمن نور علي سبيل المثال ,وعلقوا يافطة علي كوبري اكتوبر تحمل صورته وكلمه وحشتنا
ماذا الذي قام به تامر ليجعله ينزل تلك المنزلة الفظيعة التي لم يصل لها حتي من هم افضل منه الالاف المرات وعلي راسهم منير وكاظم وعمرو دياب ,حتي في اعتقادي ان عبد الحليم لم يحدث معه هذا وان حدث فهو يستحق
اما ان يخرج علينا شاب بثلاثة او اربعة البومات ويصبح فجاة ملك الجيل ,فهنا العديد من علامات الاستفهام.
هل هذا لامكانيات عبقرية عند تامر حسني اكتشفها هؤلاء الشباب؟ ام انه ملأ فراغا لديهم لم يملاؤه من اهم اكثر فنا وثقافة وعلما
لا اريد الاطالة ولكني قررت ان اترككم للحكم بنفسكم ,فقد قررت مرة ان ادخل علي منتدي تامر حسني لاري ........
وحدث لي ما اعتقد انه سيحدث لكم عندا تكملوا باقي الموضوع
الفقرات التالية منقولة بالنص من منتدي تامر حسني الذي اقامه محبوه

الكاتبة:الاميرة سارة
نص الموضوع:

بسم الله الرحمن الرحيمانا عضوه جديده فى النتدى واول ما شوفت الموضيع دى قولت لازم اكتب انا كمان بص بقى يا تمور انا حاولت كتير اكمك لكن للاسف مكونتش بترد قولت بس انا لازم اشوفه فا ايه انا ياسيدى الحمد لله صوتى حلو وعايزه ادخل مجال الغناء وعشان تعرف بقى انت اللى خالتنى افكر فى الموضوع ده بصوره جديه المهم انا حطلب منك طلب وياريت تنفذهولى عايزاك تدعيلى وانت بتصلى وتقول يارب جمعنا ومتخافش مش حعمل زى البنات واحضنك وابوسك لا انا نفسى بس اتعرف عليك ونبقى زى الاخوات عشان انت بجد انسان طيب وحنون وانا كان نفسى يكون ليه اخ اكبر منى انا كتبت الرساله دى عشانك انت وعشان تقراه وتدعيلى ولو مشوفتوش ومقراتوش ربنا معايا بقى هو قادر يحققلى احلامىالاميره ساره
انا بصراحة لازم اضيف تعليقي علي الجزء ده بالذات لان الواحد طول عمره يطلب من والدته انها تدعيله يطلب من شيييييييخ او رجل دين لاحساسه ان الناس دي ربنا يسيتجيب لهم
لكن يطلب من تامر حسني طب ليييييييييييييييييه؟ جاوبو انتو بقي

الكاتب:dryrose
نص الموضوع:

بسم الله الرحمن الرحيمالسلام عليكم و رحمة الله و بركاتهأنا بعت قبل كده ومعلش ببعت تانى بس فى حاجة عاوزة أقول لها ولو ما قلتهاش هتقف على قلبى..............و الله كنت محضرة كلامالمهم إن ما سالتش فيا يبقى كفاية عليا عشت ليالى هنية احلم بيكو لا ....... أسال فيا يعنى قولى حاجة أى حاجة قول بحبك بس ما تقلش كرهتك و الله ما هعرف أقول الللى قلته تانى بس لازم قبل ما انهى أدعى لك ربنا يحميك و يخليك لمحبيك ويرد كيد أعاديك و الحاقدين عليك اللى عاوزين نموتهم عشان بنتعب لما نسمع حاجة مش حلوة عنك منهم و كلامهم بس بيتعبنا عشان بنحبك بس مش بيأثر فى حبناانا رغاية أوى ..............ياللا ربنا يوفقكلا إله إلا الله
الكاتبة:نانسي
نص الموضوع

