Tuesday, May 08, 2007

ترهات

كيف لنا ان نحيا في وطن لم نعد نأمن فيه علي انفسنا وعلي اهلنا واعراضنا. يمكن للانسان انت يتحمل التعذيب البدني علي الرغم من قسوته,ولكني اعتقد انه مهما كانت قوة هذا الانسان فانه لا يستطيع ان يتحمل تعرض فرد من اهله للتعذيب وخاصة ان كان هذا الفرد ام او اخت او زوجة او بنت.
..
كان الاعتقاد السائد انه من الصعب تحول الانسان الي حيوان ولكنهم اثبتوا عكس ذلك,ولكنيي اعتقد ان هذا ظلم للحيوانات ,فلن تجد حيوانا يعذب حيوانا اخر لمجرد لذة او رغبة في التعذيب ,اما ان يتحول التعذيب الي شهوة فهذا امر اخر..
.
قد يجدون مبررا لما يفعلون مع النشاطين السياسين , ولكن ما المبرر في تعذيب مواطن قد يكون لايعرف من هو وزير
الداخلية اصلا او هتك عرض مواطنة لم تقترف ذنبا الا انها قد ساقها قدرها لقسم شرطة وقد تكون سيقت اليه.
.
.
كيف تحولت اقسام الشرطة من ملاذ امن للضعفاء والباحثين عن حقوقهم الي قلاع للتعذيب.
.
.
اصبحت هناك كراهية من المواطنين لاي كائن يرتدي تلك البدلة البيضاء او حتي السوداء ويضع فوق اكتافه تلك النجوم ا النسور او حتي اشرطة حمراء.
.
.
لا ننكر وجود محترمين بينهم لكنهم قلة,وقد ترسخت لدي المواطن كراهية لهولاء البشراصبحوا يتعاملون مع المواطنين من منطلق الفوقية ,وانهم غير هولاء المطحونين نهارا وليلا
قد تصادف احدا منهم في احد المواقف قد يكون مواصلات او حتي يمكن ان تجده بجوارك اثناء الصلاة بالمسجدولكنك لا تستطيع ازالة حاجز ما لا تعلم ماهو موجود مع تلك الطلة البهية.
.
ليتني اجد احد الاطباء النفسيين بفسر ماهو الدافع الذي يجعل انسان ما-دعونا نسميه انسان مجازا-يستمتع او حتي يقوم بدون استمتاع بتعذيب انسان اخر وهو يتالم امامه
.
.ا اصعب ان يتحكم انسان غير سوي نفسيا في مصير شعب لا يملك الا ان الالتجاء لخالقه عز وجل لتفريغ طاقة الغضب الكامنة بداخله
.
.
سلطة بلا قانون..........................ارهااااااااب
علي راي المثل :اللي ليه ظهر مينضربش علي بطنه
من وحي فيلم ما وراء الشمس

38 Comments:

At May 8, 2007, 9:07:00 AM, Blogger The Alien said...

أنا بعد ما شفت البرنامج كنت هموت وأكسر حاجة أو أخبط دماغي ف الحيط
بجد كنت عامل زي اللي مليان ونفسه ينفجر

مفيش أي مبرر ف الكون للتعذيب
لا لسياسي ولا لحرامي
مفيش إنسان ليه سلطة يعذب إنسان

التعذيب هو الطريقة الوحيدة اللي يعرفها الظباط ف التحقيق
هو دا اللي إتعلموه ف الكلية
هو دا الحل عشان يرضي رؤسائه

تعالي نحسب حسبة صغيرة
سن المعاش ف الشرطة 45 سنة
والظابط قول بيبدأ شغل وعنده 21 سنة
وقانون الطوارئ بقاله 27 سنة
يبقي كل الظباط الحاليين إتعلموا وإشتغلوا ف ظل قانون الطوارئ
ولا عذاء للشعب

تحياتي

 
At May 8, 2007, 9:12:00 AM, Blogger مصر هى أمى said...

