Tuesday, May 15, 2007

الحياة .........مانجة اوي



الكلام اللي تحت ده مش هزار ,دي الحاجات اللي المفروض اني بذاكراها و بما اني مش فاهم حاجة قلت اكتبها هنا يمكن احفظها ,ولا يمكن حد فيكم يفهم حاجة ويظل السؤال قائما ........ايه علاقة ده بالانجليزي؟؟؟؟؟من يصل للجواب الصحيح يتصل بيا في السرايا الصفراء اكيد الرقم ميتوهش
نشككركم لحسن تعاونكم معنا وامدادنا بالجهاز مع جمعة الشوا ...................لا مش دي
معلش بقي لازم تتوقعو اي حاجة .لو حد فهم حاجة يقولي

دي مقطتفات من كتاب علم نفس النمو قلت اتحفكم بيها حاجة بسيطة كده ,ده غير الحمل والولادة والتبول اللارادي والرضاعة وكلام زي الفل

المدرسة السلوكية: انصب فيها تفكير العلماء علي زيادة الاهتمام بالدافعية والاقتران والتعزيز ,والفنيات العلاجية التي تواجه الاستجابات اللا توافقية المتمثلة في كثير من الاضطرابات السلوكية.
وتتنوع وسائل العلاج السلوكي وتتنوع طرائقه بتنوع الاستجابات اللاتوافقية ازاء الذات والمجتمع

واذا لاحظنا الظاهرة من الزاوية السيكودينامية واضعين في اعتبارنا ان الحياة ليست غير سلسلة من الصراعات ومحاولات فضها ,من الرغبات والدوافع والحاجات والحوافز ,فان هذه المحاولات قد تنجح فتكون السوية,وعندما تفشل يحاول الكائن فض صراعاته علي مستوي نكوصي وعلي نحو تفكيكي فتكون اللا سوية


ينطوي تعديل السلوك علي فنيات علاجية متعددة: يتمثل بعضها في التحصين التدريجي,التشريط الاجرائي ,الاسترخاء,الانطفاء ,التشريط النموذجي ,التشريط بالنقيض,التشريط التغيري والتوكيدية
وبرغم كل اللي فات هتفضل
الحياة مانجة
ادعولي

90 Comments:

At May 15, 2007, 12:25:00 AM, Blogger frozen love said...

يا نهار ازرق

دي مانجا اخر حاجة بقى

rbna m3ak yabny hd3elk wlah ykl yom...lol

rbna yng7na klna we nkhls b2aa

 
At May 15, 2007, 12:26:00 AM, Anonymous semsema said...

بلاش مانجه وحياتك ياعمرو عشان طعمها وحش اوي.....ولا اقولك هي المانجه لاقيه مع علم نفس النمو الاتنين بيجيبوا حاسسيه ..........ايه ياابني التفهات ال انت كاتبها دي دي حجات بسيطه جدااااااا تتفهم ي غمضت عين اسالني انا ............ارجو من يجد الحل يتصل بيا ان كمان في الاوضه ال جمب اوضه عمرو في السرايا ...........والف مبرووووووك

 
At May 15, 2007, 12:30:00 AM, Blogger nadine said...

غللللللللللللللللللللط
أكبر غلط

قال عايز تفهم قال
يابنى دول اصلا الدكاترة مش فاهمين
ماهم لم كانوا فاهمين ماكنتش انتهت بيهم دورة الحياة بإنهم يدرسونا الحاجات اللى تعقد دى

و بعدين تعالى هنا
شرح ايه تانى اللى انت جاى تقول عليه؟
يعنى مش كفاية اللى كتب الكتاب ده عصر دماغه عشان يألفلكوا مفردات جديدة فى العربى تاخدوا بيها سبق صحفى
قصدى تبقوا متفردين كده عن باقى الجامعات

فى وسط كلامك سألت سؤال جامد
ايه علاقة ده بالإنجليزى
هقولك
إنها نفس العلاقة اللى موجودة بين القماش و الفرنساوى

بعيد عنك التيرم الأول كنا بناخد مادة عن القماش
و انا آخر علمى انى فى قسم فرنساوى


معلش
عاتشى
جاتها نيلة اللى عايزة عيل تدخله تربية

 
At May 15, 2007, 12:39:00 AM, Blogger REEMOO said...

اهم حاجه انت متأكد من دراستك
خايفه تكون بتذاكر حاجه تانيه
اصل المواد دى اتحنطت من زمان اوى
ربنا معاك
بس هو ايه العلاقه بين الانجليزى والسلوك؟
ممكن حرف اللام مشترك:))))
ربنا معاك ويوفقك يا رب

 
At May 15, 2007, 12:58:00 AM, Blogger شادي فايد said...

لا

ياباشا

انا اعترض

الحياة

بطيخ

ماله البطيخ

وحش
؟؟؟

 
At May 15, 2007, 9:05:00 AM, Blogger The Alien said...

إنت كنت بجد ناوي تفهم الكلام دا؟
قصدي يعني كان عندك أمل تفهم؟
إذا كان اللي كتبه أصلا مش فاهم
يبقي إنت ياغلبان هتفهم

خليك ف المانجة وإحنا كلنا معاك
تحياتي

 
At May 15, 2007, 11:07:00 AM, Blogger hOby said...

ya 3eny!
de msh manga bas ya amr de keda ba2et cocktail :D
Rbena m3ak ..!

 
At May 15, 2007, 12:37:00 PM, Blogger dyin_soul said...

عامة أنا متفقة معاك انها موز
ماله الموز أصفر و شكله ظريف

عموما يوم ما هفهمه هشرف في السويت اللي جنب حضرتك علي طول

ربنا يكون في عونك بقي و يكرمك السنة دي

 
At May 15, 2007, 12:54:00 PM, Anonymous Anonymous said...

mozakraaaaa??

la2aaaaaaaaaa


3andy madet LINGUISTICS m3rsfh 3nha 7agaaaaaaaa!

w ektashfet enaha moseeeeeeeeeeeeeebaaaaaaaaa
zay ely enta katboh dah w anyal w adal sabeelan LOL

ya raaaaaaaaab!!

 
At May 15, 2007, 12:54:00 PM, Blogger رينـــــــــــا said...

ايه اللى مش مغهوم
دا سهل اوى يابنى

ال قولى
عنجليزى دا يا مرسى ؟؟

لو قصدك تسأل عن موسم المانجه فخى لسه شويه :D

ربنا معاك يابنى
صباح البزرميط

 
At May 15, 2007, 5:12:00 PM, Blogger بياترتس said...

