مسلسل الموسم
بتصفح موقع العربية الاخباري في انتظار اخبارها المستفزة عن مصر كعادتها يوميا ومن الواضح ان سياسة الموقع تحتم وجود عن مصر يوميا ,والتي يا حبذا لو تحتوي علي عناوين مثيرة او حتي تافهه والمهم تواجد خبر عن مصر
المهم بغض النظر عن موضوع العربية-ان شاء الله بوست لوحده-فؤجت بخبر سيسعد بتاع حوالي 70 مليون مصري
ابشروا يا مواطني هذا الوطن,
المؤلف وليد يوسف-علي لسان الموقع-يفكر في كتابة مسلسل عن الرئيس حسني مبارك اطال الله عمره,بغض النظر عن كون صحة الخبر من عدمها
الفكرة نفسها تستحق التفكير ,ياتري ماذا سيحتوي مسلسل مثل هذا -غير طبعا الطلعة الجوية وكفر مصيلحة-وخاصة اذا تم انتاجه في حياة الرئيس.
هل سيتناول المؤلف ضحايا العبارات والقطارات والعمارات والهجرات وقصور الثقافة
هل سيتناول ازمة رغيف العيش
هل سيتناول تعامل امن دولة الرئيس مع المواطنين وسحلهم وتعذيبهم
اكيد سيتناول الاستفتاءات الرئاسية التي تنتهي دوما بنسبة 99.9%
والتي سميت اخيرا-كده وكده-بالانتخابات الرئاسية
والتي فاز بها كالعادة الرئيس
ارغب في معرفة كيفية سرد 25 سنة هي مدة حكم الرئيس بالاضافة اللي ما سبقها من سنين قيادته للقوات الجوية وكونه نائبا للرئيس السادات
السؤال الاهم
ماذا سكون رد فعل الشعب تجاه المسلسل؟
هل سيعرض في رمضان وينافس مسلسلات يسرا والهام شاهين؟
كنت اتمني ان يكون فيلما سينمائيا حتي اشاهد منظر دور العرض اثناء عرض الفيلم,والايرادات الخيالية التي سيحققها
في انتظار المسلسل
posted by Amr Ahmed @ 7:55 PM
48 comments
48 Comments:
السلام عليكم
ازيك ياعمرو
انا اولتعليف
كويس من حظى
بس يسيدى
هو طبعا مينفعش يعملوا المسلسل اصلا على السيد الرئيس
هتقلى ليه ؟؟
هأقولك عشان زى ماانت قولت كده تقريبا العيوب أكتر من المميزات يعنى لو حبوا يدوروا على المزايا بتاعته يدوبك هيقفلوا بيها حلقتين وبالعاية كمان
وممكن يطلوا فى المشاهد على اساس انها تاخد وقت أكتربقي وكده
وطبعا مش هيلاقوا حاجة يعملوها غير ان المسلسل هيبدأ النهاردة الحلقة الاولى
وهيخلص بكرة الحلقة الاخيرة ان شاء الله
يبقي ميزانية وكلام فاضي وملهوش لازمة
معلش يابنى حرقة الدم اللى احنا فيها مش شوية ابدااا
وبلاش تشوف الاخبار ديه كتير عشان دمك ميتحرقش انت لسه صغير
ربنا يقوينا ويصبرنا ياااااااااارب
سلااااااااام
هاقولك
دة هيبقي مسلسل طويل جدا نظرا لانجازات السيد الرئيس التي لا تحصي ونسبه المشاهدة هتبقي عاليه جداطبعا هنطلع احنا الشعب المفتري وهو عمرة راح في خدمه الشعب حاجه تجنن ناقصين مسلسل كمان
المهم عندي في الموضوع ده .. مين الممثل اللي هيتقمص دور سيادتة؟
معتقدش انه هيتعمل مسلسل هو هيتعمل فيلم 24 ساعه ونتفرج عليه مره في السنه يوم سته اكتوبر....زي الطريق الي ايلات كده
معتقدش هيتعمل مسلسل هو هيتعمل فيلم بس مطول شويه يعني 24 ساعه ومش هيتعرض في السنيما ده هينزل علي طول في قنوات التلفزيون المصري وهيبقي يتعرض علينا مره في السنه كده زي ما بيعرضوا فيلم الطريق الي ايلات يوم سته اكتوبر....بس تفتكروا الفيلم ده المفروض يتعرض يوم كام باظبطت؟؟؟؟
بامانه يا عمرو انا واحد انت مش تعرفه لكن بصراحه طريقه فى الكلام فظيعه معاك حق ربنا معاك يا وحش
http://sotmser22.blogspot.com/
السلام عليكم ورحمة الله وبركاته
ههههههههههه
للاسف احمد زكي مات ، ياتري هايجيبوا مين يعمل دور الرئيس
ده هيبقى مسلسل جامد قوي
بس اظن هيبقى فيه مناظر خارجه كتييييييييييييير قوي
