Saturday, January 12, 2008

مسلسل الموسم


بتصفح موقع العربية الاخباري في انتظار اخبارها المستفزة عن مصر كعادتها يوميا ومن الواضح ان سياسة الموقع تحتم وجود عن مصر يوميا ,والتي يا حبذا لو تحتوي علي عناوين مثيرة او حتي تافهه والمهم تواجد خبر عن مصر


المهم بغض النظر عن موضوع العربية-ان شاء الله بوست لوحده-فؤجت بخبر سيسعد بتاع حوالي 70 مليون مصري


ابشروا يا مواطني هذا الوطن,

المؤلف وليد يوسف-علي لسان الموقع-يفكر في كتابة مسلسل عن الرئيس حسني مبارك اطال الله عمره,بغض النظر عن كون صحة الخبر من عدمها


الفكرة نفسها تستحق التفكير ,ياتري ماذا سيحتوي مسلسل مثل هذا -غير طبعا الطلعة الجوية وكفر مصيلحة-وخاصة اذا تم انتاجه في حياة الرئيس.


هل سيتناول المؤلف ضحايا العبارات والقطارات والعمارات والهجرات وقصور الثقافة


هل سيتناول ازمة رغيف العيش


هل سيتناول تعامل امن دولة الرئيس مع المواطنين وسحلهم وتعذيبهم


اكيد سيتناول الاستفتاءات الرئاسية التي تنتهي دوما بنسبة 99.9%

والتي سميت اخيرا-كده وكده-بالانتخابات الرئاسية

والتي فاز بها كالعادة الرئيس


ارغب في معرفة كيفية سرد 25 سنة هي مدة حكم الرئيس بالاضافة اللي ما سبقها من سنين قيادته للقوات الجوية وكونه نائبا للرئيس السادات


السؤال الاهم


ماذا سكون رد فعل الشعب تجاه المسلسل؟


هل سيعرض في رمضان وينافس مسلسلات يسرا والهام شاهين؟



كنت اتمني ان يكون فيلما سينمائيا حتي اشاهد منظر دور العرض اثناء عرض الفيلم,والايرادات الخيالية التي سيحققها





في انتظار المسلسل
  • 54 Comments:

    At Jan 13, 2008, 2:19:00 AM, Blogger عاشقة الوطن said...

    السلام عليكم

    ازيك ياعمرو
    انا اولتعليف

    كويس من حظى

    بس يسيدى
    هو طبعا مينفعش يعملوا المسلسل اصلا على السيد الرئيس
    هتقلى ليه ؟؟
    هأقولك عشان زى ماانت قولت كده تقريبا العيوب أكتر من المميزات يعنى لو حبوا يدوروا على المزايا بتاعته يدوبك هيقفلوا بيها حلقتين وبالعاية كمان
    وممكن يطلوا فى المشاهد على اساس انها تاخد وقت أكتربقي وكده
    وطبعا مش هيلاقوا حاجة يعملوها غير ان المسلسل هيبدأ النهاردة الحلقة الاولى
    وهيخلص بكرة الحلقة الاخيرة ان شاء الله
    يبقي ميزانية وكلام فاضي وملهوش لازمة

    معلش يابنى حرقة الدم اللى احنا فيها مش شوية ابدااا

    وبلاش تشوف الاخبار ديه كتير عشان دمك ميتحرقش انت لسه صغير

    ربنا يقوينا ويصبرنا ياااااااااارب

    سلااااااااام
    هاقولك

     
    At Jan 13, 2008, 3:45:00 PM, Blogger الساحرة الشريرة said...

    دة هيبقي مسلسل طويل جدا نظرا لانجازات السيد الرئيس التي لا تحصي ونسبه المشاهدة هتبقي عاليه جداطبعا هنطلع احنا الشعب المفتري وهو عمرة راح في خدمه الشعب حاجه تجنن ناقصين مسلسل كمان

     
    At Jan 13, 2008, 10:53:00 PM, Blogger يا مراكبي said...

