Thursday, September 20, 2007

مصر لسه حلوة

انك تصحي الصبح ووالدتك تدعيلك وانت خارج ربنا يسهلك يابني

وتستنيي الاوتوبيس ولا الميكروباص اللي بيتاخر كل يوم ,والمترو وزحمته والناس اللي بتتصاحب علي بعض ويحللوا الاحداث اللي في البلد
بيسلوا نفسهم


يا سلام علي طبق فول علي العربية بعد ما تصلي الفجر جماعة


ميدان رمسيس اللي زحمة ليل ونهار والناس اللي فيه من كل حتة وكل لون

رمضان وجماله في مصر ومدفع الافطار بتاعنا احنا بس,والمسحراتي


ياسلام علي صلاة في سيدنا الحسين ولا السيدة نفيسة وتقرا الفاتحة وتدعي ,جو تاني خاااااالص


الناس اللي بتفرحها خروجة علي النيل و شوية ترمس ,حاجة بسيطة بس الناس اخر سعادة بيها


سمعنا حاجة للست ثومة,ولا نروق باغنية لمنير

يا سلام علي صوت الشيخ رفعت وابتهالات النقشبندي

ماتش الاهلي والزمالك والخناقات المعتادة واحنا كنا احسن وانتو اتقطعتوا

ايس كريم في عز البرد وانت ماشي مع اصحابك في طلعت حرب بالليل .........مجانين

اما تسال حد عن عنوان ويصفهولك غلط,هو مش قصده يتوهك ,هو حابب يساعد بس يتكسف قول معرفش

الناس اللي تعملك خدمة ويقولك خلي بقي,لو خليت مش هيزعل اصلهم جدعان

المظاهرات اللي علي سلم نقابة المحامين وعساكر الامن المركزي اللي مش فاهمين مين دول


الناس الكبار ,دول بقي بركة وعليهم خفة دم

ايه

لسه فيه حاجات كتيرة في مصر الحقيقية

الناس هنا حلوين اوي

50 Comments:

At Sep 21, 2007, 12:52:00 AM, Blogger أبرار said...

This comment has been removed by the author.

 
At Sep 21, 2007, 12:55:00 AM, Blogger أبرار said...

السلام عليكم ورحمه الله وبركاتة
أخى فى الله موضوعك جميييل وسبحان الله كنت 5 دقائق بسأل نفسى السؤال دة هو مصر فاضل فيها إية حلو ؟
وكنت بقول لنفسى بلدنا عاملة المولد مالوش صاحب والناس مش عارفة هى رايحين فين ولا جايين منين
بس بوست حضرتك حسسنى بشوية أمل
على فكرة أنا متابعة مدونة حضرتك بقالى شهرين ربنا يكرم حضرتك ويرزقك الجنة
إختك فى الله
أبرار

 
At Sep 21, 2007, 5:06:00 AM, Blogger Gid-Do - جدو said...

مصر هيا الناس وطول ما الناس فى مصر تبطل تقلد الخليجيين والسعوديين وتحافظ على مصريتنا حتبقى حلوة وتحلو كمان الاصالة هى الحلاوة

على فكرة الايس كريم موجود هنا طول السنة ـ ايام ما كنت فى مصر كانت محلات الايس كريم تبطل الايس كريم ويعملوا سوبيا كويس ان دلوقت فية ايس كريم فى الشتا فى مصر

بوست يبعث على الانبساط ـ تحياتى

 
At Sep 21, 2007, 2:36:00 PM, Blogger حـريــة الــفـكــر والابــداع said...

مصر دايمنا منورا باهلها وحلوا بشعبها
وكل حاجا فيها حلوه عدا بعض مالكى الدولة الذين جعلونا نشعر ان النهار ليل
----------
كل عام وانتم بالف صحة وسلامة
رمضان كريم

 
At Sep 21, 2007, 4:06:00 PM, Blogger barbie girl said...

وخاصة جو رمضان والعيد فى مصر مالوش مثيل فى اى مكان فى العالم

 
At Sep 22, 2007, 12:37:00 AM, Blogger david santos said...

Very good work, thank you.