بص هو بيتكلم عن مواجهتنا للحياه سواء بالصراعات الدائمه بينا وبين نفسنا وبين المجتمع والحياه بوجه عام وطريقة سلوكنا دى فى مواجهة الحياه بكافة مشاكلها هى اللى بتحدد مدى نجاحنا فى الحياه او لا وده بيختلف من شخص لاخر يعنى فيه حد فينا بيقدر يواجه مشاكله بصوره معينه فمش بيحتاج بعدها مساعده من حد
وشخص تانى ميقدرش يواجه مشاكله فبيضطر انه ياخد رأى الاخرين فى حل مشكلته زى ما حضرتك عملت دلوقتى
وممكن مينجحش برضه وده احتمال كبير جدا لان الاشخاص عاده لاتستطيع ادراك سلوك الاخرين ففى الحاله دى ممكن تحلها بشكل بسيط جدا انك تسترخى وتهدى اعصابك خالص وتعطى لنفسك بعض الثقه كأنك مثلا بشرى تستطيع ان تحل كل شء وان الله خلق الكون مسخرا لسياتك وتبدأ بعد كده تواجه المشكله والحياه بوجه عام بسلوك حيوى وسوى

 
At May 15, 2007, 5:47:00 PM, Blogger توتة توتة said...

بس المنجة لسه مطلعتش

 
At May 15, 2007, 9:00:00 PM, Blogger soosa el-mafroosa said...

عروستي

:)))

 
At May 15, 2007, 10:16:00 PM, Blogger reri said...

ههههههههههههههههههه
مانجا عالآخر يا عمرو
ربنا يكون معاك وتقدر تفك الطلاسم دي
أنا قريتها كذا مره ... بس مفيش فايده معايا... ولا الهوا

سلامااااااااااااات

 
At May 16, 2007, 5:51:00 AM, Blogger LAMIA MAHMOUD said...

مين
اية
فين
صحة وعافية


لاء ربنا معاك بجد يعني .. معانا كلنا انا رايي نتبادل الدعاء

 
At May 16, 2007, 9:48:00 AM, Blogger Ma-3lina said...

ih daaaaaaaaah !!!!

ih 3elakta da bel english sa7i7 di msoh manga di batee7' kman

 
At May 16, 2007, 11:18:00 AM, Blogger Th3_Survivor said...

hahahahahahah
الحمد لله انا عديت من المادة دية
وبعدين انت مستعجل لية انت لسة قدامك الأصول والسيكولوجية والمشكلات
يااااة داى لسة كتيييير
احمد ربنا يبني

ههههههههههههههههه

 
At May 16, 2007, 1:13:00 PM, Blogger nadine said...

th3_survivor

شكلك كده يا اخ سرفايفر انك كنت فى تربية زى حالتنا

طب سؤال بس
نفدت بجلدك من الجامعة دى ازاااااااااااااااااى؟؟؟؟
ريحنا الهى يريح قلبك و يوقفلك ولاد الحلال يااااااااااارب

 
At May 16, 2007, 9:51:00 PM, Blogger متغيرة شوية said...

أنا قريت أول كلمتين والله ومرضيتش أكمل ، أصل انا بعيد عنك بلزق كه في المعلومات وامتحاني يوم ، فأخاف اقرا الكلام الغريب ده ينسيني حرب السبع سنين والا ولا تخبطلها في بيت شعر أو فصل من رواية

يالا أهو كاس وداير علينا كلنا

على فكرة ايوة أنا اللي كنت في لقاء المدونين بس قعدت نص ساعة كده وفلسعت :)

 
At May 17, 2007, 3:10:00 AM, Blogger Amr Ahmed said...

frozen love
ادي ياعم المنجة علي حق وحقيق

ربنا يخليك يا مان

ومعاك انت كمان
_____________________________
semsema

هههههههههههههه
شفتي قلتلك بلاش علم نفس
انتي اتجننتي
وانا لسه شوية
بس مش مهم انتي
انا المهم
انتي كده كده رايحةمنك
ههههههههههههههههه
_____________________________
nadine
نادين فاكرة نفسها في مجلس الشعب

هههههههههههههههه
المهم اننا بننطحن وفي الاخر بنحفظ الطلاسم دي
قمااااااااااااش

اكيد قالك يبقي في ايدك صنعة
واهو الايد البطالة مش كويسة

ههههههههههههه
ويعني هي جت علي دي

فوتي فوتي

نورتيني
_____________________________
REEMOO
لاااااااااااااا
كله الا دي

دانا بقيت خبرة
علم النفس عامل معايا شغل

اه والنبي ايه العلاقة
قوليلي انتي

نورتيني
__________________________
شادي فايد
ولا ياعمك يابو شادي

كلها في الضياع
________________________
The Alien
انااااااااااااا
مضطر
ههههههههههههههه
ادعيلي ياعمنا

______________________-
hOby
عااااااااااااا
شفتو
علشان تعرفو انا بعاني

ادعيلي
_________________________
dyin_soul
الموز الموز الموز

اصفر
تنوريني
الاماكن كتير الحمد لله
________________________
Epitaph
احنا ورانا غيرها

مفيش مفر
كويس
ربنا يبشرك بالخير

حاجة زي الفل
ربنا معاكي
____________________________
رينـــــــــــا
انا اعرف
هو فيه اسهل من كده
دي ولا فوزايرر الشمعدان

نورتيني
__________________________
بياترتس
والله شكرا علي المحاولة

بس حتي لو فهمت لازم احفظ
وده جزء بسيط

يعني الطلاسم دي عاوزة ستة يحفظوها

سعيد باهتمامك
_______________________________
توتة توتة
انا بقي طلعتها يا توتة

فيه مانع
ولا هيبقي انتي وعلم النفس

هههههههههههه
كله في الضياع يا توتا
______________________________
soosa el-mafroosa
ههههههههه
لا وحياتك
دي عروستي

اهو الجواز ارحم من الهباب ده
نورتيني يا سوسة
___________________________
reri
دي مزرعة فواكه
دي بقت سوق العبور

ادعيلي
سلام
_________________________
LAMIA MAHMOUD
ههههههههههههههههه
جومي بينا نمشي
والنبي يا لميا ابقي قوليلهم حاجة

ياااااااااارب
معانا كلنا
_______________________________
Ma-3lina
شفتي يا دكترة

ادعيلي بقي
ولا شوفيلي دواء
للفوازير دي
_____________________________
Th3_Survivor
انت ياد سايب مذاكرتك ليه
ماكفاية عليم اصول التربية والمشكلات

روح ذاكر يللا
عاااااااارف ياخويا عارف

لازم تفكرني يعني
ربنا معاك يا مان
نورتني
_________________________
nadine
ده الرفيق محمودوف يا نادو

في الدفعة اللي بعدي
كنا زمايل
بس الزمن فرقنا قصدي علم النفس

ههههههههههههههههه
بس هما شايلين الطين بعيد عنك

هو لسه منفدش
لسه بيعاني زينا
_____________________________
متغيرة شوية
جدعة والله

انا هاعمل كده برضو
مش هاقراه خالص

اها
بس انا كنت فاكر الاسم
نورتيني

 
At May 17, 2007, 5:07:00 AM, Blogger صاحب البوابــة said...

الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , وتتمثل الحملة في نشر هذا البوست الجاهز يوم الجمعة الموافق 19/5/2007 , ونشر صور شيخ المجاهدين في جميع المدونات المشاركة – الصور موجودة في مدونتي- , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً ...

البوست بعنوان

أن تكون أبو الفـتوح شوشة

حملة الإفراج عن شيخ المجـاهدين :

في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل ... بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة ...

أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر ... أما لأنك في مصر ... فهذا معناه أن تصير نزيل أحد السجون وحبيس أحد المعتقلات ...

أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر ...فتبلي البلاء الحسن ... ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..

أن تكون أبو الفتوح شوشة فهذا معناه أن تعود من فلسطين راضياً عن نفسك ... راضياً عن جهادك ... راضياً عما فعلته لرفع لواء الذود عن فلسطين ... فلا يرضى عنك النظام ... لتذوق الويل والتعذيب في السجون المصرية ...

أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد ... بدون أن تتغير قناعاتك أو تتزعزع ثقتك في نفسك ...

أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م ... فيهب جميع أبناء دائرتك لإنتخابك ... بما فيهم أقباط دائرتك بالكامل .... فتنجح نجاحاً باهراً ... ثم يتم حل المجلس لأجل إسكاتك ...

أن تكون أبو الفتوح شوشة فهذا معناه أن تتحصن بحب الله و تحظى بحب الناس لك ...... لكنك في الوقت نفسه تجد أن النظام يُكن الكره لك ... ويعتقلك المرة تلو الأخرى ...

أن تكون أبو الفتوح شوشة فهذا معناه ألا يرحموا شبيتك وأنت قد قاربت الثمانين ... فيزجوا بك في المعتقلات غير آبهين ... ويحولوك لمحاكمة هزلية غير مستنكرين ...

أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير ... ويضيقوا عليك كل شئ حتى يسجنوك ... في الوقت الذي تتمنى أن تنعم فيه براحتك ...

أن تكون أبو الفتوح شوشة فهذا معناه جهاد في صغرك ... تعذيب في شبابك ... بهدلة في كهولتك ...

أن تكون أبو الفتوح شوشة فهذا معناه ... اننا معك حتى النهاية ... نهاية ظلمهم أو نهايتهم ...

الروابط :
مدونة انسى تذيع نبأ اعتقال شيخ المجاهدين
http://ensaa.blogspot.com/2007/04/blog-post_9947.html

مجلّة "فلسطين المسلمة" تذيع فقرات من جهاد شيخ المجاهدين
http://www.fm-m.com/2003/aug2003/story24.htm

تقرير صحيفة المصريون عن اعتقال قدامى رجال الاخوان المسلمين
http://www.almesryoon.com/ShowDetails.asp?NewID=34088&Page=1

ملف pdf عن جهاد شيخ المجاهدين المصريين في فلسطين
http://www.fm-m.com/2003/aug2003/pdf/51.pdf

جاري تدعيم الحملة بتقرير جريدة الدستور عن شيخ المجاهدين بتاريخ 13/5/2007
جاري تدعيم الحملة بتقرير جريدة الوفد عن شيخ المجاهدين بتاريخ14/5/2007

 
At May 17, 2007, 4:38:00 PM, Blogger whyme said...

عمى و عم عيالى واحشنى يا كبير
عامل ايه

و ايه يا ابنى الى انت كاتبه ده انا كنت سايبك من شهر و كنت عادى جداً و بتتكلم زيينا يظهر ان غيابى اثر عليكم

على العموم ان العيل الاول من اللبرااليه اضفىسكولوجيه انفعاليه للوقوف عند حد الزامى لما يصبوه التحررالدرامى من براثن التقيد بكل ما هومنبثق من حب الذات المهم ربنا يكون فى عونك

تحياتى يا كبير

 
At May 17, 2007, 10:04:00 PM, Blogger ادم المصري said...

هههههههههههههههه
فكرتني بوجيه عزيز
.
.
زعلان شوية
محنوق شوية
طلبة وفصول ومدارس
ويا منجة ليه طارحه في مارس
هههه
تحياتي يا برنس
وبالشفا انشاء الله

 
At May 18, 2007, 2:11:00 AM, Blogger محمد ياسر said...

هه؟

ابقى قولهم يا ريت يتكلمو الكلام السلس الشعبى بتاعنا ده كلام الشوارع ماله يعنى؟؟ بدل اللى بيكتبوه ده

تحياتى يا جميل و ربنا معاك

 
At May 18, 2007, 4:11:00 AM, Blogger عاشقة الوطن said...

ياسلاااااااام على المانجة
ايه يابنى انت دراستك كلها علم نفس بقي

انا ماليش دعوة بالحاجات ديه انا تجارة وبس
ب ساختى كانت علم نفس فلو عاوز درس مفيش مشاكل خاااالص

بس تقعد مؤدب كده وتفهم كويس الل هى هتشرحهولك

يالا بقي ربنا معاك وخلى الحياة برضه مانجة
مانجة مهما حصل

سلااااام ياعمرو
ربنا معاك ومعانا

 
At May 18, 2007, 4:49:00 PM, Blogger Esmeralda said...

انت بتتكلم جد و لا بتهزر؟؟؟

 
At May 18, 2007, 6:06:00 PM, Blogger tearwhispers said...

ههههههههههههههه
مانجه قوى
ده على كده اسنان ارحم
و قال انا كنت بعيط
لو كنت بدرس ده كان زمانى فى العباسيه من زمان
ربنا معاك

 
At May 18, 2007, 10:28:00 PM, Blogger BaTresYa said...

كلام جميل كلام معقول مقدرش اقول حاجه عنه :d

 
At May 19, 2007, 12:26:00 AM, Blogger tota said...

walhi ya DR amr 3ndna mwad manila keda bas lm tasl ela hazih el darga walken 7wel tanam 7'mis wa gom3a wa es7a sabt eshrbhom wa 7'las e3tbro dwa morrrrrrrrrr.with my best wishes

 
At May 19, 2007, 9:01:00 AM, Blogger chaos said...

بجد الله يعينك!!!!! حاجة تضحك اوي و تأثيره واضح عليك من ربط الشعور اللا جواني بحلاوة الحياة بالمانجه ..... يا مانجة هاهاهاهاهاهاهاهاهاه

 
At May 19, 2007, 2:50:00 PM, Blogger الكلام نوعان :كلام فارغ وكلام مليان كلام فارغ said...