    المهم عندي في الموضوع ده .. مين الممثل اللي هيتقمص دور سيادتة؟

     
    At Jan 14, 2008, 12:36:00 AM, Anonymous Anonymous said...

    معتقدش انه هيتعمل مسلسل هو هيتعمل فيلم 24 ساعه ونتفرج عليه مره في السنه يوم سته اكتوبر....زي الطريق الي ايلات كده

     
    At Jan 14, 2008, 12:41:00 AM, Anonymous Anonymous said...

    معتقدش هيتعمل مسلسل هو هيتعمل فيلم بس مطول شويه يعني 24 ساعه ومش هيتعرض في السنيما ده هينزل علي طول في قنوات التلفزيون المصري وهيبقي يتعرض علينا مره في السنه كده زي ما بيعرضوا فيلم الطريق الي ايلات يوم سته اكتوبر....بس تفتكروا الفيلم ده المفروض يتعرض يوم كام باظبطت؟؟؟؟

     
    At Jan 14, 2008, 2:04:00 AM, Blogger no say said...

    بامانه يا عمرو انا واحد انت مش تعرفه لكن بصراحه طريقه فى الكلام فظيعه معاك حق ربنا معاك يا وحش
    http://sotmser22.blogspot.com/

     
    At Jan 16, 2008, 12:03:00 PM, Blogger خمسة فضفضة said...

    السلام عليكم ورحمة الله وبركاته

    ههههههههههه

    للاسف احمد زكي مات ، ياتري هايجيبوا مين يعمل دور الرئيس

     
    At Jan 16, 2008, 2:47:00 PM, Blogger الشنكوتي الكبير said...

    ده هيبقى مسلسل جامد قوي
    بس اظن هيبقى فيه مناظر خارجه كتييييييييييييير قوي
    ممكن يعملوه عباره عن مشهد واحد
    مشهد اغتصاب الشعب كله


    سلاااااااااااااااااااااام

     
    At Jan 17, 2008, 2:26:00 PM, Blogger شـــــهــــروزة said...

    لالالالا يا عمرو

    الافتكاسة بتاعت العربية اللى عندى افكس

    على الأقل بتضحك وتلطف الجو وحركات

    مش خبر زى دة يجيب جلطة لـ70مليون انسان حى يرزق؟؟

    بقا يا رااجل نروح هناك نضحك ونفرفش عليهم
    نلاقى مسلسل و ترفشخانات من دى؟؟

    تؤتؤتؤتؤتؤتؤ

    كدة حأقاطعه

     
    At Jan 17, 2008, 4:37:00 PM, Blogger reri said...

    مسلسل عنه
    هههههههه
    أصلا إحنا ماعندناش موضوعيه في الأعمال اللي بنقدمها عن الشخصيات بتاعتنا
    دول طلعوا أم كلثوم قديسه وعبد الحليم نبي
    وجمال والسادات آلهه
    مع إنهم كلهم ماتوا
    فما بالك بمبارك .. اللي مبارك مصر كلها
    هي مش برده مصر مبارك
    وبعدين السادات وعبد الناصر رغم عيوبهم بس سابوا حاجات كويسه الناس ممكن تفتكرهم بيها
    لكن مبارك الناس هتفتكرله إيه حلو
    توشكي اللي وهموا الناس إنها إنجاز ولا حرب 73 وفي الآخر طلعت أكبر مقلب
    الكباري اللي بيروح يفتحها تقولش بيفتح قناة السويس
    مش لاقيه غير سواد وفقر وقرف قدمه لشعبه

    سلامااااااااات

     
    At Jan 18, 2008, 1:55:00 AM, Blogger MerMaid said...