عمور

طبعا اليان كلامه صح وزيادة عليه ان احنا بقينا دولة بوليسية
امشى فى الشارع وشوف مين اللى بيخالف القانون اول ناس هتلاقيهم هما الظباط حد فيكى يا مصر يقدر يفتح بقه مع ظابط خلاص عملوا للناس ارهاب

المصيبة ان المعتقلين السياسيين بيحبوا البلد وممكن يضحوا بحياتهم علشان البلد لكن الظباط دول بيضحوا علشان خاطر المنصب يعذبوا الناس علشان يترقوا فى المناصب اكتر

 
At May 8, 2007, 1:16:00 PM, Blogger a7lam 3adya said...

السبب .. مرض السادية يا عمرو بس انا مش عارفة ازاى قطاع الشرطى يكون مأهول على اخره بالمرضى النفسيين ولما تدخل الى القسم وكانى الى دخلت الى عنبر الساديين بمستفى العباسية

لا يوجد مبرر للتعذيب
غير انهم ساديين
ونحن ليس لنا مبرر للتحمل غير اننا سلبيين :(

 
At May 8, 2007, 3:16:00 PM, Blogger david santos said...

Thanks a lot, friend! My life is to exceed the barriers of the languages and to fight against the lie of the outlaws who make the wars, Bush & Cª

 
At May 8, 2007, 4:34:00 PM, Blogger شادي فايد said...

ياباشا اللي ليه ضهر ينضرب عليه
واللي ملوش
ينضرب على قفاة

 
At May 8, 2007, 6:56:00 PM, Blogger micheal said...

و الله أنت جبت المفيد لما قلت أن أي مواطن أصبح بيكره أي واحد لابس البدله البيضا و بيقوله عليه ضابط..ما هو أصل اللي بيجري ده مش شويه و كله بقي علي عينك يا تاجر و للاسف مفيش حاجه اسمها مبدأ سياده القانون عندنا...مفيش أي سبب في الدنيا يخلي البهوات يعذبوا أي حد أي كانت جريمته و لكن تقول لمين
و رغم كده برضه لسه فيه قله شرفاء و محترمين منهم زي اللي دفع حياته ثمن لانفاذ امرأه من الاغتصاب
تحياتي لك

 
At May 8, 2007, 7:59:00 PM, Anonymous Anonymous said...

انا اسف علي عدم التعليق مقدما ارجو التضامن معي لقياده حمله عدم سب المصريين

 
At May 9, 2007, 12:21:00 AM, Blogger reri said...

فعلا بقي فيه حاجز نفسي كبير بين الناس والكائنات بتوع الداخليه ... رجالة حبيب العادلي داسوا الناس ... والناس مطحونه أصلا .... الشرطه بقي شعارها
الشرطه لدهس الشعب

سلاماااااااااااااااات

 
At May 9, 2007, 1:30:00 AM, Blogger عاشقة الوطن said...

والله ياعمرو الواحد مش عارف يقول ايه فى اللى هو شايفه

هو انت عندك حق فيه منهم قلة قليلة جدا اللى ممكن تلاقيهم محترم وعارف يعنى ايه بنى ادمين هو بيتعامل معاهم

يالا ربنا يسامحهم

 
At May 9, 2007, 9:09:00 AM, Blogger sarah la tulipe rose said...

انتهي عصر بلد الامن و الامان
بقت بلد الامن و رجالها و عربات الامن
بس احنا الي عملنا كدة في نفسنا الي بيعذب مواطن مواطن زيه اينعم تطور لحيوان بس المفترض انه مواطن
احنا في مسشتفي مجانين كبيرة و مصابين بالسادية المتوحشة

 
At May 9, 2007, 3:32:00 PM, Blogger يا مراكبي said...

لو عندك واحد صاحبك أو قريبك في كلية الشرطة .. إبقى إقعد معاه وإسأله عن الموضوع ده وشوف هايقول لك بيقولولهم إيه في الكلية

خليها مفاجأة .. أنا مش هأقول لك على حاجة لحد ما إنت تسأل بنفسك

 
At May 10, 2007, 12:19:00 AM, Blogger koukawy said...