ممكن يعملوه عباره عن مشهد واحد
مشهد اغتصاب الشعب كله
سلاااااااااااااااااااااام
لالالالا يا عمرو
الافتكاسة بتاعت العربية اللى عندى افكس
على الأقل بتضحك وتلطف الجو وحركات
مش خبر زى دة يجيب جلطة لـ70مليون انسان حى يرزق؟؟
بقا يا رااجل نروح هناك نضحك ونفرفش عليهم
نلاقى مسلسل و ترفشخانات من دى؟؟
تؤتؤتؤتؤتؤتؤ
كدة حأقاطعه
مسلسل عنه
هههههههه
أصلا إحنا ماعندناش موضوعيه في الأعمال اللي بنقدمها عن الشخصيات بتاعتنا
دول طلعوا أم كلثوم قديسه وعبد الحليم نبي
وجمال والسادات آلهه
مع إنهم كلهم ماتوا
فما بالك بمبارك .. اللي مبارك مصر كلها
هي مش برده مصر مبارك
وبعدين السادات وعبد الناصر رغم عيوبهم بس سابوا حاجات كويسه الناس ممكن تفتكرهم بيها
لكن مبارك الناس هتفتكرله إيه حلو
توشكي اللي وهموا الناس إنها إنجاز ولا حرب 73 وفي الآخر طلعت أكبر مقلب
الكباري اللي بيروح يفتحها تقولش بيفتح قناة السويس
مش لاقيه غير سواد وفقر وقرف قدمه لشعبه
سلامااااااااات
السلام عليكم
ازيك يا عمرو؟
انت بقالك كتير قوي مبتنزلش بوستات
ومستنياك
اول حاجة
انت جبت الصورة دي منين
انا و انا بقرا البوست فطسانة علي نفسي من الضحك من الصورة
ههههههههههههههههههههه
-----------------------------
بالنسبة بقي للمسلسل
علي رايك هيحطوا فيه ايه تاني؟؟
غير الطلعة الجوية اللي جابت اجل البلد
و كفر مصيلحة
و توشكي الحزين
مش عارفة
حاجة محيرة فعلا
----------
تحياتي و متغيبش تاني لو سمحت
ههههههههه
يا عزيزى المسلسل ده لو اتعمل هيبقى فضيحة
لو اتعمل بذمة وضمير وده طبعا من رابع المستحيلات هيبقى كارثة
ولو اتعمل من غير ذمة وضمييير هيبقى القرع باين اوووووووووووى بشكل يقرف
والناس هتتفرج علشان تتف عالتلفزيون بس
يا عم اسكت
انا عندى الضغط
مش ناقص
:D
أهو حايبقي فيلم كده زي طياخ الرئيس
========================
ربنا يسعدك
ازاى أصلا حد يجيله الفكرة الغريبة دى انه مسلسل عن مبارك .. الناس اتجننت و لا إيه ... و أكيد هيبقى مسلسل ممل جدا لإن انت هتتفرج و انت عارف و متأكد إن اغلب الحاجات اللى موجودة مش حقيقة و استحالة هتتعاطف مع البطل و استحالة تحبه .. ده غير طبعا إن أكتر من 90% من حقيقة العصر مش هتتكتب
فكرتنى بجملة يوسف شاهين قالها " أنا ما علمتش فيلم عن عبد الناصر علشان ماعرفتش اجيب منين واحد عنده الكاريزما دى كلها، و ما عملتش عن السادات علشان ما باحبوش، وماعملتش عن مبارك علشان عمرى ما هالاقى حد ماعندوش كاريزما خالص كده " :)
تحياتى
انا من رايي يستنوا شوية لما سيادته ينتقل للرفيق الاعلى علشان المسلسل يتضمن مشهد تشييع سيادته و يبقى مسلسل واكعي
و اهو كل اللي في نفسه حاجة يكتبها و من غير كسوف
و يبقى اتشال من على قلبنا
برقع الحيا يعني متفهمونيش غلط
تحياتي
طب مين هيبقى البطل؟
أحمد زكي الله يرحمه مات..هو الخبر أكيد مش هيتحقق
دا هيبقي مسلسل اسمه فبركه في فبركه
دا الاكيد
الله
هستنى المسلسل دة بفارغ الصبر
أصلى بحب المسلسلات الكوميدية
:)
ده مين ابن المحظوظة اللي هيعمل دور حسني مبارك دة
هههههههههههههههههه
احمد زكي مات خلاص ؟؟
وبعدين الممثل اللي هايعمل الدور دة لازم يمشي بحرس بعد كدا لان الناس مش هاتسيبة في حالة
لو عرفت مين اللي هايعمل الدور العظيم دة ابقا قولنا
طيب ياترى المسلسل هيتعرض على انهى قناة علشان استناه
لما يتعمل ابقوا عرفونى يا جماعه
اصلى مش متابعه اوى للمسلسلات
Hi amr
A beautiful place here!