    السلام عليكم

    ازيك يا عمرو؟
    انت بقالك كتير قوي مبتنزلش بوستات
    ومستنياك

    اول حاجة
    انت جبت الصورة دي منين
    انا و انا بقرا البوست فطسانة علي نفسي من الضحك من الصورة
    ههههههههههههههههههههه
    -----------------------------
    بالنسبة بقي للمسلسل
    علي رايك هيحطوا فيه ايه تاني؟؟
    غير الطلعة الجوية اللي جابت اجل البلد
    و كفر مصيلحة
    و توشكي الحزين

    مش عارفة

    حاجة محيرة فعلا

    ----------
    تحياتي و متغيبش تاني لو سمحت

     
    At Jan 19, 2008, 2:32:00 AM, Blogger zordeak said...

    ههههههههه

    يا عزيزى المسلسل ده لو اتعمل هيبقى فضيحة

    لو اتعمل بذمة وضمير وده طبعا من رابع المستحيلات هيبقى كارثة

    ولو اتعمل من غير ذمة وضمييير هيبقى القرع باين اوووووووووووى بشكل يقرف

    والناس هتتفرج علشان تتف عالتلفزيون بس


    يا عم اسكت
    انا عندى الضغط

    مش ناقص

    :D

     
    At Jan 19, 2008, 3:40:00 AM, Blogger MAKSOFA said...

    أهو حايبقي فيلم كده زي طياخ الرئيس
    ========================
    ربنا يسعدك

     
    At Jan 19, 2008, 3:29:00 PM, Blogger بيقولوا سايكو said...

    ازاى أصلا حد يجيله الفكرة الغريبة دى انه مسلسل عن مبارك .. الناس اتجننت و لا إيه ... و أكيد هيبقى مسلسل ممل جدا لإن انت هتتفرج و انت عارف و متأكد إن اغلب الحاجات اللى موجودة مش حقيقة و استحالة هتتعاطف مع البطل و استحالة تحبه .. ده غير طبعا إن أكتر من 90% من حقيقة العصر مش هتتكتب

    فكرتنى بجملة يوسف شاهين قالها " أنا ما علمتش فيلم عن عبد الناصر علشان ماعرفتش اجيب منين واحد عنده الكاريزما دى كلها، و ما عملتش عن السادات علشان ما باحبوش، وماعملتش عن مبارك علشان عمرى ما هالاقى حد ماعندوش كاريزما خالص كده " :)

    تحياتى

     
    At Jan 19, 2008, 5:54:00 PM, Blogger Sampateek said...

    انا من رايي يستنوا شوية لما سيادته ينتقل للرفيق الاعلى علشان المسلسل يتضمن مشهد تشييع سيادته و يبقى مسلسل واكعي

    و اهو كل اللي في نفسه حاجة يكتبها و من غير كسوف
    و يبقى اتشال من على قلبنا
    برقع الحيا يعني متفهمونيش غلط


    تحياتي

     
    At Jan 19, 2008, 7:36:00 PM, Blogger Abdou Basha said...

    طب مين هيبقى البطل؟
    أحمد زكي الله يرحمه مات..هو الخبر أكيد مش هيتحقق

     
    At Jan 19, 2008, 11:22:00 PM, Blogger coca said...

    دا هيبقي مسلسل اسمه فبركه في فبركه


    دا الاكيد

     
    At Jan 20, 2008, 6:54:00 AM, Blogger الأباصيرى said...

    الله

    هستنى المسلسل دة بفارغ الصبر

    أصلى بحب المسلسلات الكوميدية
    :)

     
    At Jan 20, 2008, 12:35:00 PM, Blogger Memo said...

    ده مين ابن المحظوظة اللي هيعمل دور حسني مبارك دة
    هههههههههههههههههه
    احمد زكي مات خلاص ؟؟

    وبعدين الممثل اللي هايعمل الدور دة لازم يمشي بحرس بعد كدا لان الناس مش هاتسيبة في حالة
    لو عرفت مين اللي هايعمل الدور العظيم دة ابقا قولنا

     
    At Jan 20, 2008, 8:20:00 PM, Blogger Desert cat said...

    طيب ياترى المسلسل هيتعرض على انهى قناة علشان استناه
    لما يتعمل ابقوا عرفونى يا جماعه
    اصلى مش متابعه اوى للمسلسلات

     
    At Jan 21, 2008, 12:36:00 AM, Blogger david santos said...