فيلم حلو اوي فعلا
وربنا معاها هويدا

 
At May 10, 2007, 1:02:00 AM, Blogger BaTresYa said...

إللي بيسيب حقه في اي حاجه ...لازم يكون متوقع اي حاجه هتحصل له ... إحنا سبنا حقنا في بلدنا وفي اننا نعيش بني أدمين لهم كرامه في بلدهم ,,يبقى ربنا يحفظنامن اللي جي

 
At May 10, 2007, 2:03:00 AM, Blogger صاحب البوابــة said...

هذا الفيلم الذي ابكاني

ويبكيني

وسيظل يبكينى كلما تذكرته

تحياتي لكلماتك الرائعة

 
At May 10, 2007, 12:51:00 PM, Blogger hOby said...

دايما كنت باسأل نفسي السؤال ده برضه ازاي بني آدم يستمتع وحد قدامه بيتألم كده.. ونقول ايه
عايشييييين في حرية
زمن الضغوط اختفي
اتحدي لو واحد يوم انضرب بالقفا!!

 
At May 10, 2007, 1:06:00 PM, Blogger أنا حر said...

لما ينتشر الظلم عن طريق حكومة في أي دولة بيكون لازم مزيد من الظلم للشعب علشان السيطرة عليه وده اللي بيحصل عندنا عايزين يسيطروا علينا باي شكل لحد ما وصلنا للمرحلة دي مرحلة اللاأنسانية
المشكلة ان الظابط اللي بعمل كده بيحس انه بيقوم بواجبه ودي الجريمة الكبيرة لأنه مش قادر يفرق بين الجريمة وواجبه زيه زي الحاكم الظالم اللي مش قادر يفرق بين انه بيحكم شعب وبيتحكم في شعب

 
At May 10, 2007, 2:03:00 PM, Blogger ياسمين said...

أنا ممكن أقولك خبراء النفس بيقولوا ايه فى الموضوع دة
بيقولوا ان اللى اتعامل بعنف وعاش واتربى على العنف
كغالبية بيوتنا
بيبقى عنده استعداد فطرى وطبيعى لإستخدام العنف واستعماله والإستمتاع به كمان
تحياتى على البوست القوى

 
At May 10, 2007, 8:28:00 PM, Blogger قنديل في قلبي said...

أنا في بلدي عاش الملك وضاع المملوك
واتحكم فيه كل واطي وخاين وصعلوك
حلفوا اليمين لكن سرقوا من شقايا صكوك
ولو قلت بم يا حلو.. ورا الشمس يسحلوك
آآآه يا قلبي

 
At May 11, 2007, 1:43:00 AM, Blogger Esmeralda said...

انا شفت الفيلم
حاجه تهوع فعلا

تصدق انا حاسه ان بوستي الاخير ليه علاقه بده

اكيد مريض اللى يعمل ده بس ديه برضه بلدنا

 
At May 11, 2007, 1:49:00 AM, Blogger Esmeralda said...

بالنسبه لموضوع العنف اعتقد ان ده حاجه مزروعه فينا

ان العنف و الضرب احسن وسيله للتقويم
زى ماالاب بيضرب ابنه عشان يربيه مثلا

 
At May 11, 2007, 8:26:00 AM, Blogger مبرمج حر said...

انسان مريض وفى الغالب لا يرجى شفائه
ويا سلام بقى على النوع المريض ده لما يعذب واحد من النوع الصامد اللى ممكن يقول زى غاندى
"
You can chain me, you can torture me, you can even destroy this body, but you will never imprison my mind.
"
تلاقيه بيركبه عفريت , لأن مش قادر يمارس شهوته ولذته فى التعذيب ..

يعنى التعذيب يا اما لذة بحتة أو مصلحة محضة وفى الغالب الاتنين

لذة للى بيعذب , ومصلحة لرؤسائه

 
At May 11, 2007, 9:11:00 PM, Blogger dyin_soul said...