بص يابنى
انت ماتحاولش تفهم حجه خاااااااااااااااااالص وانت هاترتاح
ولو عايز تنجح يابنى اكتب حاجه بسيطه جدااااااااااااا
انظر الكتاب

 
At May 19, 2007, 8:13:00 PM, Blogger يا مراكبي said...

على فكرة .. العيب فيك إنت

الكلام واضح جدا .. ولو مش فاهمه يبقى المشكلة إنك مش مركز كويس

هو يعني إيه مانجة؟

 
At May 20, 2007, 1:16:00 AM, Blogger safa7_karmooz said...

نهارك مانجاوى يا معلم

انت عزلت الاسماعلية ولا ايه

بس على فكرة نظرياتك الشيبوزفيقية غلط...وانت بتحاول تتطبقها نوعا ما

انت عاوزلك قاعده ااشرحلك فيها العلاقة بين التروس الموضوعية ...والدروس اللامنتهية فى الحياة المنجاوية

 
At May 20, 2007, 3:53:00 AM, Blogger ساعه الغروب said...

على فكرهاانا كل ما اجى و الاقى البوست العجيب دا بمشى تانى

والنهارده بس قررت انى ارد باه يمكن تكون مستنى ردى عشان تغيره

هههههههه


البوست دا جابلى احباط بجد

حسسنى انى مش بفهم

لا
وخالص كمان

ارجوك ارجوك

هندعيلك والله
بس اكتبلى كلام اقدر افهمه

ههههههههههههههه
ربنا معاك
والله بجد من قلبى بعد البوست الفظيع دا

انا متعوده انى اشكر اى حد بعلق عنده على البوست لما يعجبنى

لاول مره هكتب
مش شكرا ليك
ههههههههههههههههههههههههه
هههههههههههههههههههههههههه


سلام

وربنا معاك

:)

 
At May 20, 2007, 9:18:00 AM, Blogger Hannoda said...

أنا جاية متأخر قوي ي ي ي

يارب تكون حلّيت كويس في الإمتحان.. وتكون الحياه لسة مانجة... أصلها بتقلب بسرعة

:)

تحياتي

 
At May 20, 2007, 4:23:00 PM, Blogger micheal said...

نهارك أبيض
:)
تحياتي لك و أوعي تزعل نفسك مره تانيه

 
At May 20, 2007, 11:43:00 PM, Blogger sarah la tulipe rose said...

تشريط توكيدي!
سبحان الله كنت فاكراه تشريط غير توكيدي! انت واثق انه توكيدي!!دي حاجة عاوزة توكيد:)

 
At May 21, 2007, 1:14:00 AM, Blogger ضـوء الـقـمر said...

هههههههههههههههههه
اول زيارة للمدونة يا عمرو
ولاقيتك يا حرام غرقان في علم نفس النمو
وانا بقة هستغل الفرصه استغلال شرير وهعرض عليك درس علم نفس :p
ولو موافقتش هتاخد غصب عنك عشان تنجح :p
لا بجد يا عمرو ربنا معاك
انا مجربه الكلام ده والدش الكتير اوي اكمنه تخصصي يعني بعاني زيك كده بس انت بقة عندك الكلام ده في ماده وحده انا عندي الدش ده في كل المواد
ربنا معاك ومع كل الناس اللي بتمتحن يا عمرو ان شاء الله
تحياتي :)

 
At May 21, 2007, 3:22:00 PM, Blogger صوت عصفورة said...

يااااااااااااه ...
انت تبع فريق علم النفس القومي
نحن السابقون و انتم اللاحقون .. انا بودع خلاص الموضوع ده .. سنة رابعة
بس اهم حاجة مش تستغرب ابدا ..
هتيجي عليك أوقات تلاقي نفسك تقرأ و تحفظ و تعيد و تزيد و تتوقف اذ فجأة لتجد نفسك مش فاهم انت بتقرأ ايه و لا ايه اللي بيحصل ..
و لكني اؤكد لك في الآخر انك مش هتندم ابدا ..
و اسأل مجرب

 
At May 21, 2007, 4:27:00 PM, Blogger david santos said...

It places fhoto of Madeleine in your bloggue


Missing Madeleine!
Madeleine, MeCann was abduted from Praia da Luz, Portugal on 03/03/07.

If you have any information about her whereabouts, please contact Crimestoppers on 0800555111 Please Help

 
At May 21, 2007, 8:57:00 PM, Blogger sokoothansawat said...

شوف يا عم عمر...انا هقولك على وصفة سحرية قريتها زمان لممثلتي المفضلة اسعاد يونس....صاحبتنا اسعاد كانت في كلية الأداب قسم فلفسة...الي هو ابن عم كلية التربية قسم هسهسة الي انت بتذاكرة ده...الست سعاد هي و زمايلها المفلفسين...كان عندهم مادة زي حضرتك كده...ما تتخيرش عن النمو السلوكي بتاع سعادتك ده...طيب تعملي ايه و تسوي ايه يا سوسو...راحت مقلفة في الستمحان كلام بقى من الي قلبك يحبوا...حاجة كده زي...وارهاصا لما سبق يتبين لنا ان الإتجاه السلوكي العام ينبع من وعي وجداني دفين بالإتجاه الراديكالي الرئيسي المنبثق من التباين النفسي الجسدي عند الأخذ في الإعتبار التفوق الطبقى لمجموعة المتنافسين داخل الحقب الإجتماعية المختلفة...و هلم جرا...سعاد اعتمدت ان بما ان فيه بتاع تلتميت ربعميت واحد ولا واحد فيهم فاهم هو اصلا بيقرا ايه...يبقى فيه احتمال كبير جدا ان الي بيقروه ده اصلا ما يتقريش...اذا الإستنتاج ان الدكاترة هما الي ما بيفهموش مش الطلبة هم الي اغبية...طيب ... نتيجة الفلفسة دي ايه...البت اسعاد يونس جابت امتياز هي وكل زمايلها الي جالهم الشجاعة يمشوا وراها....لا و شوف الصدف طلعت بعد كده ممثلة و مؤلفة و منتجة و متحكمة في رقابينا كلنا...انصحك تعمل زيها..واشوفك اخر السنة انشاء الله...يا في نفس المدرج لإنك غالبا هتعيد...يا اما في الخانكة....ميرسي على الزيارة يا مان..وربنا يهون عليك اليومني الكرب دول

 
At May 22, 2007, 6:10:00 PM, Anonymous صباح said...