    Hi amr
    A beautiful place here!
    Excellent post! You are Master.
    Thank you.
    have a good day

     
    At Jan 21, 2008, 1:46:00 AM, Blogger 3ala asm masr said...

    المسلسل كله هيبقى طلعه جويه

     
    At Jan 22, 2008, 2:10:00 AM, Blogger esraa said...

    لو في حياته هيبقي طبعا تمجيد له

    ومش ممكن يكون حاجه تانيه غير كده

    حد يقدر يقول للغول في وشه عينك حمرا؟؟؟

     
    At Jan 22, 2008, 12:55:00 PM, Blogger walaa said...

    اخواننا فى غزه محاصرون ومعذبون لايجدون طعام ولا ماء ومشردون ويجب علينا ان نفعل لشىء لنصرتهم لذلك قرر مجموعه من المدونين الذهاب الى معبر رفح لكىيرفعوا المعاناه عن الشعب هناك لو تقدر تشارك او اى حد يحب المجيىء معك
    يا ريت تبلغنى

     
    At Jan 23, 2008, 4:29:00 PM, Blogger smraa alnil said...

    انت بتتكلم عن المستحيل


    انت يا واد خلص امتحاناتك بسرعه بقي ويالا عشان نعمل خروجة بقي
    انا زهقت

     
    At Jan 24, 2008, 8:41:00 PM, Blogger Dalia said...

    اكيد هيبقي مسلسل جامد

     
    At Jan 25, 2008, 2:28:00 AM, Blogger محمد ياسر said...

    مش هتشوف المسلسل ده غير بعد ما يتاخد موافقة الرئيس نفسه على المسلسل و تجيل ساعتها المسلسل هيكون ازاى
    اكيد كوميدى
    بس مين هيمثله بقى؟

     
    At Jan 25, 2008, 1:08:00 PM, Blogger Nsreen Bsunee said...

    يا عموره حمدالله ع السلامه الاول بقالك كتير منزلتش بوست جديد

    ثانيا السيناريو بتاع المسلسل معروف ومفقوس اوى
    محمد الطفل الفلاح المجاهد اللى بيحب البلد وهو ابوه وعيلته افشين ع الملك وبعد كده كفاحه عشان يدخل الجويه وميوله الوطنيه وحبه لجمال والسادات وتعيينه نائب عشان ذكاءه الحاد ووطنيته الرهيبه وضربته الجويه وقصه حبه مع سوزى وكفاحهم سوا سوا من اجل الوطن واسترداد اخر قطعه من ارض سيناء اللى هى طابا وقوميته وارساله لقوات مصريه عشان تحرر الكويت وعلاقاته الجيده مع كل دول العالم وخفه دمه وطيبه قلبه ومكافحته للجماعات الاسلاميه اللى كانت شاده نفسها فى اوائل التسعينات وتضحيته وسهره الليالى من اجل راحه المواطنين وتوشكى ونيجى بقى للمهم تربيته لجمال تربيه صالحه جمال خيره شباب الوطن وكفاح جمال للوصول لرئاسه لجنه السياسات وكيف ان بابا لم يساعده او يتدخل ابدا فى الموضوع لكن وصل بنشاطه ومجهوده الخاص وازاى جمال هو اكتر واحد بيحب الناس وبيحب الشوارع والبيوت وقلبه مساكن شعبيه وفاهم فى السياسه الداخليه والدوليه وازاى الناس بتحب بابا مبارك وماما سوزان وجمال وخديجه ومصر فى تقدم دايما معاهم وينزل التتر

    انت كنت متوقع سيناريو غير كده

     
    At Jan 26, 2008, 1:16:00 PM, Blogger break said...

    هههههههههههههههههه
    انا متخيلاها فعلا هتبئا فكرة مسخرة

    بس مش حسة انه هيكسب لو اتعمل
    ما الناس عارفة كل حاجة
    دا لو كان المسلسل صادق اصلا

    وبعدين هيا فى الاول والاخر غلطتك
    ايه اللى يخليك تقرا اخبار

     
    At Jan 27, 2008, 11:24:00 AM, Blogger ahmEd_H said...