سادية و تخلف و تفكير في منصب لا أكثر ولا أقل يعني مرتبة أقل من الحيوانات زي ما قلت
وفعلا احساس بكره غير طبيعي تجاه أي حد لابس بدلة الشرطة وأنا فعلا بحس بكدة
عموما احنا مبقناش عارفين نعمل ايه و مبقاش في حل و محدش بقي عارف يتصرف في البلد بس غصب عنهم أكيد ان شاء الله شمس الحق هتظهر و دولة الظلم منتهية واحنا صابرين و بردو هنحاول نخدم البلد دي بكل طريقة

 
At May 11, 2007, 10:13:00 PM, Blogger sokoothansawat said...

واحد جاري دخل الشرطة...بعد اول سنة لقيت الواد بقى مدهول قوي..وبعدين بيتكلم بطريقة غريبة..كان الحقيقة عنده افكار شديدة الأهمية...مثلا من اهم مبادئة ان كل البنات مشاريع رقاصات..وكل الرجالة يا خمورجية يا حشاشين...يا عم ازاي الكلام ده...يقولي صدقيني..مفيش حد محترم غير الي اعرفهم...وبقية الناس كلهم منحرفين...كلهم بيشربوا حشيش...وبعدين عنية لمعت كده و قالي..انا مش عايز اشرب سجاير...ولا بانجو...بس بصراحة انا نفسي اجرب الحشيش..اصلهم بيقولوا علية حلو قوي...تحياتي على البوست...وسلملي على الحصن والملاذ ...هأوووو

 
At May 12, 2007, 1:28:00 AM, Blogger Amr Ahmed said...

The Alien
طب انفجر بقي بعيد عن المدونة ياعم

ماحنا قولنا ده لو انسان

طؤاري فو ر ايفير

نورت يا مان
________________________________
مصر هى أمى
احنا طول عمرنا دولة بوليسية

ولا حتي ابن خالة امين شرطة
تقدر تبق معاه

ياعم هي خربت
________________________________
a7lam 3adya
طب والحل يعني

يعني كلهم مجانين ولا ايه

ماهو كده مينفعش
دي غلطتنا فعلا
______________________________
david santos
david,how r u
i know that
i hope i can help u
________________________________
شادي فايد
ياريت تيجي علي الضرب ياعم شادي

دي وسعت اوي
__________________________
micheal
اكيد في كل قطاع فيه الشريف والفاسد

بس النسبة اللي بتفرق
والنسبة كده كترت اوي
____________________________
fares
هاشوف ايه الموضوع
____________________________
reri
حاجز نفسي واجتماعي وكل حاجة

الناس مش عارفة تعمل ايه

_____________________________
عاشقة الوطن
يسامحهم هما
امال يعذبنا احنا بقي
لا ميسامحهومش طبعا

جهننننننننم حدف
_______________________________
sarah la tulipe rose
قصدك انتهي عصر امان المواطن
واصبح عصر امانه هو وابنه بس

هي دي مسئولية الداخلية
_____________________________
يا مراكبي
هنشوف
بس ياربت انت تقولي برضو

_________________________
koukawy
هويدا خدت ستة اشهر تقريبا

خلاص
_______________________
BaTresYa
احنا حقنا اتسلب مننا
في كل حاجة

عاوزين قوة علشان نرجعه
___________________________
صاحب البوابــة
ده ميبكيش
ده يصيب بالاحباط
والنقمة
شكرا علي مجاملتك الرقيقة
____________________________
hOby
وهو فين البني ادم
وهو مبيعتبرش ان اللي قدامه بني ادم
لا ماهو القفا اتلغي خلاص
دلوقتي فيه عصاية مقشة
___________________________
أنا حر
الظلم انتشر من جميع النواحي
وهما فعلا بيحسوا انهم بيادو واجبهم
نورتني
___________________________
ياسمين
العنف مسيطر علي المجتمع
بشكل فظيع