Excellent post! You are Master.
Thank you.
have a good day
المسلسل كله هيبقى طلعه جويه
لو في حياته هيبقي طبعا تمجيد له
ومش ممكن يكون حاجه تانيه غير كده
حد يقدر يقول للغول في وشه عينك حمرا؟؟؟
اخواننا فى غزه محاصرون ومعذبون لايجدون طعام ولا ماء ومشردون ويجب علينا ان نفعل لشىء لنصرتهم لذلك قرر مجموعه من المدونين الذهاب الى معبر رفح لكىيرفعوا المعاناه عن الشعب هناك لو تقدر تشارك او اى حد يحب المجيىء معك
يا ريت تبلغنى
انت بتتكلم عن المستحيل
انت يا واد خلص امتحاناتك بسرعه بقي ويالا عشان نعمل خروجة بقي
انا زهقت
اكيد هيبقي مسلسل جامد
مش هتشوف المسلسل ده غير بعد ما يتاخد موافقة الرئيس نفسه على المسلسل و تجيل ساعتها المسلسل هيكون ازاى
اكيد كوميدى
بس مين هيمثله بقى؟
هههههههههههههههههه
انا متخيلاها فعلا هتبئا فكرة مسخرة
بس مش حسة انه هيكسب لو اتعمل
ما الناس عارفة كل حاجة
دا لو كان المسلسل صادق اصلا
وبعدين هيا فى الاول والاخر غلطتك
ايه اللى يخليك تقرا اخبار
صباحك قشطة
لا لا ملكش حق يا عمرو
انت حتخبط ولا ايه
سيادة الرئيس عمل حاجات كتير اوى فى البلد
كفاية انه الوحيد اللى بنا 90 كوبرى تقريبا فى القاهرة
دا انجاز اكتر من انجازالملك مينا نفسة بتاع القطريين
يا دين النبى يا جدعان الناس دى عايزة تتحاكم بتهمة النفاق العلنى و تكون المحاكمة عادلة و يتعدموا على الخازوق
هو انت مش محتاج اصلا كل الاسئلة دى
لان الاجابة واضحة
حتى لو اتعمل المسلسل بعد مبارك
الاحفاد هيتولوا مسئولية انه يكون مسلسل على الطراز المرغوب فيه
فاهم حاجة؟
الناس هتشوفه بدافع الفضول والحسبنة
وبعضهم هيشوفوا بدافع الرغبة في التعرض للإيهام وتصديق إنه كويس وإن اللي حواليه هايلين
مع إنهم بيقولوا إذا صلح الحاكم
صلحت الرعية
ومفيش أفسد من الرعية والحاكم
سوا سوا ..إلا من رحم ربي
حاسس بغضبك وربنا يسهل وييجي المسلسل وأحوالنا أحسن من كده ..عشان أنا واثق إنه هيكون مستفز وساعتها أنا ممكن اتهور
بس رأيي المنطقي غير إن خسارة فيه حلقتين حوار مباشر زي بتوع عمرو أديب
فهو كموضوع مينفعش للمسلسلات مينفعش خالص
سلام
ليه؟؟؟
همه ممكن يزوروا الايرادات كمان؟؟؟؟؟؟؟
مش للدرجادي
فعلا النفاق انتشر أوى
طبعا هيطلعوه بطل
والشعب راضى بحكمه جدا
عمرو باشا ..... ، إيه معترض على إيه بالضبط ؟؟؟ إنتا شكلك ناسي إن الرئيس زي الأب بالضبط، واجحنا غالبًا محتاجين (نتفرج عليه) ، بـــس بجد لو الموضوع ده حقيقي ، هيبقى محتاج نكمسر له المللل على طريقة ميلودي
*************
سيبك من ده كللله ، المهم إنتا كيفك ؟
اكيد المسلسل حيكون بيشيد بجهود السيد الرئيس في السيطرة عي الشعب الجاهد المتعب..وانجازات القرن من عينة..الكباري..والكباري..والمزيد من الكباري!
و التتر بقي حيكون "اخترناك"!