    صباحك قشطة
    لا لا ملكش حق يا عمرو
    انت حتخبط ولا ايه
    سيادة الرئيس عمل حاجات كتير اوى فى البلد
    كفاية انه الوحيد اللى بنا 90 كوبرى تقريبا فى القاهرة
    دا انجاز اكتر من انجازالملك مينا نفسة بتاع القطريين
    يا دين النبى يا جدعان الناس دى عايزة تتحاكم بتهمة النفاق العلنى و تكون المحاكمة عادلة و يتعدموا على الخازوق

     
    At Jan 29, 2008, 12:14:00 PM, Blogger 3abratalsabeel said...

    هو انت مش محتاج اصلا كل الاسئلة دى
    لان الاجابة واضحة
    حتى لو اتعمل المسلسل بعد مبارك
    الاحفاد هيتولوا مسئولية انه يكون مسلسل على الطراز المرغوب فيه
    فاهم حاجة؟

     
    At Feb 2, 2008, 12:50:00 AM, Blogger Diyaa' said...

    الناس هتشوفه بدافع الفضول والحسبنة
    وبعضهم هيشوفوا بدافع الرغبة في التعرض للإيهام وتصديق إنه كويس وإن اللي حواليه هايلين
    مع إنهم بيقولوا إذا صلح الحاكم
    صلحت الرعية
    ومفيش أفسد من الرعية والحاكم
    سوا سوا ..إلا من رحم ربي
    حاسس بغضبك وربنا يسهل وييجي المسلسل وأحوالنا أحسن من كده ..عشان أنا واثق إنه هيكون مستفز وساعتها أنا ممكن اتهور
    بس رأيي المنطقي غير إن خسارة فيه حلقتين حوار مباشر زي بتوع عمرو أديب
    فهو كموضوع مينفعش للمسلسلات مينفعش خالص

    سلام

     
    At Feb 7, 2008, 8:19:00 PM, Blogger barb michelen said...

    Hello I just entered before I have to leave to the airport, it's been very nice to meet you, if you want here is the site I told you about where I type some stuff and make good money (I work from home): here it is

     
    At Feb 8, 2008, 9:24:00 PM, Blogger أنا إنسان said...

    ليه؟؟؟
    همه ممكن يزوروا الايرادات كمان؟؟؟؟؟؟؟
    مش للدرجادي

     
    At Feb 15, 2008, 6:24:00 PM, Blogger ا بـن عــمــر said...

    فعلا النفاق انتشر أوى
    طبعا هيطلعوه بطل
    والشعب راضى بحكمه جدا

     
    At Feb 16, 2008, 10:54:00 AM, Blogger إبـراهيم ... معـايــا said...

    عمرو باشا ..... ، إيه معترض على إيه بالضبط ؟؟؟ إنتا شكلك ناسي إن الرئيس زي الأب بالضبط، واجحنا غالبًا محتاجين (نتفرج عليه) ، بـــس بجد لو الموضوع ده حقيقي ، هيبقى محتاج نكمسر له المللل على طريقة ميلودي
    *************
    سيبك من ده كللله ، المهم إنتا كيفك ؟

     
    At Feb 19, 2008, 4:33:00 AM, Blogger sarah la tulipe rose said...

    اكيد المسلسل حيكون بيشيد بجهود السيد الرئيس في السيطرة عي الشعب الجاهد المتعب..وانجازات القرن من عينة..الكباري..والكباري..والمزيد من الكباري!
    و التتر بقي حيكون "اخترناك"!
    اما عن رد الفعل فممكن نتخيله كرد الفعل علي الانتخابات تماما!

     
    At Feb 19, 2008, 7:39:00 PM, Blogger micheal said...

    enta feeeeeeeeeeeeeeeen

     
    At Feb 21, 2008, 4:32:00 AM, Blogger may said...