شكرا علي مجاملتك
____________________________
قنديل في قلبي
صحيح
اااااااااااه يا قلبي
نورتني
____________________________
Esmeralda
اه البوست بتاع عمرو
اكيد بلدنا
هو فعلا العنف في المجتمع
كتير جدا
ربنا يستر بقي
____________________________
مبرمج حر
لا غاندي مين بقي
يابوحميد
اصل دول ممكن مش يعذبوه هو
دول ابسط حاجة ممكن يعتدوا علي اختخ او مراته قدامه
ودي حاجة مستحيل حد يستحملها
___________________________
dyin_soul
اه الشمس
احسن الفجر طول اوي
اطول فجر في التاريخ
نورتيني
____________________________
sokoothansawat
اذا كان طلبة شرطة اصلا بيحششوا

وكل واحد فيهم عاوز يحس بنفسه

بس برضو مش كلهم
فيه قلة كويسة
بس احنا عاوزين الكثرة هي اللي كويسة

نورتيني

 
At May 12, 2007, 7:06:00 AM, Blogger رينـــــــــــا said...

انا بقيت اكره اى حد له صله بالحكومه
الظباط
امناء الشرطه
امن دوله
عساكر
كل حد واى حد من ريحتهم

 
At May 12, 2007, 8:09:00 AM, Blogger عبقرينو said...

السلام عليكم
أنا أول مرة أزور البلوج بتاعك...أسم حلو قوى أريدك أنثى...معبر وموحى جدا
نرجع للبوست أحسن شكلى ههيييس:)
بص ياسيدى الفاضل اللى بيحصل ده هذا نتاج أنفسنا نحن الذى نسعى لإدخال أخواتنا وأولادنا هذه الأماكن الموبوءة ضمانا لمستقبلهم ونحن الذى نرضى بهم أزواجا لبناتنا وأخواتنا ونحن الذين نجاورهم فى السكن ولا نستطيع أن نقول لهم كفوا عما تفعلونه...نحن الذين نذهب لهم لإستخراج رخصة سيارة بالرشوة كأبسط مثال
نحن الذين أعطيناهم الفرصة لفعل كل هذا..بجد أنا زهقت من الأمثال المصرية الغبية كاللى ليه ضهر مايضربش على بطنه
ده غلط اللى عارف حقوقه وواجباته عمره مايضرب على قفاه خالص ولكن نحتاج الكثير من التضحيات لبلوغ هذا المستوى
فى الأول ستكون صعبة ولكن ستؤتى ثمارها, تعالوا نشارك مع بعضنا البعض للمشاركة فى حملة لتوعية الناس بحقوقهم , تعالوا كمان كل واحد فينا يحمل كاميرته الخاصة ويقوم بتصوير الظباط وأمناء الشرطة وهم يتلقون الرشاوى فى كل المصالح الحكومية, تعالوا لعمل إيجابى , أعجتنى حملة الفضيحة هى الحل وكمان شايفنكم
تعالوا لنسجل كل هذا كنوع من محاولة التغيير
تحياتى

 
At May 12, 2007, 11:51:00 AM, Blogger مركب ورق فى البحر said...

لا حول ولا قوة الا بالله

 
At May 12, 2007, 4:26:00 PM, Blogger Sampateek said...

اصعب شئ الخوف
ممكن يموت لوحده


ربنا يستر


تحياتي

 
At May 12, 2007, 7:43:00 PM, Blogger توتة توتة said...

قابلت في الكورس واحد ضابط شرطة كان يبدو طيب بس للاسف مقدرتش اقبله ابدا حسيت بحاجز بيني و بينه

 
At May 12, 2007, 8:06:00 PM, Blogger sherehan84 said...

أظن ان الجزء الشرير ده موجود فينا كلنا .. كلنا لو طفل صغير غاظنا وقعد يدايقنا أو مثلا عيط كتير واحنا كنا زهقانين مثلا أكيد هنفكر نضربه شويه مننا هيضربوه فعلا وشويه هيسيطروا على نفسهم .. يعني الشر والقسوه والالحاجات الشريره دي موجوده جوانا كلنا بس في ناس بتقدر تسيطر عليها وناس لأ
أنا مش ببررلهم موقفهم بس هي محاوله للفهم .. يمكن

 
At May 13, 2007, 12:13:00 PM, Blogger يا مراكبي said...