جمال عبد الناصر,

15/1/1918/ - 28/9/1970

The Great, Gamal Abdel Nasser

 
At Sep 22, 2007, 3:35:00 AM, Blogger mariam said...

الله عليك يا عمرو
موضوع فى وقته بجد
الناس فى مصر حلوه قوى
صعب تلاقى زيهم فى مكان تانى
تصدق انى كنت بتكلم فى الموضوع ده النهارده
ربنا يكرم الناس الطيبه دى بجد

 
At Sep 22, 2007, 8:18:00 AM, Blogger ahmEd_H said...

برنس وااله يا عمور

فعلا محتاجيين نحب مصر اوى

 
At Sep 22, 2007, 3:10:00 PM, Blogger متغيرة شوية said...

الناس الكبار ,دول بقي بركة وعليهم خفة دم


ههههههههههههههههههههههه
اه والله انت هتقولي


كل سنة وانت طيب

 
At Sep 22, 2007, 4:15:00 PM, Blogger عـلا - من غـزة said...



مصر حلوة وحاتفضل حلوة طول ما فيها ناس بتحبها وبتخاف عليها ,, زي ماقال جدو

مصر هي الاخت الكبيرة للدول العربية كلها ,, ونتأمل ان الوضع الحالي هو مجرد شد وحاتزول حتما ان شاء الله

سلامات

 
At Sep 22, 2007, 7:26:00 PM, Blogger Epitaph said...

:)

That's Egypt at its core away from all corruption..nothing can ever taint that :)

 
At Sep 23, 2007, 12:59:00 AM, Blogger حاول تفتكرنى said...

دايما حلوة

ولو فيه اللى موحشها ، حلاوتها فيها

بص عالمدونين

هى دي الحلاوة

تحياتي

 
At Sep 23, 2007, 4:41:00 AM, Blogger Mony The Angel said...

tsadda2 ra3'm enny moody msh kwais
w ra3'me nny 3ady bard w msh naima
w 3andy safar kaman kam sa3a
bas etbasat msh 3arfa leeh lama ereet al post da ya 3amr
bgad 3agabny
welcome back ;))))

 
At Sep 23, 2007, 11:48:00 AM, Blogger هنا الجنة said...

tab3an fi 7agat kter 7elwa .. bs e7na ya 3eny mn gholbena msh 7asseen beeha .. gamed el post

 
At Sep 23, 2007, 6:28:00 PM, Blogger يا مراكبي said...

يارب الحاجات الحلوة تزيد وتزيد لحد ما ترجع مصر كلها حلوة زي زمان وما يجيش يوم نكتب فيه عن إيه هي الحاجات الحلوة في مصر وكأننا بنعدهم من قلة عددهم

 
At Sep 24, 2007, 3:22:00 PM, Blogger نهر الحب said...

ماشي يا عمرو ياللي مش بتسال انا زعلانه منك

مصر جميله حتي لو في حاجات مش حلوه
ده وانتي مطلعه عيني بحبك موووووت

 
At Sep 25, 2007, 1:08:00 AM, Blogger الأستاذ said...

أكتر حاجة عاجباني سرد كل حاجة بتحصل واللي تدل على إنك جربتهاوده إنطباع الكل عنها أكيد زي أغنية "رصيف نمرة خمسة" كدة كل سنة وانت طيب

 
At Sep 25, 2007, 1:10:00 AM, Blogger الأستاذ said...

أريدك أنثى
ويكفي حضورك كل لا يكون المكان
ويكفي مجيئك كي لا يجئ الزمان
وتكفي ابتسامة عينيك كي يبدأ المهرجان
فوجهك تأشيرتي لدخول بلاد الحنان
اختيار موفق

 
At Sep 26, 2007, 1:53:00 PM, Blogger أحمد عيسي said...

حقيقة انا معشتش معظم اللي انت حكيت عليه بس انا كنت حقول اكتر من كدة وانا بوصف حياتي في بورسعيد

فعلا مصر لسة فيها حاجات حلوة

يلا سلام

 
At Sep 27, 2007, 1:51:00 AM, Blogger علي الالفي said...

