بدون عنوان
ولن يضروا الله شيئا
عادي جدا مسلم اتنصر
علي يد بابا الفاتيكان
الاسلام مش هينقص بسببه
انا شايف محاولة لخلق فتنة
كل واحد حر في اختيار دينه
بس ياريت منديش الموضوع اكبر من حجمه
_______
يا سلام يا جامعة لو شفتوا العيش اللي طالع من الفرن
لما كان فيه امين شرطة واقف طول النهار
الرغيف كبيييييييييييييييير
وابييييييييييييييييييييييييييييييض
صاحبي وراني العيش اللي جابه لما لقي العملية حلوة كده
طب ولما ميبقاش فيه امين شرطة ايه النظام
__________________
حملة حماية
عمرو خالد
الراجل بيحاول يعمل حاجة
مش عارف ليه غاوين ندخل في نوايا الناس
وانه بيمثل
حتي لو بيمثل دي حاجة بينه وبين ربنا
المهم لو حتي واحد ربنا يهديه ويبطل
posted by Amr Ahmed @ 9:02 PM
22 comments
22 Comments:
عمرو
حمدالله على سلامتك
بالنسبة لاول حاجة مفيش مشكلة انه يتنصر هوا حر ربنا اعلم بالنوايا واعلم باللى فى القلوب
بس المشكلة بقى لو شيخ الازهر هوا اللى وقف واعلن اسلام واحد مسيحى مكنش كل الاخوة المسيحيين قعدوا يهاجموا شيخ الازهر ويشتموا فيه والارهاب الاسلامى واختطاف المسيحيين وارغامهم على الاسلام
ويروح البابا يعتكف فى الدير زى ما حصل مع وفاء قسطنطين وهما يعملوا مظاهرة فى كاتدرائية العباسية ويرفعوا علم امريكا زى ما حصل قبل كده اشمعنى متكلموش دلوقتى ويقولوا انها حرية شخصية
اما حملة حماية بتاعة عمرو خالد الراجل ربنا يكرمه ويوفقة بجد مشكلتنا ان فى ناس اما تلاقى حد ناجح تقعد تهاجم فيه عمال على بطال بس لغرض انه يتقال عليهم انهم مثقفين وليهم حوار وكلام فارغ زى اللى بيقولوه على عمرو خالد
ياريت يعملوا زيه ويبقوا قدوة زى ما عمرو خالد قدوة لناس كتير ويسيبوهم من الكلام الفارغ بتاع هوا جاب ثروته منين والقصص الخايبة بتاعتهم
أدعوكم، وتدعوكم ورقة وقلم .... إلى الاحتفالية المقامة بمناسبة فوز بوكر العربية ببهاء طـاهر ، وذلك يوم الثلاثاء القادم .... الأول من إبريل ... في نقابة الصحفيين الدور الرابع ... السادســـة مساءً
بالنسبة للي اتنصر دة هو حر يتنصر ولا يسلم ولا يتنيل على عينه كل واحد حر
وزي ما ربنا للكفرة والمشركين والمتنصريين لكم دينكم وليا ديني
عمرو خالد I Love
He is the best of the best
وصراحتن ناس كتير بقت بتصلي على ايده ودة موضوع محدش يقدر ينكره
وبالنسبة للناس الي بتسيء سمعته
دي طوائف عايزة تنشر فتنة وتشوه صورة المسلمين والاسلام
واحب اقول لكل شاب وكل فتاة
لا تنحرف
وبص لفوق
واوعي تبص لتحت
وفكر في نفسك
وعلى رأي المثل
كلام الناس لا بيقدم ولا بيأخر
والحياة مانجة
ويلا نعصرها
تحياتي لك بالعطور الفرنسية يالحب
عمورا
حمد الله ع السلامه يا برنس
مولفقك مليون في الميه لان الناس عندنا بتأخذ قضيه اللي يغير دينه كأنها قضيه أمن قومي و كأنها حرب بها فائز و مهزوم
أما عمرو هالد فحزب أعداء النجاح في مصر لا يرحم أحدا
:)
أما رغيف العيش فده حكايته حكايه
:)
تحياتي
حمد لله على السلامة
موضوع ان واحد اتنصر ما يتنصر ولا يسوى اننا نوجع دماغنا علشانة كتبت التاريخ كلها لو عدينا كام واحد كان مسلم و ارتد ممكن يتعدو على الصوابع فمش مشكلة و مش ظاهرة هى فى وقتنا الحاضر اعتبرها سياسة و فية ناس كتيرة ممكن تبيع ابوها فى الزمن المهبب دة علشان قرشين
اما عن موضوع الامين و العيش بكرة لما الموضوع ينام اصحاب الافران يدو الامين و المشرف قرشين بردو و ترجع ريمة لعادتها القديمة و الكل يسترزق و الى يضعيع فى النص الشعب الغلبان الى مش فى استطاعتة انة يجحيب الرغيف الى بربع جنية علشان يعرف ياكل عيش يصلح للاستخدام الادمى