السلام عليكم
ازيك ياعمرو.......ربنا معاك
انا كنت زيك فى تربيه بس دا من امتى.....من 25سنه.....والله يابنى كله محصل بعضه
هتوديى نفسك الخانكه لو زاكرت الكلام ده
انت تعمل ايه....تحفظه كدا زى ماهو وتكتب اللى انت فاكره منه.......وماحدش هايقرا صدقنى
مش طلعوا بيضحكوا عليناوطالما انت عديت وبقيت فى تالته ولا رابعه- مش عارفه -خلاص فات الكتير ....ربنا معاك

 
At May 22, 2007, 6:14:00 PM, Anonymous صباح said...

السلام عليكم
ازيك ياعمرو.......ربنا معاك
انا كنت زيك فى تربيه بس دا من امتى.....من 25سنه.....والله يابنى كله محصل بعضه
هتوديى نفسك الخانكه لو زاكرت الكلام ده
انت تعمل ايه....تحفظه كدا زى ماهو وتكتب اللى انت فاكره منه.......وماحدش هايقرا صدقنى
مش طلعوا بيضحكوا عليناوطالما انت عديت وبقيت فى تالته ولا رابعه- مش عارفه -خلاص فات الكتير ....ربنا معاك

 
At May 22, 2007, 7:29:00 PM, Blogger قاسم أفندي said...

ما الموضوع سهل اهو خالص مش عارف انت ايه بالظبط اللي مش فاهمه؟
مش ده برضه من كتاب كيف تتكلم اللغة الصينية؟

 
At May 23, 2007, 6:26:00 AM, Blogger Amr Ahmed said...

صاحب البوابــة
ربنا يسهل
ونشوف الموضوع ده
________________________________
whyme
ايه ياعم
فينك
شفت بقي الظروف
ادعيلي
_____________________________
ادم المصري
كل ماسمع الاغنية دي
افتكر اللي انا فيه
_______________________
محمد ياسر
والنبي يا محمد
قولهم انت يمكن يسمعوا كلامك
_________________________
عاشقة الوطن
والله انا واخد علم النفس ده
كده بلطجة
بس هل هي فاهمة الكلام ده
ولا ايه
_________________________
Esmeralda
بهزر بجد
علشان تعرفوا المأساة
___________________________
tearwhispers
اكيد ارحم
والله لو بيطري حتي ارحم
ادعيلي
___________________________
BaTresYa
وياريت نسمع حاجة للاستاذ عبمطلب
___________________________
tota
والله يا دكتور توتة
انا بقالي شهرين نايم
ومفيش حاجة اتغيرت
مفيش وصفة تانية؟
___________________________
chaos
اضحكو انتوا
وانا عمال اعيط هنا
ماشي ماشي كل واحد وليه يوم
_____________________
الكلام نوعان :كلام فارغ وكلام مليان كلام فارغ
وليه انظر الكتاب
اكتب احسن
ا.ك
وزي الفل
_____________________________
يا مراكبي
انا قلت كده برضو
المادة سهلة وزي الفل
المانجة دي رياضة عنيفة بعدي عنك
_____________________________
safa7_karmooz
لا يامعلم
الاسماعيلية هي اللي عزلت عندي
هي اهم حاجة التروس
______________________________
ساعه الغروب
ليكي حق والله
هو ده بوست حد يرد عليه اصلا
انتو بصراحة تشكروا انكو رديتو علي العبط ده
هههههههههههههه
ادعيلي بس
___________________________
Hannoda
يا فندم انتي تيجي براحتك
والله بنت حلال
ليكي نصيب تشوفي العبقريات دي
لا لسه ممتحنتش
يوم5\6
ادعيلي
________________________
micheal
لا يا راجل ازعل ليه
هو فيه حاجة تزعل خالص
__________________________
sarah la tulipe rose
دي قضية محورية فعلا
لازم نبحثها علي مستوي رؤساء اللجان
شيزوفرينيا
بارانويا
____________________________
ضـوء الـقـمر
وانا موافق علي الدرس
هتدفعي كام
طبعا مش انا اللي هفهم
وهي دي شوية
سعيد بزيارتك الاولي
___________________________
صوت عصفورة
هو علم النفس ليه منتخب
طب ممكن العب باك ليفت
والله انا وصلت لمرحلة لافهم ولا حفظ

كله في الضياع
نورتيني
___________________________
david santos
i hope i help u
thnx
_____________________________
sokoothansawat
انا اعمل اي حاجة
بس انجح وخلاص
وبعدين يافندم
انا دي تاني مرة امتحنها
يعني انا شايلها
مش ناقصة اعيد تاني
____________________________
صباح
والله يا استاذة
هو لا راضي يتحفظ ولا يتفهم
كويس ان ربنا طلعك منها علي خير
ادعيلي حضرتك
بس
نورتيني
___________________________
قاسم أفندي
هو بالظبط
كيف تتعلم صينية البسبوسة
في ست سنين

 
At May 23, 2007, 10:03:00 AM, Blogger سكتم بكتم said...

الطشت قالي ..الطشت قالي يا حلوة يا لي قومي أستحمي

علي الأقل مفهومه

 
At May 23, 2007, 3:51:00 PM, Anonymous بندقه said...

بص يا عمرو
اثبتت التجارب كلها ان الواحد مننا مش ممكن يفهم اللى بيذاكره ابدا وعشان كده احنا بنذاكره وربنا يصرنا
ياريت تحجزلى مكان معاك فى السرايا الصفرا

 
At May 23, 2007, 6:29:00 PM, Blogger كراكيب عادل said...

الموضوع سهل جدااا والكلام واضح

يا عم ركز بس منجة اية

بس يعني مستوي نكوصي

نوع جديد غير الفانسو وابو صنارة وعويسي و و و و و و

مهي المنجة انواع

اوزن يا عم اوزن

 
At May 23, 2007, 8:27:00 PM, Blogger Shiko said...

مش عارفه ليه نط فى دماغى احمد حلمى
وهو بيقول تقوقز القوقاز متقوقزاً
دعوة من القلب ربنا يوفقك ويجعل ساعه الامتحان ساعه سهله:)

 
At May 23, 2007, 9:59:00 PM, Blogger nirfana said...

هههههههههههههههههههههههه
هههههههههههههههههههههههه

ضحكتنى من قلبي الله يسعدك ويوفقك
أصلى خريجة علم نفس
وبشتغل فى نفس المجال
وبحضر ماجيستير فيه بردو
وعلى مدونتى مكتبة كويسة بعلم النفس على فكرة


على فكرة كمان
الموضوع سهل جدا لو فهمت معنى كل مصطلح من دول بيقول ايه
لو فسرت كل كلمة تفسير دقيق
هتعرف ان الجزءية اللى انت كتبتها دى تقريبا ضمت نص علم النفس

:):):)


دعواتى لك بالتوفيق

هكتب عن البوست ده على مدونتي

 
At May 24, 2007, 11:07:00 AM, Blogger نفسنا said...