مش هاينفع أقولك هنا .. لما نتقابل في مصر بقى إن شاء الله .. خلينا ماشيين جنب الحيط

:-D

 
At May 13, 2007, 9:22:00 PM, Blogger شادي فايد said...

أنا مررتلك تاج
:)

 
At May 14, 2007, 2:33:00 PM, Blogger أخف دم said...

ايه يا جدعان .. انتوا كلكم أخدتم حبوب الشجاعة وللا ايه؟؟؟
ارجع لعقلك يا عمرو .. البلد زى الفل يا جدعان ومفيش حاجة غلط ..
وكالعادة .ز نداء إلى الأخ اللى بيراقب المدونة دى .. أنا أرفض تعديلات عمرو احمد الستورية .. والواد ده غلبان يا جدعان .. بس أكيد جماعة ما هيه اللى جندته عشان فى قسم غنجليزى والقسم ده بيدرس لغة الفرنجة اللى مش عايزين الخير لينا .. وعشان خطرى بلاش عصيان ..
هتوحشنا يا عمرو
على فكرة فعلا .. اللى بيحصل شيء رهيب والله .. وربنا يهد المفترى

 
At May 14, 2007, 3:17:00 PM, Blogger e7na said...

أكيد الحيط اتخنقت من العدد اللى ماشى جنبها

 
At May 14, 2007, 9:33:00 PM, Anonymous Anonymous said...

اديك قلتها ضمنيا وسط كلامك
دول مرضى نفسيين
تلاقيهم كانوا معقدين فى طفولتهم وجت الفرصه انهم ينفسنوا على خلق الله اللى حواليهم
واللى متأكدين انهم مش هايقدروا يردولهم القلم بعشره
هانقول ايه بس
حسبي الله ونعم الوكيل
لينا رب اسمه الكريم

 
At May 15, 2007, 12:51:00 AM, Blogger Amr Ahmed said...

رينـــــــــــا

مش انتي لوحدك
كلنا بقينا كده

نورتيني
_________________________________
عبقرينو
وعليكم السلام ورحمة الله

متشكر علي مجاملتك
وسعيد بزيارتك الاولي
والله كلامك حلو
رايك ينفع بوست لوحده
سعيد بوجهة نظرك
تحياتي
_________________________________
مركب ورق فى البحر

صحيح والله
صدقت
نورتني
_____________________________
Sampateek
لازم نواجه بقي
مش هنفضل خايفين طول عمرنا

نورتيني يا كلبوزة هانم
_____________________________
توتة توتة
هي دي المشكلة
مبقيناش قادرين نتقبلهم

ازمة فعلا
نورتيني
_______________________________
sherehan84
جزء شرير
مش كل شرير
دول وصلو لمرحلة فظيعة
نورتيني
_____________________________
يا مراكبي
ماشي يا سيدي

اما ترجع بالسلامة
______________________________
شادي فايد
هنبحث الموضع
يا باشا
_____________________________
أخف دم
مين
قائد التنظيم
والجناح العسكري
عندنا
يا اهلا يا اهلا
_منور يا زعيم
ابقي طمنني عليك
___________________________
e7na
لا دلوقتي
المشي جوه الحيط

نورتوني
_____________________
وينكى
عندك حق يا وينكي

بس المشكلة وبعدين
الناس هتتمرمط لغاية امتي

نورتيني

 
At May 2, 2009, 4:44:00 AM, Anonymous Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

 
At Nov 15, 2013, 11:51:00 AM, Anonymous Anonymous said...

This is such a nice addition thanks!!!
عرب كول
شات صوتي شات
شات مغربي
دردشه صوتيه
شات صوتي
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه
مدونة بعثرة اقلام
بعثرة اقلام

 

Post a Comment

<< Home