و لسة
عمرو خالد و الحمله بتاعه انا معاك فى اللى بتقوله و بجد حمله جميله جدا
بوست جميل بصراحه
ثلاث مواضيع ارائك فيها جميله
تحياتى ابو مفراح
فكرة اللي اتنصر مش في الفتنه هي الفكره ان تقديمنا لنفسنا وحش فبشكل طبيعي هتكون النتيجه زي ما انت شايفها
وانا معاك في موضوع عمرو خالد ولا تعليق على العيش
انا شفت بوسترات كتير قوى للحملة دى و بصراحة انا معجبة جدا بالخطوة الايجابية دى
الناس اللى بتتكلم بقى ياريت لو مش عاجبهم يورونا هما ايه اللى عندهم
مصر هى أمى
محمد باشا
الله يسلمك يا صديق
والله وجهة نظر برضو
بس انا شايف ان هو اقل من انه يتعمله كده
وبالنسبة لعمرو خالد
يايريت يشتغلوا زيه
نورتني يا محمد
___________________________
إبـراهيم ... معـايــا
شكرا للتنويا يا ابراهيم
_________________________
L0vElYGh0s14
بالظيط كده
هي دي وجهة نظري
اكيد هو السبب في هداية ناس كتير بعد ربنا سبحانه وتعالي
وشكرا علي كلامك الجميل ده
الحياة مانجه
:)
__________________________
micheal
مايكل حبيبي
الله يسلمك يا صديقي
ولا مهزوم ولا فائز ولا حاجة
كل واحد حر في دينه
شكرا علي تعليقك يا مايكل
دايما منورني
____________________________
يقول أنى امرأة
الله يسلمك
عادي هو حر
ولا يفرق
مانا سالت نفس السؤال
ياتري هو خد كام
هههههههههه
تحياتي
نورتيني
_____________________
ابو مفراح
طيب عاوزين مجهود بقي
شكرا ليك
نورتني
____________________
wael
ممممممممم
وجهة نظر برضو
العيش بقي خلاص مش محتاج تعليق
نورتني
____________________
جـيـداء
الناس وبالذات الشباب
عاوزين يعملوا حاجة
بس هما اعداء النجاح كده
اي كلام بدون فعل
نورتيني
هممممممم
شكلك مهيس وهربان من المذاكره
شويه اخبار بسيطه بس جامده
بس حلوه قوى حكايه الظابط اللى كان واقف عند الفرن ده
اكيد هو كمان كان عاوز يجيب عيش
والله جت بفايده
بالنسبه لحملة حمايه
والله ابتديت احس ان الناس مش مصدقه ان ممكن حاجه كويسه وهادفه تحصل بجد
عشان كده شايفين انه كله تمثيل
ربنا اعلم بالنوايا المهم احنا هانعمل ايه؟
معاك في الأولى والتانية ومش معاك في التالتة
المشكلة في عمرو خالد هو اللي بيعمل حاجات بيدي فيها الفرصة للآخرين إنهم يهاجموه .. وهو عارف كويس جدا إنه تحت الأضواء ومستهدف جدا .. يبقى لازم يكون أحرص من كده في تصرفاته
الناس كلها بتتكلم على العيش اليومين دول
عندك حق
بالنسبة لموضوع المتنصر
وعمرو خالد لأنهم شوية قريبين من بعض
مشكلة الشعب المصرى انه بيحب يهول المواضيع ويتكلم فيها كتير
هو تنصر دى حاجة ترجعله لأنه اكيد عارف عقابه عند ربنا
والأسلام اصلاً فى غنى عن واحد زيه
معنى انه تنصر يعنى هو اصلاً ضعيف الدين واعتقد اننا مش محتاجين اللى زيه
اما عمرو خالد
كتير بيتكلموا ويقولوا
وانا عن نفسى بقول عمرو خالد له ما له وعليه ما عليه وكل واحد اكيد بيغلط فليه نبص لحاجة غلط او مسأله هو عملها ومختلف عليها كمان ما نبص للحاجات الكويسة اللى بيعملها وكام واحد اهتدى على ايديه وقد ايه ناس كتير بتسمعه اى حاجة تانية دى منه هوه لربنا لكن المشكلة اننا دايماً نسيب الحلو ونبص للوحش
اتقوا الله يا جماعة
اما موضوع الساعه
رغيف العيش
فانا حاسه انها بدايه مسلسل انهيار جميل للشعل المصرى وبقية المهزلة تأتى
تقبل مرورى :)
مش عارفة انا ايه الناس دي؟؟؟؟
كلام سليم جداً
---
عندك حق كل واح حر فى دينه..بس لو الموضوع كان اتعكس وكانوا مثلا عرضوا شيخ الازهر وهو بيعلن اسلام واحد كانت الدنيا قامت وملقتش كرسى تقعد عليه..