تم أفتتاح العدد الأول من مجلة نفسنا
نتمنى منكم زيارتنا

 
At May 25, 2007, 12:00:00 AM, Blogger Dalia said...

مين؟؟

فين؟
انا مش فاهمه حاجه

لو حد فهم يفهمنى

 
At May 25, 2007, 4:56:00 AM, Blogger zordeak said...

لازم الدولة تبرمج الوطن علشان الحياة تبقى اخر زنجفة والطاسة تسخن

:)

 
At May 26, 2007, 9:02:00 AM, Blogger الشنكوتي الكبير said...

بص بقى بما ان العمليه الا اراديه في التحول اللا مركزي من انبثاق التأفف المحوري في ذاكرة النهد النتدني من اعتقال التوجه الزركوزي بإعتبار التخلش الدندني في الحسبان مع عدم دمج احاله اعلقوبيه في وجدان التكاتل البفشي ناسيا او متناسيا عجز المقايا عن فض غلاف القشره التقشيفيه من مضمون الجاده العظمى

********************
يبقى الحل الوحيد انك تديني انا المانجايه دي وانت تروح العباسيه وعلى النتضرر اللجوء للقضاء
روح ياابني الله يسهلك

 
At May 26, 2007, 4:40:00 PM, Blogger أبو ضحى said...

اقولك انا فضلت افكر و وصلت لرأى

الحاجات دى عازه واحد مجنون عشان يفهمها..

يعنى الكتب دى اساسا معمولة للمجنانين

ربنا معاك

 
At May 26, 2007, 10:11:00 PM, Blogger esraa said...

معلش ياعمور
كله بيعدي يابني
ربنا معاك ومع منة أختي

 
At May 28, 2007, 6:12:00 AM, Blogger أُكتب بالرصاص said...

ينهار بنفسجي ؟

وانتالمفروض تدرس الحاجات دي؟
وبعدين تفهمها؟
وبعدين تحفظها
لا وأيه
كمان يمتحنوك فيها؟ وتعرف تجاوبها؟

لا يا ابني
الله يكون في عونك

دي الفيزياء ارحم

 
At May 28, 2007, 4:43:00 PM, Blogger MAKSOFA said...

المكتوب نوع من النكوص المرئي في كينونه الأفتعال البوهيمي للتوتر الحبقي في أزد الواقع المهتريء علي كينونه المهلبيه

 
At May 28, 2007, 7:39:00 PM, Blogger Casper said...

يا جاااااااااااااااااااامد

احمد ربنا يا عمرو

احنا فى سنة أولى المادة الوحيدة اللى كنا بندرسها بالعربى جالنا امتحانها بالانجليزى

وعينك ما تشوف الا النور

وعلى فكرة كلامها كان زى الكلام ده بالظبط

شد حيلك انت أكيد قربت تخلص مش زينا

:D

 
At May 29, 2007, 2:17:00 PM, Blogger سهر الليالى said...

انا اعتقد ان المقصود مش انك تفهم الكلام ده ولا تذاكره ولاتنجح فيه المقصود انك تتعقد وتمتلى بكافه الامراض النفسيه وتلجا للدكاتره النفسيين للعلاج ودكتور الماده ليه نسبه على فكره
تحياتى

 
At May 29, 2007, 10:26:00 PM, Blogger ضد الظلم said...

لا بتخدو الكلام دة بجد استغفر الله العظيم
بس هو شارح نفسه اهو بس انت مش بتحاول تفهم الكلام واضح وزى المانجه اهو

 
At May 29, 2007, 11:24:00 PM, Blogger Amr Ahmed said...

سكتم بكتم
والله علي رايك
اهي مفهوومة

نورتني
________________________________
بندقه
اثبتت الابحاث ايه بس
انتي جاية تكملي عليا

شكل السرايا الصفرا هتعمل شغل علي قفايا

انا هاخد نسبة
_____________________________
كراكيب عادل
العويسي عاملة شغل جامد
اوزن قد ايه يا بيه
ولا تاخدهم شروة احسن
هيهيهيهي
______________________________
Shiko
هو احمد حلمي بس
ده جميع الممثلين

متشكر ليكي
____________________________
nirfana
يا نيرفانا
انتي خريجة علم نفس
يعني مجالك اللي انتي اخترتيه
انا بقي مش مجالي
ياعالم
ولو تقدري تساعديني باي بورشامة ولا حاجة
مفيش مشكلة
هيهيهيه
نورتيني
________________________________
نفسنا
نفسنا وعلم نفس
انتو حد مسلطكم عليا
ماشي هنزور
_______________________________
Dalia
ايه يا داليا
بيقولك علي مستوي نكوصي
دي سهلة اوي
انا مش عارف ازاي حد مش فاهم
________________________________
zordeak
واول مالطاسة تسخن تحط البطاطس علطول
بس مترمهاش علشان متطرطشش

هيهيهيهي
يا حلاوتك يا شيف احمد
__________________________________
الشنكوتي الكبير
زي الفل
افادكم الله
واحنا متشكرين علي الجهود المبذولة

والعقابة في المسرات
___________________________
أبو ضحى
قشطة مفيش مشكلة

انا ممكن اتجننلها
عندي استعداد
____________________________
esraa
ياااااااااارب
ربنا معانا كلنا
متشكر ليكي
_____________________________
أُكتب بالرصاص
قولي انت يا عاقل
انا راضي حكمك
ده ينفع
هههههههههه
وهي دي اخرة اللي يتعلم في مصر
نياههههههههههههها
_____________________________
MAKSOFA
لو سمحتي مفيش رز باللبن
اصلي مبحبش المهلبية
نورتيني
_____________________________
Casper
كاسبور
منور
والله حكاية اخلص دي بقي
علي حسب التساهيل
ههههههههههههه
ادعيلي
_____________________________
سهر الليالى
تعتقدي انه ممكن يكون تمويه

او اعمالا بنظرية المؤامرة
ممكن تكون الحكومة تكون قاصداني انا
ولا ايه رايك؟
_______________________________
ضد الظلم
انا بقول كده برضو

انا مكسل بصراحة
دي حاجة حلوة جوي
بس اني اللي مكسل افهم
ههههههههههههههه

 
At May 30, 2007, 11:17:00 AM, Blogger أبو أمل said...

يييييييييييه
على ثورنديك وواطسون
وعلىى كل العلما
عايزين نعيشها صح يا خوانا

 
At May 30, 2007, 2:37:00 PM, Blogger whyme said...

ايه اخبارك يا كبير

عامل ايه فى الامتحانات
بسطتنى جداً زيارتك تبقى تطمنا عليك

تحياتى

 
At May 30, 2007, 4:58:00 PM, Blogger smraa alnil said...