اما عن رد الفعل فممكن نتخيله كرد الفعل علي الانتخابات تماما!
enta feeeeeeeeeeeeeeeen
انا اول مره اسمع الخبر ده
اكيد طبعا هايجبلك قصه حياته
مش هايجيب عيوب
هاتبقي كلها انجازات
من اول حرب اكتوبر
لحد مالمنتخب فاز بكاس الامم الافريقيه
ومفيش مانع يقول انه هوا اللي بيدرب الفريق عشان كده
اخدوا الكاس
طيب مين هايبقي الممثل :)
ههههههههههه
والله وانا كمان كنت اتمنى انه يكون فيلم سينمائي
مع عبارة: ممنوع دخول البيض والطماطم
بس مين فى رأيك الممثل اللى هايقدر يعمل الدور؟
أحمد زكى الله يرحمه .. والله خسارهايه رأيك نستعين بالشيخ عطعوط يحضر روحه ويعمل الفيلم؟
والماكياج هايحل كل المشاكل
سادته الرئيس عمره ما طلع استفتاء بنسبة
99.9999%
ابدا النسبه بتتراوح ما بين
81
الى
85
بس ما عنى مستغرب ان لو سالنا الناس عن ربنا مش هتلاقى مؤمنيين بالنسبة ديه
وعجبى
انا مستنى المسلسل ده عشان عايز اشوفهم وهما بيصوروا حكايه عماد الكبير
وهيقولوا ايه عنها لان احنا بنعيش ازهى عصور الديموكتاتوريه
اقصد الديمقراطيه
ولا نفسى اشوف هتبقى فيه مظاهرات فى الشوارع ولا طوابير عشان العيش ولا هتبقى مصر اوربا فى المسلسل
اكيد هتبقى مصر الجديده
مجرد استفهام
مين أصلاً اللي هيستجري ويمثل الدور بتاعه؟
يعني هيمثل دور واحد ممثل .. هيبقى دور فيلين معروف إنه هيكون وصمة .. قصدي بصمة في تاريخ من سيقوم بالدور
ده غير إن المسلسل هيكون من إنتاج مين؟
هل مدينة الإنتاج الحربي؟
ولا الوزراء المتحدون يقدمون
وزارة الدخلية
ووزارة العدل
ووزارة المالية
؟؟؟؟؟؟؟؟؟؟؟؟؟؟
وأكيد طبعاً هيكون المسلسل ليه أجزاء تانية علشان الريس ميضمنش نفسه ممكن يحب يرشح نفسه أدام 9 مرشحين برضه وسبحان الله ياخدها باكتساح وإجماع معظم الأصوات إن مكانوش كلهم
ويبقى داخل في فترة سادسة ويبقى أجزاؤه أكتر من ليالي الحلمية
أكيد هيبقى إسمه ليالي المعمورة
أو ليالي المخروبة
مع أطيب تمنياتي بمشاهدة ممتعة لجميع الشعب
تحياتي
في انتظار المسلسل
بصراحة أناشايف العيب ما يكونش على الريس
وإنما العيب على الكاتب اللي عاوز ينافق الريس
=====================================
عموما الأمانة الأدبية تحتم علينا مانحكمش على العمل غير لما يتم ويتعرض ونشوفه عشان يكون نقدنا موضوعي
وإن كان عندنا تخمين بنسبة 100% عن محتواه ولكنه يظل تخمين مش شيئ أكيد
والله والله انا كمان الرئيس على بالي من كام يوم ونفسي اكتب عنه فيلم اسمه "نايم في العسل" او "تخاريف بعد السبعين " وهيبقى تحفة .. تخيلوا مشهد كده للسيد الرئيس وهو في فراشه الدافي ليلا بعد ما شرب اللبن .. وبيقلب في الدش (ما بيشوفش الجزيرة ابدا) .. سمع عمرو اديب وهو بيتكلم عن اللي بيحصل في غزة ... وبعدين .. سيبوني امخمخ بقى
صحيح يا عمرو
هايجيبوا انجازات منين ؟
الكام كوبري
على كام مصنع الملابس الداخلية ؟
بس ما تنساش كمان انجازاته في بطولة افريقيا 2006 وغانا 2008
وصعود الاهللي لليابات مرتين
يعني لو دورنا هنلاقي انجازات برضه
تحياتي
انا من رأئ يسمي المسلسل ....علشان كده احنا اخترنااااااااااك
يا سلام لو يخلوني امثل في المسلسل دة
والله ممكن اطلع رغبف عيش ولا طبق فول
اطلع اي حاجة
بس امثل مع الريس
ههههههههااااااي
والله فكرة جاااااااااااامدة كيك
محدش فكر في الموضوع دة من زمان لية صحيح
اكيد في حاجة
مش ممكن يعتقلوه ولا يعملوا فيه حاجة لو مطلعش الرئيس بشكل حلو في المسلسل؟
ولا انت اية رايك يا برنس
ehh. really like this thoughts
شركة المثالية لتنظيف المنازل
شركة تنظيف بالدمام
شركة تنظيف موكيت بالدمام
شركة تنظيف منازل بالدمام
شركة تنظيف فلل بالدمام
شركة تنظيف شقق بالدمام
شركة عزل اسطح بالدمام
Post a Comment
<< Home