.............
عمرو خالد داعية محترم وياريت الناس بدل ما تنتقدوا تحاول تعمل حاجة كويسة تنفع بيها النس زيه والنوايا بين الانسان وربه بقى
حسب خطة احمد نظيف بيقول ان بعد 13 يوم من النهارده هتتحل مشكله العيش تماماً
اما عن موضوع عمرو خالد .. انا مش عارف الناس اللي بتقول ان هو بيمثل ده عايزين يوصلوا لإيه
الحمله دي المفروض كانت تتعمل من زمان
المدمنين نفسهم ميعرفوش انا في حاجه اسمها علاج
و احنا متأخرين جداً عن الدول المحترمه في الموضوع ده
و الناس ترجع تقولك بيمثل و الله دي ناس فاضيه
عايزه اقولك حاجه يااحمد بجد فعلا الاسلام اقوي من انه يهنز من واحد مقدرهوش ومش ده فعلا والله اعلم حياته عامله ازاي او خاتمته هتبقي ازاي لان زي مارتد عن الاسلام ربنا يهديه ويمكن يرجع تاني لان دول بيتعملهم غشيل مخ واما بيفوقو بيندموا اوي بالنسبه للعيش هههههههههههه مش عايزه اقولك هم يبكي وهم يضحك بس بجد ربنا يرهمنا من الي احنا فيه ويعين الغلابه علي حالهم
ادعي ربنا انت بس ان الأمين يفضل صاحي ومايزهقش وينام جنب باب الفرن
ربنا يخلي الأمناء كلهم
بص انا معاك في كل اللي انت بتقوله
معادا نقطة واحدة وارجوا ان يتسع صدرك لها نقطة عمرو خالد انا شايف ان الراجل كعلم ينقصه كتير وكتير قوي كمان لو دورت علي جوجل او علي
اليو تيوب هتلاقي علماء كتير ومن كل الأتجاهات ردوا عليه وبينوا اخطائه اما حكاية الحملة انا شايف بردة انها تلهية للناس عن موضوع اجره اللي الحديث كان في كل وسائل الأعلام عليه
اما حكاية ان ربنا ممكن يهدي بيه حد
فربنا يهدينا جميعا
تقبل مروري وتحياتي
شوفوا يا اخواننا
بالنسبة للاخ مصر هي امي
لو واحد مسيحي اسلم في ميدان المطرية ممكن يتقتل في ساعتها او بعد ساعتين
و افتكر البنتين الي اسلموا قام البابا شنودة اعتصم عشان يتسلموا له و اول ما اتسلموا كان شيئا لم يكن
لا بد من وجود بعض العدل
اي نعم المسلمين ما نقصوش الا واحد بس
بس المشكلة انه ممكن ينقص واحد كمان
و يبقي نقص اتنين
بس الي مش ممكن يكون
ان الاسلام ممكن يختفي للابد
لانه اقوي من ان يختفي للابد
و بالنسبة لعمرو خالد
دي حاجة بينه و بين ربه
ملناش دعوة بيها
و غير كدة الناس بتهاجمه عشان حاجة واحدة بس
كسر القالب السلفي للدعوة الاسلامية
اصبح في قالب عصري جدا
بس الخطأ الوحيد له
انه احيانا بيتكلم في حاجات ميعرفش عنها حاجة و بيعمل نفسه فاهمها
هو ده عيبه بس
فعلا عندك حق ان لما واحد يتنصر نقول عادي اذا كان بقا فيه عبده شيطان تاني بالنسبه للداخليه يعبد الشيطان احسن لما يبقا من الاخوان عشان يفضلوا قاعدين علي كراسيهم والله بقت دنيا عجيبه
بالنسبه بقا لموضوع العيش هنقول عادي برده هنعمل ايه يعني هنكبر احنا الرغيف ولا نستسلم للغش والهبل اللي احنا عايشين فيه لا بجد لازم يكون في حل
وبشكرك علي البوست الجميل ده
اختك شيتوس
Post a Comment
<< Home