برة السرب

................
يا اخوااننا
انا عندى حفلة
اه و الله حفلة
لا و مش اي حفلة
انا هاغنى مع ايامنا الحلوة
المرة دى كعضو في الفرقة
عارفين هاغني ايه
انا هاغنى تلات سلامات
و هانغنى الليلة الكبيرة
و اغاني تانية
يا جماعة
انا مستنيكم كلكم تيجوا تنورونا في مسرح البالون بالعجوزة ان شاء الله يوم الجمعة الجاية الساعة 8و نص مساءا

 
At Sep 27, 2007, 9:32:00 PM, Blogger Ahmed Elsabbagh said...

عارف يا صديقى
انا كنت بفكر فى الكلام اللى انت قولت عليه ده من فترة قبل رمضان
واخدت قرار انى لازم اعيش مصر الحلوة
بص
روح النادى الثقافى فى شارع قدرى فى السيدة زينب
واتسحر عند الجحش
وروح الحسين
وامشى على كوبرى الجامعة
وروح قلعة صلاح الدين
يمكن المرارة اللى حاسين بطعمها تروح شوية

 
At Sep 27, 2007, 10:48:00 PM, Blogger Ma-3lina said...

ايه يا واد الحلاوة دى

تسلم ايدك يا بنى حبة تفاؤل بجد حسيت بكل كلمة و فكرتنى بمواقف كتير


ربنا يخليك للشعب المقهور

 
At Sep 29, 2007, 1:39:00 AM, Blogger زحل الفلكي said...

لسه فيها صحبة جميله
لما تشوف ناس اول مره تقابلهم
وتحس انك تعرفهم من زمان
واخر الليل تمشي وانت زعلان انك حتفارقهم

ولكن بتكون حاسس انك حتشوفهم تاني

مصر لسه فيها كتير حلو

(وعلمت عليه )
:D:D
تحياتي

 
At Sep 29, 2007, 6:58:00 AM, Blogger mohamed hesham said...

مصر أم الدنيا ...

 
At Sep 29, 2007, 11:57:00 PM, Blogger مدونة تحت العشرين said...

كان مرة في فيلسوف كبير
لما جاه مصر قال
"الإجتماعيات في مصر تدعو للسعادة "
الحمد لله ربنا بيصبرنا بمقالة في جريدة حكومية تخلينا نفطس من الضحك على اللى صاحبها كاتبه
أو ماتش أهلى و زمالك و الأهلي يكسب طبعاً
أو ملوخيى بالتقلية و صنية رقاق عند تيتة أول يوم رمضان

بحبك يا مصر

 
At Sep 30, 2007, 11:53:00 PM, Blogger عاشقة الوطن said...

السلام عليكم

ازيك ياعمرو
كل سنة وانت طيب

هو فعلا لسه فيه حاجات حلوة فى مصر
ومهما حصل تشويه لمصر او لاهلها اوحتى كان فيه بعض الحاجات اللى مش تمام بتحصل فى البلد ببس لسه فيه حاجات حلوة فى مصر

مصر حلوة بأهلها
حلوة بالحب اللى فى ناسها
وحلوة بكل حاجة احنا عايشين بيها وليها
نصر الخير وفيها الخير
ربنا يهدي البلد واللى فيها
ونفضل محتفظين بالحاجة الحلوة ديه دايما

شكرا ليك ياعمرو
وكل سنة وانت طيب

 
At Oct 2, 2007, 2:53:00 PM, Blogger Amr Ahmed said...

أبرار
وعليكم السلام ورحمة الله وبركاته

شكرا علي كلامك الجميل ده يا ابرار

وكل سنة وانتي طيبة

سعيد بمتباعتك لي

نورتيني
________________________________
Gid-Do - جدو

جدو العزيز
كل سنة وانت طيب

ههههههههههههه
حلوة حكاية السوبيا دي

نورتني
___________________________
حـريــة الــفـكــر والابــداع
يارب نفضل كده دايما

كل سنة وانت طيب
نورت
_________________________
barbie girl
اكيد

نورتيني
وكل سنة وانتي طيبة
_____________________________
david santos
thnx david
___________________________
mariam
ميرسي يا مريومة

طبعا
ناس مصر مفيش زيهم
نورتيني
________________________
ahmEd_H
ربنا يخليك يا ابو حميد