:
** السلام عليكم يا تمورية **تامــــر حسنى و اسفذاذ جيل الكبار لقد اتهم مؤخرا بعض النقاد تامر حسنى بأنه يقدم اغانى شبابية هابطة وليس النقاد فقط ولكن إذا سألت احد من جيل الكبار سوف يقول لك بانه يرى ان هذا ليس بفنان يستحق التقدير ..فهناك من يوجه لك سؤالا و يقول لك بماذا تستفيد من اغانى هذا الفنان الشاب تستفيد نطق الالفاظ السيئة ام ماذا تستفيد فيقولون لك ان كنت تريد ان تستمع الى فن حقيقى استمع الى عبد الوهاب _ عبد الحليم _ ام كلثوم و غيرهم الكثير .. وانا لا اتكلم عن فراغ فقد حدث لي بالفعل هذا الموقف فعندما كنت استمع الى تامر حسنى فى احد الاوقات و كان عندنا ناس منهم الكبار ومنهم الصغار اكيد الصغار يحبون تامر ولكن بينما كننا نستمع جائت امرأة كبيرة فى السن و قالت ماذا يعجبكوا فى هذا الفنان لماذا كل الشباب يحبونة كل هذا الحب فمثلا هل هو فلتة زمانة ام هو ما جابتوش ولادة (اسفة فى التعبير ) ...فاجبتها انا وقلت " صوتة حلو يا طنط " فقالت لى " ولماذا هو بالذات ؟؟"بالطبع لم استطع الاجابة ....فماذا تفعلون اذا وضعكم احد فى مثل هذا الموقف ؟؟؟سؤال محير....فاذا سألنا انفسنا ما الذى يجعل هذا الجيل يعتقد هذا الاعتقاد الخاطئ فماذا سيكون الجواب ؟؟؟تعالو معي لنرى هذه الأسباب من خلال شخصية تامر حسنى ..لقد عرف الجيل الصغير من الصبيان تامر حسنى بصورة الولد الروش ال و عرف البنات تامر حسنى بأنة فتى أحلامهن الشاب الوسيم الحنون وغير ذلك ...و لكن ماذا يعرف الجيل الكبير عن تامر حسنى من اين كونوا عنه هذة الفكرة التى تظلم شاب و فنان فى بداية مشوارة لماذا حكموا علية من دون ان يعرفوا عنه اى شئ سوى بعض اغانية..فعندما تحاول ان تذكر لشخص ظروف حياتة لا يتعاطف معه بل بالعكس يزيد كرهه ليه اكتر ويقول ان كل هذا كذب و ان الفنان الشاب يفعل هذا ليستولى على قلوب الفتيات و يأخذ عطف الاولاد ...فعلى اى اساس بنيتوا هذه الفكرة الظالمة ؟؟؟؟ على اى اساس
_________
دعونــــــــــــــــــــــا نفسر معاني هذه الأغنية بالمنطق والعقل ....أتفلق : هذا المصطلح في حياتي لم أسمعة إلا من تامر و نحن الشباب نستطيع جيدا فهم هذا المصطلح ولكن هل يستطيع الكبار فهمه بالمعنى الذي يقصده تامر كان بالأجدر إن يستخدم تامر كلمة "أتقسم" بدلا من أتفلق و لكن اعتقد إن تامر كان يقصد إن يستخدم هذه الكلمة ليكون له السبق في استخدام الكلمات الشبابية الجديدة في أغانية .... اسرقك : ماذا تعنى كلمة اسرقك هل هى بمعنى اخطفك ام بمعنى اسرق ما لديك ام بمعنى اخر ؟؟؟هذا ما يدور فى عقل الكبار و لكن نحن نفهم هذه المصطلحات فاستخدم تامر هنا كلمة اسرقك بمعنى الفت انباهك و اجعلك تعجبين بيا ...ولكن للاسف لم يفهمها الكبار و حكموا على من يقولها حكم سئ مجرد فهمهم الخاطئ او لانهم يعقون كل شئ بالمنطق ولا يفكرون مثلا ان مثل هذة الاغنية تكون نوعا من انواع الترفيه فقط لا غير ...اسورة و خلخال ورق : اذكر فى يوم كانت هذة الاغنية شغالة فى محل و كان بجوارى رجل كبير فى و عندما نطق تامر هذة الكلمة ضحك الرجل بصوت عالى و اخذ يسخر من المغنى و يقول هو بيغنى فى محل اكسسوار ولا ايه؟؟؟ فحزنت جدا من هذا الموقف .... و لكنى لم استطع تصحيح الفكرة الخاطئة التي أخذها هذا الرجل عن تامر ...ازلزلك : فماذا تعنى يا تامر بكلمة ازلزلك فهل تعنى تحطيم مشاعرها ام اللعب بها ام ماذا يا تامر ؟ طبعا تامر هنا استخدم هذه الكلمة و قصده بها أنة سيتحدى هذة البنت و لكن ماذا نقول لمن لم يستطيع إن يفهم قصده
__________-
تعالوا لنفسر هذة الاغنية معا ...ديه بسيط ما تستبسطهاش كشكشها و ما تعرضهاش : انا لا افهم معنى هذة الجملة ولا اعرف ما لزمتها فى السياق ....نفض : فهذا مصطلح شبابى جديد يستخدمة الشباب فى لغة الحوار الخاصة بهم و لم نقل شيئا ولكن ياتى تامر و يضعها فى اغنية !!! كيف حدث ذلك ؟؟؟ هكذا يقول الكبار والنقاد ويحكموا علي الاغنية وعلى من يغنيها بالفشل !!! فاذا بحثنا فى معنى هذة الكلمة سنجد انها هى و كبر قريبون الى بعض فى المعنى و معناهم لا تهتم...و لكن كما قلت فيما سبق ان تامر يسعى الى التجديد فهناك من يتقبل ذلك و هناك من يرفضة بشدة ....