افهمك يا غبي

المدرسة السلوكية: انصب فيها تفكير العلماء علي زيادة الاهتمام بالدافعية والاقتران والتعزيز ,والفنيات العلاجية التي تواجه الاستجابات اللا توافقية المتمثلة في كثير من الاضطرابات السلوكية

فيما معناه
ان العلماء والمفكرين اهتموا بالدافيعية التي تعمل علي استثارة الفرد نحو الافضل
والاقتران بكل ما هو ايجابي
واستخام اسلوب التعزيز الايجابي الذي يزيد من دافعيه الفرد
وان في اساليب علاجية مبتكرة يضعها علماء علم النفس لكي يواجهه السلوكيات الا ارادية التي تصدر من الفرد نتيجة لاضطرابات يتعرض لها من ضغوط عصبية ونفسية
او حالة القلق والتوتر

وتتنوع وسائل العلاج السلوكي وتتنوع طرائقه بتنوع الاستجابات اللاتوافقية ازاء الذات والمجتمع

يعني
ان هناك عدة اساليب وانواع من العلاج الذي يكون عن طريق استخدام بعض من الاساليب والمواقف نتيجة لاستجابات المجمتع
بمعني ان اللي انا هستخدموا كعلاج لازم يكون نابع من استجابات المجتمع عشان مش ارهق الفرد واطلب منه تحقيق شئ شبه مستحيل



واذا لاحظنا الظاهرة من الزاوية السيكودينامية واضعين في اعتبارنا ان الحياة ليست غير سلسلة من الصراعات ومحاولات فضها ,من الرغبات والدوافع والحاجات والحوافز ,فان هذه المحاولات قد تنجح فتكون السوية,وعندما تفشل يحاول الكائن فض صراعاته علي مستوي نكوصي وعلي نحو تفكيكي فتكون اللا سوية


بمعني ان علم نفس النمو النابع من حركة الفرد في الحياة
يكون نتيجة لصراعات ومحاولات يتعرض لها الفرد في تحقيق شئ ما
فاذا نجح الفرد في تحقيق هذه الصراعات والتغلب عليها ادي ذلك الي استقراره النفسي
وبالتي اصدار سلوكيات سوية ويكون فرد صالح ايجابي للمجمتع
اما في حالة فشلة
فأن ذلك يؤدي الي هروبه وارجاع اسبابه الي الحاله الاولي التي كان عليها قبل فشله
مثال
عدم الذهاب الي الكلية مثلا خوفا من حدوث شئ ما
فان ذلك ارجع اسباب خوفه وفشله الي السبب الاول وهو عدم ذهابه الي الكلية
وبالتالي تكون سلوكياته غير سوية




ينطوي تعديل السلوك علي فنيات علاجية متعددة: يتمثل بعضها في التحصين التدريجي,التشريط الاجرائي ,الاسترخاء,الانطفاء ,التشريط النموذجي ,التشريط بالنقيض,التشريط التغيري والتوكيدية


ولكي يتم تعديل السلوك وعلاجه الغير سوي طبعا
فان هناك عدة اساليب
منها اللي انت ذكرته دة
واكيد كل حاجة ليها تعريف في الكتاب


وعلي فكرة الكلام جايز يكون مجعلظ بس لو ركزت شوية هتلاقيه سهل
ومصيحة مني ليك
اكتب اللي انت فاهمه مش الل انت حافظه

 
At May 30, 2007, 6:31:00 PM, Blogger إنـســانـة said...

ابسسسسسسسسسسسسسسسط ياعمممممممممممم

سمرا بنفسها فهمتك

ربنا يستر وتعرف تنجح بقا

تصدق بالله

انا معرفتش قيمة الاقتصاد غير لما قريت الكلمتين بتوعك دول

اساسا لو كان حد شاف منظرى وانا بقراهم كان هيقعد يضحك لحد ما الامتحانات تخلص

قال دافعية واقتران وتعزيز قال

بس الحق يتقال بردو

العيب فيك انت

تعرف ليه؟؟؟؟

عشان ماشربتش من نيلها

ههههههههههههههههههههه

 
At May 30, 2007, 9:58:00 PM, Blogger بيسوو said...

كبدي يابني..صغير والله على العذاب ده
ربنا يطلعك منها على خير

 
At May 31, 2007, 12:56:00 PM, Blogger اخر من الاخرين said...

نفسي افهم مش فاهم ايه
دة الكلام واضح وضوح المانجة في كباية العصير
ركز انت بس

 
At Jun 1, 2007, 2:54:00 AM, Anonymous nirfana said...

عمرو تصفح الايميل


بعتلك نظرية اريكسون


بالتوفيق يا رب

 
At Jun 1, 2007, 11:09:00 PM, Blogger koukawy said...

يا لهوي
ايه ده
ده صعب اوي
و لا فاهمه حاجه

 
At Jun 3, 2007, 12:47:00 AM, Blogger Amr Ahmed said...

أبو أمل

واه والله
عندك حق
نورتني
_____________________________
whyme
حبيبي

الحمد لله ماشي الحال

ياباشا لا شكر علي واجب
عيب عليك
بس انت اكتب كتير وهتلاقيني عندك
عطلول
______________________________
smraa alnil
انتي هتعمليلي فيها فرويد

وبعدين طب انتي هتشرحي الحبة دول
وباقي الكتاب يا فالحة

وبعدين انا امتحنت خلاص
هيهيهيهيهيه
___________________________
إنـســانـة
طب ياختي
علي اساس انها ادتني درس

يا بتوع الاقتصادانتو

اه مشربتش من نيلها
ولا نيلتها
______________________________
بيسوو
عااااااااااااا

شفتي بقي
ادعيلي
_________________________________
اخر من الاخرين
صباحو اشرف فرغلي بتاع العصير

ههههههههه
الشاليموه لو سمحت
___________________________
nirfana
علم ونفذ بالفعل
متشكر ليكي جدا
______________________________
koukawy
ههههههههههه
ولا انا

اشمعني انتي تفهمي يعني

 
At Jun 4, 2007, 12:35:00 PM, Anonymous كبير المتشردين said...

هو التبول اللا ارادي طلع مرض نفسي والله يا اخويا انا كنت فاكره جسدي طيب بعد ازنك بقا التدوين الي ارادي ده يطلع تبع انهي نوع من الامراض

 
At Jun 5, 2007, 8:03:00 PM, Blogger TAMTAM said...

لا حول ولا قوة الا بالله

وانا اللي زعلانة عشان بعمل رسومات ومش عاجبة الدكاترة

ان شاء الله ماعجبتهم كفايا انها عجباني

لألأ ده انا رحمة ياابني

وعلى رأيك كله بيجي في الاخر ويندم:D

 
At Jun 5, 2007, 11:26:00 PM, Blogger david santos said...