لازم نحب مصر اوي
__________________________
متغيرة شوية
طبعا
دول مشكلة
دمهم خفيف جدا
شكلك مجربة جامد
وانتي طيبة
نورتيني
___________________________
عـلا - من غـزة
ميرسي يا علا علي كلامك الجميل ده

يارب الاوضاع تتعدل
نورتيني
_________________________
Epitaph
مهما حصل
مش هيتغير

نورتيني
___________________________
حاول تفتكرنى
اكيد لازم نشوفها حلوة
بدل ما نتجنن

نورت
___________________________
Mony The Angel
ليه بس
مودك مش كويس
وبرد كمان
اعديني بقي
طيب الحمد لله

نورتيني
_______________________________
هنا الجنة
مشاكل الناس
بتنسي حاجات كتير
نورتني
__________________________
يا مراكبي
يااااااااااااااااارب
بس برضوا فيه حاجات كتير

نورتني
_____________________________
نهر الحب
معلش يا فندم مشاغل بقي
طبعا
بنحبها مووووووووت
نورتيني
___________________________
الأستاذ
اصل كل حاجة من دول حكاية لوحدها

________
شكرا ليك
نورتني
________________________
أحمد عيسي
ياريت تعملنا بوست عن كده

نورتني
_____________________
علي الالفي
ان شاء الله يا علوة
________________________
Ahmed Elsabbagh
لازم نعيشها
نصايح مقبولة
هاجربها ان شاء الله

نورتني
______________________
Ma-3lina
اي خدمة يا دكتور

انتي تؤمري
نورتيني
_______________________
زحل الفلكي
حبيبي

لسه طبعا
احلي صحبة
شباب بورسعيد
ويوم جامد جدا معاهم

وعملت علييييييييه
________________________________
mohamed hesham
اكيد
نورتني
__________________________
مدونة تحت العشرين
اكيد
فيه حاجات كتير حلوة

نورتيني
__________________________
عاشقة الوطن
وانتي طيبة

كلامك صحيح

يارب مصر دايما حلوة

نورتيني

 
At Oct 3, 2007, 3:04:00 PM, Blogger whyme said...

الله الله الله عليك يا صاحبى بجد حته بوست زى العسل جميل اوى اوى اوى مالوش حل بجد مصر لسخ حلوه والبوست ده احلى و كلامه بيدخل القلب على طووول

تحياتى يا صاحبى و مصر لسه حلوه بناسها

 
At Oct 4, 2007, 3:21:00 AM, Blogger حصان بري said...

عندك حق واللهي ياعمرو
حتي السلبيات في مصر بنحبها
الناس هنا طيبه بجد
برغم كل السلبيات
بتحس في البلد دي بالامان

(بغض النظر عن الساعه اللي قبل الفطار)
فعلا رمضان في البلد دي له طعم تاني
بوست حلو بجد يا عمور
تسلم ايدك يا باشا

 
At Oct 4, 2007, 10:15:00 PM, Blogger BaTresYa said...

والله الحلو في مصر نظرك ليها ...كل حاجه بتبقى حلوة حسب النظرة ليها ... أنت عملت زوم ان على حاجات مش كتير بشوفها ...هي موجوده ...بس من كتر صغرها مش حاسين بيها... نعمل ايه بلدنا ولازم نستحملها ونحليها في عينها...بوست حلو اوي

 
At Oct 5, 2007, 5:28:00 AM, Blogger frozen love said...

awlan wa7shny
we thanyan ana mbsot awy bklamk da..zy ma akon knt baddan fe malta we l2et wa7d bedn m3aya

we thalthan iam back we ft77 elblog tany

 
At Oct 7, 2007, 6:30:00 AM, Blogger بيسوو said...

جميلة طبعا..معنديش اعتراض على الكلام
هي حلوة بجد..وبنحبها فعلا..مش كلام مدونات يعني
حلو الموضوع ده

 
At Oct 10, 2007, 5:28:00 PM, Blogger micheal said...

و لو يا عمور...فيه ناس كتييير طهقت و جابت جاز...أولهم أنا
تحياتي لك و كل سنه و أنت طيب

 
At Oct 17, 2007, 1:05:00 AM, Blogger Dr.Diamond86 said...