وده كان تحليل الاخت نانسي الافوكاتو ودفاعها المستميت عن تامر واغنية الروعة الروعة حلق وغويشة واتفلق

كاتب الموضوع:دوندونا 90

نص الموضوع:
هاااااااااااااااااااااااااااى تيموريه ازيكوا وحشتو"تامر قالى يا دودى بحبببببببببببك انا مش مصدقه نفسىهقولكوا ازاى....................................انا كنت ماشيه مع ماما فى مصر الجديده وبعدين كان فى مكان كدا زى استديو فببص عليه لقيت واحد زى تامر بالظبط ماسك جيتار وبيغنى فانا قلت لا اكيد دا مش تامر بس بصراحه انا حاسه ان دا تامرفبصيت تانى فاتاكدت ان هو دا تامر سبت ماما وجريت عليه وقلتله تاااااااااااااااااااااااااااااامرفقام وبصلى وضحك وانا عينى دمعت ودى العاده يعنى كل ما بشوفه بعيطههههههههههههههههوقلتله بحببببببببببببك يا تامر وانا بطنطط قدام كل الناس اللى مع تامرقلتله يا تامر دنا هموت مش مصدقه نفسى انى شفتك انا فرحانه اوووووووووىقالى بعد الشر عليكى انا مبسوط اوى انى شفتكقلتله يا تيمو على فكره انا من لافرز فلقيت تامر اتبسط اوىقالى ايه دا بجدقلتله اه ولما اقولهم انى شفتك هيتغاظوا ويقولولى ايوا يا عم يا بختك هههههههههههفتامر ضحك اوىقالى وانتوا هناك اصحاب قلتلها اه طبعا يا تامر اصحاب واخوات وكلنا هناك بنموت فيكقالى طب تعرفى واحده هناك اسمهاfatoma3قلتله بصراحه معرفهاش شخصيا لكن بشوف اسمهاقالى دنا بحبها اوى دى علطول لما تكون بتكلمنى ونيجى نقفل تقولى لا بقى مش هقفل يا غلسبتقولى كدا علشان واخده علياانا بقى كنت هموووووووووت من الضحك علشان تامر كان بيقولى <مش هقفل بقى يا غلس>زى حركاته فى فيلم سيد العاطفى لما عبله كامل بتقولى هاتلنا اتنين كنز قالها كنز انتى مبتتفكيش غير بالكنزهههههههههههههههههه كان زى العسلقلتلها تامر ايه رايك نغنى انا وانت اغنيه"انا ولا عارف"قالى اوك يلافتامر كان بيقولى"انا ولا عارف انا مالى ولا ايه اللى جرالى بحبببببببك يا حبيبى بحبك" وكان بيشاور علياوانا كنت بغنيها"انا ولا عارف انا مالى ولا ايه اللى جرالى بحببببببببك يا تيمو بحبك"فتامر سكت قالى ايه دا يا تيمو بحبكقلتله اه طبعاقالى طب يلا نغنيها تانىفتامر غنى وقال "انا ولا عارف انا مالى ولا ايه اللى جرالى بحبببببببببببك يا دودى بحبببببببببببك"انا كنت هموت من الفرحه قلتله انا والله اللى بحبببببببببكواول ما قلت كدا صحيت من النوم هههههههههههههههههه.................................................عندى شويه ملحوظات شفتوا وانا بقول لتامر على لافرز دول هيتغاظوا فمن اعمالى طلع حلم هههههههههههههfatom3 بجد انا معرفش العضوه دى خالص غير زى ما قلت فى الحلم غير انى شفت اسمها وسبحان الله حلمت بيهايا بختك يا فطومه تامر قال بيحبك اوووووووىبس بجد كنت حاسه اوى انه حقيقه مش حلم وزعلت لما صحيت بس فى نفس الوقت كنت فرحانه موت ان انا حلمت بتامر للمره الخامسهانتظرونى فى الحلم القااااااااادم