Alive the people of Palestine, against the fascism of Israel and the terrorism of the North America

Peace for Palestine

 
At Jun 5, 2007, 11:54:00 PM, Blogger Nsreen Bsunee said...

عمرو
ازيك
تعرف يا عمرو ان انا اخدت ليسانس اداب علم اجتماع السنه دى
وتعرف ان انا مش عارفه او فاهمه او فاكره اى كلمه من اللى انت قلته
بالزمه مش حاجه تقهر خصوصا انى كنت جايبه جيدجدا
هم يضحك مش كده
ربنا معاك يا مور
سلام

 
At Jun 6, 2007, 12:01:00 PM, Blogger أخف دم said...

بقى ياراجل نبقى علطول مع بعض ع الإيميل وعندك حاجة زى دى وماتقليش عليها افهمهالك ؟؟؟ أنا زعلان يا عمووور ..
عموما أنا مسامحك .. بس اللى متعرفهوش بعد كده هاتهولى وملكش دعوة وانا هاشرحهولك وربنا يكرمك .. على فكرةأنا كنت باشرح لنفسى فى الجامعة والحمد له كنت باشيل مواد..
ربنا يعديك منها على خير يا عموووووور
وطمنا عليك

 
At Jun 8, 2007, 1:43:00 PM, Blogger امرأة تقول الذي لا يقال said...

أنا غيرت لينك مدونتي

 
At Jun 9, 2007, 8:32:00 AM, Blogger الشنكوتي الكبير said...

انت يا عم هاتخلص امتى بقى وحشتنا
سلااااااااااااااااااااام

 
At Jun 10, 2007, 12:28:00 AM, Blogger darsh said...

يا بني الكلام واضح جدا وسهل خالص وبسيط


الكلام ببساطةمعاناه

إن العلاقات اللا توافقية تتبلور في حيز من سلسلة الحياة التي هي عبارة عن مراحل من اللا عنقودية ، والعناقيد .. اللي هي فيها عنب دي

والعنب العنب العنب

شوفت بقى ببساطه الراجل بيتكلم عن سعد الصغير

عرفت ان انت اللي مش فاهم ؟

 
At Jun 10, 2007, 8:28:00 AM, Blogger الشنكوتي الكبير said...

اديك خلصت يا عم مبروك عقبال النجاح
عايزين شغل جامد بقى انت قاعد فاضي يا باشا
سلاااااااااااااااااام

 
At Jun 10, 2007, 5:18:00 PM, Blogger ALiaa said...

الله يوفقك يا بني
:]

 
At Jun 11, 2007, 8:22:00 AM, Anonymous Anonymous said...

السلام عليكم

ههههههههههههههههههههه

دي مانجو وبطيخ

وبعدين انت عاوز تفهم ليه

انت عاوز تكسر القاعدة

ربنا يوفقك
وتخلص على خير

سلاماتي

 
At Jun 11, 2007, 8:46:00 AM, Blogger farfasha said...

هاى
انا عامله فكره جديده وياريت تلاقي منك التشجيع
يارب تقولى ايه رايك في الفكره دي ويارب تكون اول استفتاحي
مستنياااااااااااااااك
تحياتى

 
At Jun 11, 2007, 9:22:00 PM, Blogger cat_eyes(همس الليل) said...

فى هذه النظريه الديناميكيه المتسلطه العموديه التى توازى ما يخلفه ما مضى
عند الحاضر الممتنع عن الادلاء بما يراه ولا بعرفه
حينها قد افهم ما تقول

مش عارفه دا اللى حسيتو بعد ما قريت

صباح المانجه

 
At Jun 11, 2007, 9:29:00 PM, Anonymous Anonymous said...

اولا احب احييك علي المدونه الجميله دي واعتذر عن عدو زيارتك كان ورايا امتحانات بقه ولسه مخلص عقباللك
ارجو منك زيارتي دايما

 
At Jun 12, 2007, 11:48:00 AM, Blogger Amr Ahmed said...

كبير المتشردين

شفت والنبي طلع مرض
انت مكنتش تدري

اي خدمة
علشان تعرف اني بديكم معلومات مجانا
عد الجمايل بقي

_________________________
TAMTAM
ههههههههههههه

طب كويس
هو ده التميز
يعني كده عبقرية

ربنا معانا كلنا
___________________________
david santos
اه والله ياعم ديفيد

عندك
حق
_____________________________
Nsreen Bsunee
ياهلا ياهلا
طب يا نسرين اديكي عديتي الحمد لله

عقبالي

وربنا معاكي في الشغل بقي

_____________________________
أخف دم

لاااااااا ياعم
انت لا

يابتاع المازنجر انت

انا هذاكر لوحدي
______________________________
امرأة تقول الذي لا يقال

علم وينفذ
_________________________________
الشنكوتي الكبير
خلصت يا مان
بس فترة نقاهة بقي

____________________________
darsh
يا رااااااااجل

كنت فاكرة بعرور
دي كده فضيحة

نورتني
_______________________________
ALiaa
ميرسي يا علياء
نورتي
___________________________
mesh2dra
وعليكم السلام
اه صحيح

المفروض اخليني مع الجماعة

ياااااااااااارب

نورتيني
______________________________
farfasha
ان شاء الله
اشوفها
شكرا علي الدعوة
_____________________________
cat_eyes(همس الليل)
هووووووووووووووووي

حمد الله علي السلامة

ايه اللي انتي قولتيه ده
نستيني الكلمتين
هههههههههههههههه

نورتيني
______________________________
fares

نورت ياباشا
مبروك عقبال النتيجة

نورتني

 
At Jun 12, 2007, 1:22:00 PM, Blogger نورهان مفيد said...

ربنا يقويك

بس مافيش حاجة غير المانجة

 
At Jun 19, 2007, 5:03:00 AM, Anonymous Anonymous said...

هاى عمرو انا اول مرة ادخل عندك المدونة ولما قريت كلمة علم نفس نمو دى عرفت على طول انك فى كلية تربية علشان انا كمان كنت فيها بس الحمد لله ربنا تاب علينا وعقبالك ان شاء الله وبما اننا طلعنا فى كلية واحدة انا يسعدنى ويشرفنى اننا نكون اصدقاء
nany قسم تاريخ

 
At May 2, 2009, 4:43:00 AM, Anonymous Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

 
At Nov 15, 2013, 11:51:00 AM, Anonymous Anonymous said...

This is such a nice addition thanks!!!
عرب كول
شات صوتي شات
شات مغربي
دردشه صوتيه
شات صوتي
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه
مدونة بعثرة اقلام
بعثرة اقلام

 

Post a Comment

<< Home