    انا اول مره اسمع الخبر ده
    اكيد طبعا هايجبلك قصه حياته
    مش هايجيب عيوب
    هاتبقي كلها انجازات
    من اول حرب اكتوبر
    لحد مالمنتخب فاز بكاس الامم الافريقيه
    ومفيش مانع يقول انه هوا اللي بيدرب الفريق عشان كده
    اخدوا الكاس
    طيب مين هايبقي الممثل :)

     
    At Mar 3, 2008, 6:02:00 PM, Blogger وينكى said...

    ههههههههههه
    والله وانا كمان كنت اتمنى انه يكون فيلم سينمائي
    مع عبارة: ممنوع دخول البيض والطماطم
    بس مين فى رأيك الممثل اللى هايقدر يعمل الدور؟
    أحمد زكى الله يرحمه .. والله خسارهايه رأيك نستعين بالشيخ عطعوط يحضر روحه ويعمل الفيلم؟
    والماكياج هايحل كل المشاكل

     
    At Mar 4, 2008, 4:09:00 AM, Blogger حدوتة مصرية--ياسر شمس الدين said...

    سادته الرئيس عمره ما طلع استفتاء بنسبة
    99.9999%
    ابدا النسبه بتتراوح ما بين
    81
    الى
    85
    بس ما عنى مستغرب ان لو سالنا الناس عن ربنا مش هتلاقى مؤمنيين بالنسبة ديه
    وعجبى
    انا مستنى المسلسل ده عشان عايز اشوفهم وهما بيصوروا حكايه عماد الكبير
    وهيقولوا ايه عنها لان احنا بنعيش ازهى عصور الديموكتاتوريه
    اقصد الديمقراطيه
    ولا نفسى اشوف هتبقى فيه مظاهرات فى الشوارع ولا طوابير عشان العيش ولا هتبقى مصر اوربا فى المسلسل
    اكيد هتبقى مصر الجديده

     
    At Mar 6, 2008, 12:36:00 AM, Blogger الأستاذ said...

    مجرد استفهام
    مين أصلاً اللي هيستجري ويمثل الدور بتاعه؟
    يعني هيمثل دور واحد ممثل .. هيبقى دور فيلين معروف إنه هيكون وصمة .. قصدي بصمة في تاريخ من سيقوم بالدور

    ده غير إن المسلسل هيكون من إنتاج مين؟
    هل مدينة الإنتاج الحربي؟
    ولا الوزراء المتحدون يقدمون
    وزارة الدخلية
    ووزارة العدل
    ووزارة المالية
    ؟؟؟؟؟؟؟؟؟؟؟؟؟؟

    وأكيد طبعاً هيكون المسلسل ليه أجزاء تانية علشان الريس ميضمنش نفسه ممكن يحب يرشح نفسه أدام 9 مرشحين برضه وسبحان الله ياخدها باكتساح وإجماع معظم الأصوات إن مكانوش كلهم
    ويبقى داخل في فترة سادسة ويبقى أجزاؤه أكتر من ليالي الحلمية
    أكيد هيبقى إسمه ليالي المعمورة
    أو ليالي المخروبة
    مع أطيب تمنياتي بمشاهدة ممتعة لجميع الشعب
    تحياتي

     
    At Mar 7, 2008, 12:11:00 PM, Blogger mohamed hesham said...

    في انتظار المسلسل

     
    At Mar 9, 2008, 2:43:00 AM, Blogger The Rock said...

    بصراحة أناشايف العيب ما يكونش على الريس

    وإنما العيب على الكاتب اللي عاوز ينافق الريس

    =====================================

    عموما الأمانة الأدبية تحتم علينا مانحكمش على العمل غير لما يتم ويتعرض ونشوفه عشان يكون نقدنا موضوعي

    وإن كان عندنا تخمين بنسبة 100% عن محتواه ولكنه يظل تخمين مش شيئ أكيد

     
    At Mar 9, 2008, 3:15:00 AM, Blogger حنة said...