كاتب الموضوع:بموت فيك يا تامر
نص الموضوع

:
الرسالة دي يا تامر نفسي .. نفسي اشوفك زي ما بيشوفوك الناس التانيين بجد بجد بس الشعور و الاحساس يمكن يتوصف بالكلام و

لا بحبر على ورق لكن ده فعل حاجة بنحس بيها و الحاجة الي بدايقني اني انا عرفا البيت بتاعك و عارفة مكانو و كنت ها اعرف الرقم و كل ده و مش قادرة اوصل انا بقالي اكتر من سنة بدور على ايميلك و لغاية دلوءتي ملقتوش انا مصرية مصرية بس عيشا في الامارات و الحيا هنا صعبة اوي بس وحشتني مصر و و حشتني الناس الي الي فيها زيك بالضبط و انا ها اصيف في مصر السنادي و انا سمعت انك بتحاول تعمل اغنيه خليجي انا ممكن اساعدك لأن انا عارفى كلمات كتيييرة بالخليجي و ما تألأش مش ها كلفك حاجة مجرد مساعده اصل انا بقالي فترة طويلة عيشا هنا و بصيف كل سنة في مصر حسا ان انا طولت عليك بس كله بثوابه و ها ابقى فرحانة اوي لو شفتك بس اوعى تفتكرني زي البنات التانيين اني لو شفتك ممكن احضنك او كده لا انا يا دوب ها سلم عليك و ها يغمى على دي اقصى حاجة بس بجد بجد نفسي اشوفك حقيقة و انتا طيب اوي و شخصيتك حلوة و جميلة زيك و دحكتك اجمل بحس فيك الحياه و الحيوية بحس ان في لسه ناس كويسه و ربنا يخلييلك ممتك و سلملي عليها عشان قدرت تيجيب واحد عسول امووور زيك كده سلام


كاتب الموضوع:اكتر واحدة بتحب تامر حسني
نص الموضوع:

هاى يا تموريين بس الحمد لله الموضوع اتحل .. احكيلكم بقى اللى حصل انى كنت قاعدة فى مكتبة الكلية امبارح عالنت عادى انا ساعات بدخل عالرابطة من الكلية ( و بلاقى ناس بتشغل حفلات وبتقعد تتفرج عادى برضه فالمكتبة ) فلاقيت السيرفر واقع قلت اما اتفرج على حفلة تامر اللى كانت فى دار الدفاع الجوى ( ومكنتش مشغلة سماعات ولا حاجه يعنى صوره بس ) .. وفجأة لاقيت واحدة تقريبا يعنى فى سن والدتى بتنادى عليا وقالتلى : ايه اللى انتى مشغلاه ده ؟! انتى مش مشغلة النت فى حاجة علمية ؟؟ ومشغلاه ليه ؟؟ ( انا اللى اعرفه ان النت علم وترفيه وكذا حاجه يعنى ) قلتلها عادى انا مشغلة اغانى حضرتك ( طب ما فى غيرى بيشغل حفلات قلت فى نفسى يعنى ) فاتنرفزت جدا منى و تخيلوا عملت ايييييييييييه ؟؟؟؟؟؟؟؟طلبتلى امين الكلية ( الامين دا يا جماعه اللى تحت عميد الكلية علطول ) عالتليفون وفجأة قالتلى : خدى كلمى فقالى (((((( اطلعيلى المكتب ومعاكى الكارنيه )))))) طبعا قالتله.. قلت بس خلاص انا كده مستقبلى ضاع ( اصل انا فالبكالوريوس ) فقررت اروح البيت واحكى لوالدتى بقى وهى تتصرف او تشور عليا ( وخدت دش حلو اوى ) وقد كان و روحنا الكلية والله لولا والدتى وهدوئها واتزانها فالكلام ما كنت عديت من الموضوع دا الحمد لله ربنا عداها عالخير .. اول ما طلعت من المكتب افتكرت جملة ارجعلى وهوه بيقول : شفت حصلى عشانك ايه ( يا تامر ) ؟!!

وده كان حزء بسييط جدا جدا جدا من التفاهات اللي موجود علي المنتدي اللي عاوز يتفرج اكتر واكتر يدخل ويشوف العجب ,بس اوعي ترد علي حد فيهم,علشان اشتراكك هيتوقف زي ماحصل معايا في اول خمس دقائق قبل ماعمل حساب تاني

رأيكم يهمني جدا
*المكتوب بالخط الاحمر نص منقول من المنتدي كما هو دون تعديل
الصور مش لتامر حسني دول شباب بيقلدوه مسمين نفسهم اشباه تامر حسني