البوست ده جه ف وقته تمام بجد
فكرتنى ان بلدنا بجد لسة جميله
لسه جواها القلب الطيب والروح الحلوة
يمكن اللى ع الوش ده بس صدا
يا رب نلمعه يا رب

 
At Oct 28, 2007, 11:13:00 AM, Blogger banotetmasr said...

أنا في غربة أه

بس أنت رجعتني لمصر

مصر اللي وحشتني

وحشتني كل الحاجات اللي أنت قلتها

وبالذات لما حد يتكسف يقول معرفش

أصلها كانت بتحصل معايا كتير

هههههه

 
At Nov 3, 2007, 11:41:00 PM, Blogger BaTaBeeT said...

I love these posts eli shabah e3lan vodafone

 
At Nov 21, 2007, 10:45:00 PM, Blogger HomeSick said...

اه فعلا عند حق

بجد مصر حلوة قوي

ممكن تفهمن بقي عنوان مدونتك ده ليه ؟؟؟

بجد شدني خالص

اتفضل زورني في مدونتي

 
At Nov 23, 2007, 10:14:00 AM, Blogger UNIQUE said...

بصراحة دفعة امل لم اتوقعها

انا اول ما قرات البوست تصورت انه هزار

بس لما شفت التعليقات لقيت الموضوع جد

مشاعر جميلة جدا تجاه مصر

يمكن صعب على البعض تقبلها

تحياتي

 
At Nov 23, 2007, 3:19:00 PM, Blogger koukawy said...

لحاجات دي حلوه ساعة الصفا بس
انما لما بتتكرر كل يوم زحمة المواصلات و البهدله و ده كله ما بتحسش بأي حلاوه و لا لذاذه بالعكس بحس اني هتخنق
بس هو اكيد طبعا لسه في حاجات حلوه الا المواصلات و تأخرها و زحمتها

 
At Dec 13, 2007, 5:08:00 PM, Blogger riri said...

كلام جميل جدا

تسلم ايدك

 
At Jan 9, 2008, 9:44:00 AM, Blogger الأباصيرى said...

تفتكر مصر لسة حلوة كدة

ياريت كلامك يكون صح
لانى بقيت بكرة أنزل مصر

 
At Jan 13, 2008, 12:58:00 AM, Blogger كركوبة said...

طبعا حلوة

 
At Mar 7, 2008, 2:01:00 AM, Blogger hamssah said...

اه مصر حلوة حلوة قوي يا جماعه
كفايه الصورة اللي انت رسمتها
بس اللي يشوف ويسمع ويحس
اللي يشوف الجمال ويسمع النغمات ويحس السحر اللي فيها
يعرف انها بجد حلوة
همسه

 
At Mar 14, 2008, 4:15:00 PM, Blogger koukawy said...

الحاجات الوحشه اكتر و بتغطي علي كلللللللل اللي انت قلته ..للأسف

 
At Mar 7, 2009, 2:52:00 AM, Anonymous Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

 
At May 2, 2009, 4:46:00 AM, Anonymous Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

 
At May 2, 2009, 4:48:00 AM, Anonymous Anonymous said...

http://www.007-credit.com

 
At Nov 15, 2013, 11:45:00 AM, Anonymous Anonymous said...

This is such a nice addition thanks!!!
عرب كول
شات صوتي شات
شات مغربي
دردشه صوتيه
شات صوتي
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه
مدونة بعثرة اقلام
بعثرة اقلام

 
At Oct 8, 2016, 11:42:00 PM, Blogger Shaaban Mohamed said...

شركة تنظيف بالجبيل
شركة تنظيف منازل بالجبيل
شركة تنظيف شقق بالجبيل

 
At Oct 8, 2016, 11:46:00 PM, Blogger Shaaban Mohamed said...


شركة تنظيف منازل بالدمام
شركة المثالية للتنظيف
شركة تنظف خزانات بالدمام
شركة شفط بيارات بالدمام
شركة مكافحة النمل الابيض بالدمام
شركة كشف تسربات المياه بالخبر
كشف تسربات المياه
شركة كشف تسربات المياه بالدمام
شركة مكافحة حشرات بالدمام
شركة تسليك مجاري بالدمام

 

Post a Comment

<< Home