    والله والله انا كمان الرئيس على بالي من كام يوم ونفسي اكتب عنه فيلم اسمه "نايم في العسل" او "تخاريف بعد السبعين " وهيبقى تحفة .. تخيلوا مشهد كده للسيد الرئيس وهو في فراشه الدافي ليلا بعد ما شرب اللبن .. وبيقلب في الدش (ما بيشوفش الجزيرة ابدا) .. سمع عمرو اديب وهو بيتكلم عن اللي بيحصل في غزة ... وبعدين .. سيبوني امخمخ بقى

     
    At Mar 9, 2008, 8:30:00 AM, Blogger أُكتب بالرصاص said...

    صحيح يا عمرو

    هايجيبوا انجازات منين ؟

    الكام كوبري
    على كام مصنع الملابس الداخلية ؟

    بس ما تنساش كمان انجازاته في بطولة افريقيا 2006 وغانا 2008
    وصعود الاهللي لليابات مرتين

    يعني لو دورنا هنلاقي انجازات برضه

    تحياتي

     
    At Mar 14, 2008, 4:13:00 PM, Blogger koukawy said...

    انا من رأئ يسمي المسلسل ....علشان كده احنا اخترنااااااااااك

     
    At Mar 26, 2008, 1:13:00 AM, Blogger L0vElYGh0sT14 said...

    يا سلام لو يخلوني امثل في المسلسل دة
    والله ممكن اطلع رغبف عيش ولا طبق فول
    اطلع اي حاجة
    بس امثل مع الريس
    ههههههههااااااي
    والله فكرة جاااااااااااامدة كيك
    محدش فكر في الموضوع دة من زمان لية صحيح
    اكيد في حاجة
    مش ممكن يعتقلوه ولا يعملوا فيه حاجة لو مطلعش الرئيس بشكل حلو في المسلسل؟
    ولا انت اية رايك يا برنس

     
    At Mar 7, 2009, 2:57:00 AM, Anonymous Anonymous said...

    A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

    a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

    情趣用品,情趣用品,情趣,情趣

    情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
    情趣用品,情趣用品,情趣用品,情趣用品.情趣,情趣,情趣,情趣.
    視訊聊天室

    情色,AV女優,UT聊天室,聊天室,A片,視訊聊天室


    UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
    聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

     
    At May 2, 2009, 4:50:00 AM, Anonymous Anonymous said...

    福~
    「朵
    語‧,最一件事,就。好,你西...............................................................................................................................-...相互
    來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

     
    At Dec 14, 2009, 6:16:00 AM, Anonymous Anonymous said...

    ehh. really like this thoughts

     
    At Nov 15, 2013, 11:44:00 AM, Anonymous Anonymous said...

    This is such a nice addition thanks!!!
    عرب كول
    شات صوتي شات
    شات مغربي
    دردشه صوتيه
    شات صوتي
    إنحراف كام
    شات عرب كول
    صوتي شات كول
    دردشه صوتيه
    سعودي كول
    شات صوتي
    شات صوتي
    شات عربي
    شات بنات كول
    شات صوتي
    دردشه صوتيه عربيه
    مدونة بعثرة اقلام
    بعثرة اقلام

     
    At Oct 8, 2016, 11:43:00 PM, Blogger Shaaban Mohamed said...

    شركة تنظيف بالجبيل
    شركة تنظيف منازل بالجبيل
    شركة تنظيف شقق بالجبيل

     
    At Oct 8, 2016, 11:45:00 PM, Blogger Shaaban Mohamed said...


    شركة تنظيف منازل بالدمام
    شركة المثالية للتنظيف
    شركة تنظف خزانات بالدمام
    شركة شفط بيارات بالدمام
    شركة مكافحة النمل الابيض بالدمام
    شركة كشف تسربات المياه بالخبر
    كشف تسربات المياه
    شركة كشف تسربات المياه بالدمام
    شركة مكافحة حشرات بالدمام
    شركة تسليك مجاري بالدمام

     

    Post a Comment

    << Home